كما وصفها احد المجربين

21 3

لايمكنك التصويت حتى الحصول على 20 نقطة على الأقل
إضغط هنا للإخفاء

شاقح بن مشقوح الشقيحاني 22707
قبل 11 سنه و 6 شهر

كما وصفها احد المجربين


وهذا رابط موضوعه (( http://www.assayyarat.com/forums/thread178065-4.html ))


شباب للي حاب يشتري ستروين C5
وأنا عندي ستروين من موديل 2004 والأن شريت الجديدة وبتكلم من واقع خبرة ومارح أطول عليكم

أول الشي العيوب:-
1- السيارة ماهي حقت سرعة (للي يدرو السرعة)
2- دلوعة ومو أي أحد يفهم فيها (يعني مو يقلبها هايلكس) تتصلح بس في الوكالة أو عند ورش موظفين ستروين سابقا.
3- أغبى شيء فيها الكوب هولدر (حاملة الأكواب) من 2004 وإلى 2010 وهي نفس المشكلة.

المزايا :- (طبعا لايمكن حصرها)

1- أمان مش طبيعي.
2- رساوة وثبات 100% الى سرعة 180 وأنت في قمة الثبات وأنا جربتها على الطريق وأنا رايح المدينة.
3- معزولة عن الصوت الخارجي بشكل رهيب.
4- السيارة في قمة الذكاء وركز على الذكاء يعني السيارة لو حتى ضرب عليك كفر وأنت على سرعة 120 السيارة بتمشي على ثلاث كفرات وتعدل نفسها بنفسها ورح يطلعلك في الشاشة كل التفاصيل(مجربة).
5- تأكد أي شي رح يصير في السيارة مايحتاج له إفتاء كله شي رح يطلعلك على الشاشه من أعطال من كفرات من كشافات معطلة إلى أخره...
6- توزيع الصوت (سيراونديد)
7- السيارة وإنت ماشي مطرت عليك مثلا الشبابيك والتندة تقفل لحالها وتشتغل المساحات والمكيف تقل درجة حرارته وترتفع السيارة عن الأرض بسبب وجود هايدرولك في السيارة.
(المقصد من هذه النقطة 7 إنك تقيس عليها باقي الأشياء من ناحية الذكاء يعني إنت مو مطلوب منك غير إنك تسوق)
8- الكراسي تختلف عن تعب الياباني وخشونة وقوة الألماني مريحة لدرجة 120 %
9- السيارة صناعة فرنسية تقنية ألمانية للمعلومية.
10- قطع الغيار متوفرة ورخيصة أرخص من الهونداي وقريبة من سعر الهوندا وكلمة مو متوفرها ماتسمعها كثير واذا سمعتها ومالقيت قطع غيار تلاقي نفس القطعة في شركة بيجو لأن الستروين وبيجو نفس القطع أصلا لما تشتري القطعة رح تلاقي الشعارين على نفس العلبة.
ماني عارف ايش اقلك على هالسيارة المجنونة والراقية صراحة بس عيبها إنه وكيلها ضعيف ماسوق لها كويس وضيع حقها وظلمها يعني شوف الرينو رح ياخذ وكالتها عبداللطيف جميل وشوف كيف رح تمشي.

ملاحظة السيارات الفرنسية من أقوى وأحسن السيارات والشي يلي الناس تجهله إن البوقاتي سيارة فرنسية.


وهذا رد لشخص اخر مجربها في الرياض وهي تمشي على 3 كفرات


(( وشهاده لله يا شاقح ولا يهون الاخوان انها سياره مركب مريحه جدا ما احسن منها الا الكدلك وفيها حركات عجيبه في الهيدرويك قير صغير تدفه قدام ترتفع السياره ارتفاع يالله تحول ببرشوت وتدفه ورا تنزل نزول باصغر مطب تحك وفيها حركه عجيبه هي السياره الوحيده الي تمشي علي ثلاث كفرات نعم تمشي علي ثلاث ويشهد الله اني ماشي فيها من الثمامه الي بيتنا علي ثلاث كفرات بس لازم يكون كفر خلفي تفكه بجنطه وذكر وانا امشي الي يكبس والي يشر وذكر واحد يقرب مني ويبعد يقرب ويبعد وفتح القزازه وقوله وش فيك قالي احتريك تنقلب واحد يقول يا الاخو كفرك انطلق عند دوار العويضه ولاكن الشهاده لله كانت سياره حلوه ولاكن بعد استعمال 8 او 9 سنوات ماتستاهل قيمه شيلتها بسطحه ))



لم استطيع تحميل الصور ومن اراد رؤية السياره فلها تقرير قديم على هذا الرابط


http://montada.haraj.com.sa/2221/تقرير-مصور-بسيط-عن-الجوهره-الفرنسيه---سي-فايف/

إبلاغ

الردود