أضف سؤال أو موضوع جديد          

تجمع GMC Yukon XL SLT 2019

up 4 down 1
iahmd1 10
قبل 2 شهر و 2 أسبوع




السلام عليكم ورحمة الله وبركاته


تقبل الله منا ومنكم صالح الأعمال، عيدكم مبارك مقدمًا.



أخواني، هذه الصفحة ستكون بإذن الله محلًا وتجمُّعًا مباركًا لطرح آرائكم وملاحظاتكم في جميع ما يتعلق بسيارة GMC Yukon XL SLT 2019 بناءً على تجاربكم الشخصية، والمجال مفتوح للأسئلة والاستفسارات للمهتمين.


بارك الله فيكم، وأسأل الله لي ولكم التوفيق والسداد.
















إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


السلام عليكم
افكر اقتني هذه السياره
الرجاء تقييمها لمن استخدمها
من موديل 2015
من ناحية--------->
الوقود
الراحه
العزل
الصيانه
قطع الغيار
هل يوجد بها رادار منع التصادم؟؟؟
هل يوجد بها رادار المحافظه على المسار ؟؟؟
ولكم احبتي جزيل الشكر


up 2 down 0
لا للغلاء 682
قبل 2 شهر و 2 أسبوع



الوقوود فل 150يمشيك 900كيلوا
الراحه ممتاز
العزل ممتاز
الصيانه مدري لكن اتوقع انه سئ



up 2 down 0
osamah5887 105
قبل 2 شهر و 2 أسبوع



اهم شي المحافظه على زيت المكينه واللزوجه المستخدمه 
المكاين الجديدة تطورت 
والزيوت تطورت 

الجمس والتاهو فيه نظام توفير الوقود يشتغل 4 سلندر فقط 
اي خلل او تحط زيت غلط بتنعدم عليك التكايات وطرمبه الزيت وبتسمع صوت التكتكه 

الزيت الموصى من الصانع جي ام 

( 0w20 ) 

خفيف على المكينه وموفر جدا للبانزين
ويصلح للي استخدامه رايق للسياره
ومو راعي دعس وسرعه عاليه
 
أو لزوجة 

5W30

اثقل بخفيف من اللزوجة اللي قبل وموفر للبانزين
بس مو اكثر من اللي قبل 0W20 

ينفع اكثر للي دايم يدعس والضغط دايم يوصل لاخر شيء 

الكلام هذا موجود بالكاتلوج حق السياره وبتحصل رقم اللزوجه مسجل على غطاء الزيت بالمكينة 

لاحد يتفلسف عليك ويقول ركب زيت ثقيل للصيف ومدري ايش 
هذا ماله اي دخل  وعدو مكاين الجمس والتاهو الزيت الثقيل 

مهندسين جي ام صنعو لك مكينه وحددو لك خيارين حط كذا او كذا فحاول انك ماتتفلسف بموضوع الزيت ولا تستهين فيه 

انا اقول هالشي لانه موضوع التكايات وصوت التكتكه مزعج ومكلف تصليحه بسبب غلط بلزوجه الزيت 

انواع الزيوت 
اول شي ابعد عن زيت اسيدلكو الأماراتي الموجود بالوكالة لانه فاشل جدا والكثير يتشكى منه 
قبل اسدلكو الامريكي كان ممتاز جدا بس خلاص حولو الانتاج للامارات وبتحصله مكتوب بالعلبة صنع في الامارات 

الزيوت عندك انواع اهم شي انه تحمل تصنيف جي ام الي هو ديكسوس gen2

فوكس تيتان سوبر سين بكل اللزوجتين 0W20 او 5W30 
شل الترا بكل اللزوجتين 
بترومين بكل اللزوجتين مع اني شخصيا مافضله للجمس والتاهو مع انه يحمل مواصفات ديكسوس 
كاسترول ايدج الامريكي علبته سوداء بكل اللزوجتين 

او زيوت مستورده تحصلها بمحلات عزيوت محدده عندنا او موزعين 
مثل
ليكي مولي الماني
امسويل امريكي 
لوكاس امريكي 

اهم شي انها تحمل شعار ديكسوس بالاخضر 

ومعلومه اخيره حاول انك ماتطول على الزيت اكثر من 7000 كيلو 
او عاير الزيت شوف باقي فيه لزوجه يكمل معك  او خلاص انعدمت
موضوع لون الزيت مو معيار لصلاحيه الزيت 


انا فتحت موضوع الزيوت لانه مهمه جدا ولا راح احد يستوعبه منكم الى اذا سمع صوت الطقطقه بالمكينه وغير تكايات وطرمبه ولا صارت تنقص زيت 

الكلام اللي قلته فوق موجود بالكاتلوج واذا طبقته اضمن لك بعد الله ان سيارتك بتوصل المليون كيلو 



up 9 down 0
haas 19
قبل 2 شهر و 2 أسبوع



شكرا لمن ادلى برأيه......^^^
وكل عام والجميع بخير .....
تقبل الله من الجميع صالح الاعمال



up 0 down 0
لا للغلاء 682
قبل 2 شهر و 2 أسبوع



نحتاج أي أحد يتكرم بتقديم شرح وافي عن الدبل وطريقة استخدامه، ويكون أفضل لو تم تصوير مقطع فيديو ورفعه على اليوتيوب ومن ثم مشاركة رابط الفيديو في الردود. وشكرًا.


up 0 down 0
iahmd1 10
قبل 2 شهر و أسبوع