اتظاربت مع واحد واخذ رقم لوحتي

اسال مجرب مابيلقى نتيجة من المرور والشرطة تنتظركم تذابحون عشان تتدخل 

الهرجه انا ماسويتله شي وهوا الغلطان وشفت معاه اهله سبته  برضه جا شال رقم لوحتي بكل عين قويه

اذا سبيته او تلفضت عليه بكلام سيء يمكن يشتكي عليك في المحكمه

يمكن صورك وانت تسقط عليه

والله مدري وش اقول لكن هنا عندنا نظام 
( ضربني وبكى وسبقني واشتكى ) 

قد صارتلي اول وكان مصري ومع عايله وتبلاني حسبي الله عليه 
لكن ربك فكني منه .. 

ف نقول ان شاء الله مو ماسك عليك شيء فيديو او صوره او صوت .. 

ويفضل ترجع حق نفس الموقع وتشوف اذا في كاميرات مراقبه من محلات او اي شيء 
عشان لا اشتكى عليك تطلب انهم يشوف الكاميرات ويشوف انها سقط عليك وكذا وانك انت سقطت عليه مو متعمد 
ومنها تثبت انك ما ضربته او تحرشت ب اهله وكذا 

لان المصري يوم شكاني كانت الشكوى تحرش بعايله وضرب وحادث وهروب ): 

وعليكم السلام وووين المضاربه بالموضوع؟؟؟؟؟

والله مالي علم او خبره بالمواضيع هذي بسس لو فكرنا بالعقل ايششش راح يقدر يسوي بدون دليل

خلصنا من مواضيع كبس علي فلاش ساهر و بتنزل مخالفه و الا لا و متى
و الردود انواع التوقعات
و الحين جت هالسالفه ! دنيا عجيبه

والله لازم من تركيب كميرات
في السياره ...ليييش؟؟؟
لتوثيق عمليات التعدي والهمجيه
من بعض السائقين كفانا الله
شرورهم.....لو فتح فمه تفتح
الكاميرا وتثبت عليه ....

مافيه اي دليل على كلامه
وتاكد من الكاميرات الي بشارع

والله ياشباب نصيحة لوجه الله

ابتعدوا عن المشاكل قدر الامكان وترفعوا عن تصرفات البعض الغريبة

خاصة مشاكل السيارات ... ماتدرون وش وضعية الشخص اللي قدامك

او عقليته او نفسيته ... وترى ماهوب انتقاص من حقك انك تترفع وتتلافى هالناس

بالعكس من الحكمة الابتعاد عنهم والدعاء لهم بالصلاح والهداية.

كل واحد يفكر بنفسه وبأحبابه لو صار شي من هالمشاكل

وايضا فكر في اهل الشخص اللي ابتلاك الله به وفي احبابه.

مشكلة بسيطة او محاولة اسعراض عضلات احتمال تضيع مستقبلك تماما.

الدولة فيها انظمة وقوانين تحفظ لك حقك لو حسيت ان فعلا الطرف الاخر اخطأ عليك

مايحتاج توقفه وتتهاوشون ورفع صوت ومن هالكلام.


والله يهدي الجميع.

فانتازي صادق يا جماعة في كل الاحوال اهم شي انك تاصل بالسلامة سقط ولا تأخرت الاشارة او حتى اذا سيارات صافة سرى ما يصلح تتعدى الجميع فيها قل احترام للي واقف ينتظر

التجأ الى الله وصلي ركعتين وادعو ربك وانت ساجد انه يصرف شره عنك

لهذا السبب يا خالد أنا ركبت كاميرا حتى أفتك من العالم الفاضية

إن شاء الله أنزل موضوع عن الكاميرا الي ركبتها ومقاطع وفوائدها ومميزاتها

وعليكم السلام ورحمة الله وبركاته
واضح من وصفك للموضوع ليس مضاربة وانما مشادة كلامية
واعتقد والله اعلم وقت العصبية والنرفزة صار اللي صار منه
وعندك احتمالين يا انه يصفك وينساك والموضوع زر زرة او يشوف له واسطة ويحاول يبلشك لان المثل يقول الرصاصة اللي ما تصيب تدروش
عالعموم نصيحة اي واحد خارج من البيت يقول
بسم الله توكلت على الله ولا حول ولا قوة الا بالله،،،
يقال له كفيت ووقيت وتنحى عنه الشيطان

ابو عبادة بانتظار موضوعك الكاميرا صاااارت من اهم الامور مع ازدياد المتخلفين الهمج وقد تحفظ حق غيرك
لو صادفت مشكلة او حادث

اذا غلطت عليه ومعه اهله يحق له يشتكيك ويسبب لك مشاكل لكن حدني وحديته اصلن الشرطه بيسلكون له

بحكيلكم قصتي وانا صادق فيها ورب الكعبه

عندي 3 سيارات
سيارتين للشركة استخدمها ونيت قديم وسياره قديمه - ونيت صيني مدقوق من كل ناحيه - كورلا قديمه
وكل ما اروح فيها مشاوير انواع الشتم والمساقط شاب راسي وربي شاب راسي وجاني السكر والضغط

بعدها قررت اسوي صيانه لسيارتي الفخمه واستخدمها بدل ما اخليها موقفه بالكراج
اول ما سقتها بالمشاوير الكل يحترمني ومحد يسقط والكل رايق وانا رايق وولو احد سقط ياشر بيده ويسلم

وش السالفه يا اخوان وربي انا صادق بقصتي

فهد كلامك صحيح وصارتلي مثلك .، 

بعض الناس تحترمك من موترك وقيمته ،، 

ها بشر ياخوي وش صار معك ، اشتكى عليك ولا لا ؟؟ 

ولا بسويلك شي ماعليك منه تخويف وكلام فاضي لا انت صادمه وهارب ولا شي بتصل فيهم بمسكونه الباب على طول