أضف سؤال أو موضوع جديد          

بخصوص تاجير السيارات

up 1 down 0
محمددهل 21
قبل أسبوع و 6 يوم



السلام عليكم مساكم الله بالخير
وكل عام وانتم بخير
استاجرت قبل العيد بيوم سيارة تشارجر من مكتب ايجار
وشرطت عليه ان تكون السيارة نظيفة لاني بسافر انا والاهل
وسافرت فيها ولما وصلت طفت من نفسها جلست احاول فيها فوق الساعتين اشغلها ما اشتغلت
وبصدفة مره كهربائي وفحصها وقال في التماس بالأسلاك الكهرب اللي موصلة من طرمبة البنزين
بسبب الجهاز التتبع اللي مركبينه احتمت الاسلاك وفصلت جهاز التعقب واشتغلت ومشيت عليها

وجاي اليوم الثاني وانا اسوقها في الخط السريع طفت علي وجلست فوق الساعتين لحد ماجب لي المرور سطحة
حاولنا نسحب الموتر ما انسحل معنه كان معشق على N
والجلنط مفتوح. مامشت ولا قدرنا ندفها المرور قال لسطحة اسحبها لانها كانت موقفه في الخط السريع
وتقريبا انكسر الذراع
حاولت كثير اتواصل مع الشركة رد موظف قال انا ما اقدر اخدمك حاول تجيبها الرياض
وانا ما استطيع اخذها سطحة لرياض لضعف المادة وهم قالو بيفتحو 6 يوم العيد


اعتذر طولت عليكم استفساري هل لي حق من المكتب مع العلم اليوم الثاني والسيارة واقفه ولا استفدت منها.
وكل اللي صار معي صورته فديو.









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


الفزعه يارجال ابي اعرف حقي علشان ما اتورط


up 0 down 0
محمددهل 21
قبل أسبوع و 6 يوم



زين انك صورت كل شي فديو
حاول تحله معهم ودي
وتاخذ مخالصة مختومه منهم
ولا مكاتب التاجير مثل اللي في بالي الحق معه لو خطاه كبر الارض



up 0 down 0
باترول 2020 2562
قبل أسبوع و 6 يوم



العقد ينتهي من تاريخ العطل وهم يتحملون السطحه
انت اثبت بتقرير مرور ولاغيره ولاعليك من النصابين


up 1 down 0
فور جي 68
قبل أسبوع و 6 يوم



و عليكم السلام
وكل عام وانتم بخير
في رقم لتقديم
شكوى ضد مكتب تأجير السيارات اتصل على(( 938))
وراح يحلو موضوعك
الله يكون فى عونك


up 2 down 0
fahdgwad 34
قبل أسبوع و 6 يوم



وعليكم السلام
للسفر حاول تاخذ سيارة اصفار او ماشيه اقل من ٥ الاف
وتاخذ سيارة معروفة بالكد والمكدة 

أما سيارة دوج تحتاج وحدة محافظ عليها أما تاخذها ايجار ملعوب فيها وتجلس  تكد عليها تصليح ؟ 

عموما ارفع شكوى في وزارة النقل ولكن قبل هذا تواصل مع مكتب التأجير إن شاء الله تنحل مشاكلك بدون شكاوي


up 0 down 0
abdulss 206
قبل أسبوع و 6 يوم



ودها بسطحة وعطهم الفاتورة ويعوضونك عن قيمة السطحة وهم ما يشوفون الدرب


up 0 down 1
تركي818 154
قبل أسبوع و 5 يوم



وتواصل بعد مع وزارة التجارة وعلمهم باللي صار وشوف وش يقولون لك وخل وزارة التجارة يعلمونك اللي لك و اللي عليك


up 0 down 0
العادل عبدالرحمن2 -3
قبل أسبوع و 5 يوم



حقك مجرد ماتصدم او تتعطل السياره ينتهي العقد 


up 0 down 0
مشاااووير 139
قبل أسبوع و 4 يوم