طريقة نقل اللوح وتكلفتها

لازم السيارتين تكون بإسمك ,,,,,,,,,,

المطلوب

1- تأكد إن فحص سيارتك وسيارة الرجال ( جديد )

2- على المعرض أنت والرجال وسوي مبايعة ( بالورق ) بينكم ( بفلوس طبعاً ) وانقل سيارته لإسمك ولا تنسى ( نقل الملكية برسوم )

3- انطلق لأقرب شركة تأمين وسوي تأمين جديد لسيارة الرجال ( لأنها صارت الآن بإسمك ) ولا تنسى سيارتك الحالية لازم يكون لها تأمين ساري

4- خذ إستمارة سيارة الرجال الجديدة اللي صارت بإسمك مع استمارة سيارتك اللي معك حالياً وعلى الصرافة

5- تسدد بالصرافة رسوم تبديل اللوحات بالرقم التسلسلي حق الإستمارتين ( كل إستمارة لحال ) بعملية مختلفة وكل وحدة ( برسوم )

6- على أقرب إدارة مرور ومعك ( فحص للسيارتين + تأمين للسيارتين + استمارتين السيارتين ) مع صورة الهوية او الرخصة

7- أطلب من العسكري يسوي تبديل بين لوحات السيارتين ( وطبعاً الإيصالات تكون معك احتياطاً )

8- ترجع للمعرض وتسوي مبايعة ثانية ( بفلوس مرة أخرى ) عشان ترجع سيارة الرجال لإسمه وطبعاً ( نقل الملكية برضوه برسوم )

9- ترجع لشركة التأمين بصورة من ورقة المبايعة الأخيرة وطالبهم يرجعون جزء من تأمين سيارة الرجال يوم كانت بإسمك ولهم حسبتهم

* * * * ملاحظة إلى النقطة 8 ( كل شيء عليك أنت وأنت اللي تدفعه ) والرجال ماراح يدفع ولا ريال إلا فحص سيارته إذا كان منتهي

والله أعلم . . . .

حياك
حسب كلام الوسط الرياضي
راح تدفع 800 ريال نقل ملكيه رايح جاي
وراح تامن مرتين يوم تقل سيارة الرجال بااسمك ويوم ترجعه
نقول سعر التامين رايح جاي 1400
هذا اذا سيارة الرجال فحصها ساري 
1400 تامين زايد800نقل ملكية زايد رسوم نقل لوحة800 المجموع
3000 ريال زايد التعب رايح جاي
اقولك عط الخباز خبزة لو كلا نصه
وسلامتك

الله لايهينك ي الوسط الرياض
وانت سالم ي الباترول والله اضاهر هذا اللي بيصير