أضف سؤال أو موضوع جديد          

لكل من يعاني من مشاكل المكيف

up 16 down 1
k 6 4 i 1229
قبل 2 سنه و 4 شهر



السلام عليكم 
شفت كثير ناس هذي الايام يشتكي من مشكله التبريد 
ولاحضت بكثره من مشكله معينه يجيك شخص يقول توي مغير كمبرسر جديد ومنظف دوره التبريد والمكيف رجع يحتر 
اناشخصيا عانيت من مشكله المكيف كثير وخسرت فوق 6000 ريال كلها على مشاكل التكيف والحل كان 75 ريال وماكنت ادري عنه 
كنت اذا غيرت كمبرسر يجي صاحب محل التبريد ويحط لى زيت كمبرسر لونه اصفر يصير حاطه فى علبه مويه صحه واسئله هذا ايش يقولي زيت كمبرسر وهو فى الحقيقه مو ريت كمبرسر هو يازيت مكينه او زيت هيدروليك  
اتفاجئ بعد مرور شهر او شهرين المكيف رجع يحتر ويفصل الكمبرسر ولما اروح محل ثاني عشان اصلحه يقولي لازم تسوي تنظيف لدوره التبريد كامله وتغيير كمبرسر مع اني اصير قبل شهرين مسوي تنظيف ومغير الكمبرسر 
وفعلا اذا جى يسوي تنظف تشوف يطلع سواد من المواصير انالما شفته قلت اكيد فيه شي غلط وفعلا دخلت المواقع الاجنبيه واليوتيوب لين عرفت انه كل كمبرسر له زيت خاص تشتريه من وكاله سيارتك مثلا هيونداي تاخذه من الوعلان او الناغي شفروليه من الجميح او التوكيلات الخ... 
المهم اشتريت الزيت من الوكاله ايسدلكو تجي علبه صغيره سعرها 75 ريال وتحط منها تقريبا قد بياله الشاي واحطه فى السياره واعبي فريون امريكي والحمدلله المكيف له الان سنه وكم شهر مايعاني من شي ابد تبريد ثلج  ماشاءالله 
محلات التبريد الله يهديهم يحط لك زيت هيدروليك او زيت مكينه والزيت يحترق ويسبب ترسبات داخل دوره التبريد ويصير حساس الكمبرسر يعطي اشاره غلط لكمبرسر ويصير يفصل الكمبرسر  

هذا الموضوع كان ودي انزله من زمان وان شاءالله تستفيدون منه 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


وعليكم السلام ورحمة الله وبركاته

الله يعوض عليك وان شاء الله ماعاد يخرب عندك

انا معي ماليبو 2013 اذا وقفت يحتر المكيف واذا مشيت يبرد ورحت حق كذا محل يقولي كمبروسر واتركه وامشي

مو معقول كمبروسر احس في شي بسيط بس يبيلك واحد امين وحل المشكله


up 2 down 0
turkias 31
قبل 2 سنه و 4 شهر



الله يجزاك خير ياخوي فهد ،، 
دائماً مبدع بردودك ومواضيعك 

شكراً عالافادة الجميلة 


up 2 down 0
m7md 33 1155
قبل 2 سنه و 4 شهر



امين وياك ومن يقرا 
منك نتعلم يابعد راسي 


up 0 down 1
k 6 4 i 1229
قبل 2 سنه و 4 شهر



بارك الله فيك ماقصرت وعوضك خير ان شاء الله
بغيت اسأل اخوي وش لون الزيت لاهنت


up 1 down 0
ابو عبدالله احمد 3528
قبل 2 سنه و 4 شهر



الله يسعدك وين ما وجهت لك كل الشكر والتقدير


up 1 down 0
تبوك313 490
قبل 2 سنه و 4 شهر



نادر تحصل احد يحط لك زيت اصلي مدري ليه قيمتها بيطلعها من التصليح


up 1 down 0
7amood1930 182
قبل 2 سنه و 4 شهر



اللهم امين وياكم ان شاءالله 
ابوعبدالله الزيت يجي لونه ازرق فاتح طبعا هذا ايسدلكو مدري عن الشركات الثانيه وش يجي لونه 



up 2 down 0
k 6 4 i 1229
قبل 2 سنه و 4 شهر



ايه اكيد ماراح يحط لك اصلي لى انه يبي ياخذ اكبر فايده منك 


up 0 down 1
k 6 4 i 1229
قبل 2 سنه و 4 شهر



اعوذ بالله ، وصل بهم الطمع يحطون زيت سيارة ، وين الرقابة والتجارة ، وايضا ماعمري جيت فني مكيفات الا يحطه في كرتون والظاهر هذا دليل غشهم حسبنا الله عليهم .


up 2 down 0
جبال معانيق 277
قبل 2 سنه و 4 شهر



ماقصرت الله يعطيك العافية



up 2 down 0
واحد من هذا الزمان -1
قبل 2 سنه و 4 شهر



شكرا
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


up 0 down 1
ابو محمد9999 4147 -14
قبل سنه و 4 شهر