أضف سؤال أو موضوع جديد          

حادث بنسبه 100 علي كيف طريقه الاعتراض

up 3 down 1
saifn 7
قبل أسبوع و 4 يوم



السلام عليكم يا اخوان
انا اليوم صار لي حادث عند لفه والغلط على صاحب السياره الاخرى
كنت لاف وداخل في الشارع وماسك مساري وهو ماشي وانحرف عن مساره بسبه انه على الجوال واعترف لي انه على الجوال وتضرر عندي الكفر والباب الخلفي الايسر وهو موتره فقط صدام جمب كفر السائق تماما
وقال ما ادري كيف صار الحادث اشرح لي لانه على الجوال ثم قال انا مامعي تأمين تعال نروح للورشه نصلح موترك مايحتاج تدق على نجم لكن يوم جاء نجم قال انه ماكان على الجوال وانا كنت مكبر اللفه والغلط علي وموظف نجم حط الغلط علي 100% وللعلم الحادث ماكان عند اللفه لكن موظف نجم حاطها عند اللفه
فاليعرف الطريقه او قد صارت له يعلمني جزاكم الله خير







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام

كان الله في عونك

الناس أصبحت تكذب وتحلف على الكذب من أجل الدنيا

لهذا السبب ركبت كاميرا في سيارتي حتى أضمن حقي


up 5 down 0
أبو عبادة 4719
قبل أسبوع و 4 يوم



الاعتراض يكون عن طريق المرور وليس نجم راجع المرور


up 0 down 1
الجمل الهايج 9
قبل أسبوع و 4 يوم



طالما ما معاه تأمين المفروض المرور اللي يباشر الحادث مو نجم!!!!

هذا أول شي, الشي الثاني, الأفندي هذا ينحجز في توقيف لين يعطيك تعويض تصلح فيه سيارتك.

و هذا كذب عليك المفروض انك ما تسامحه تنشب له لين يدفعلك و رجوله فوق رقبته. دام انه كذاب يستاهل التوقيف و ايقاف

خدمات لين يدفعلك.



up 2 down 3
بدر الباثفايندري 1056
قبل أسبوع و 4 يوم



على حسب الجهة االلي باشرت الحادث. اذا كان نجم هو اللي باشر الحادث وعطاك تقرير تروح تراجعهم وتعترض عن طريق مكتبهم او موقعهم الالكتروني.
واذا باشر الحادث المرور تروح للمرور وتعترض .



up 2 down 1
ابو سعود الحمود 9
قبل أسبوع و 4 يوم



صار لي حادث ب ابها وانا من اهل الشمال موظف هناك 

اللي صدمني بزر عمره ١٧ مامعه تامين والسياره لاخوه 

يوم جاء نجم شاف سيارتي عليها تامين شامل حط الخطا علي ١٠٠٪؜ 

مادري هل هي عنصريه او لا .. 

اما الاعتراض تروح لنجم تاخذ ورقة اعتراضض من المدير وتروح للمرور وتروح للمرور ٣ ايام ورا بعض يكلمونه اذا ماجاء يوقفون خدماته لين يجي 


up 1 down 1
مشاااووير 139
قبل أسبوع و 4 يوم



اللي اعرفه اذا في احد اطراف الحادث ماعنده تامين يحضر المرور

كيف يجي نجم !.


up 1 down 1
aboahmed2014 894
قبل أسبوع و 3 يوم



اذا نجم حط الخطأ على طرف 100 % و هو مؤمن مايحتاج للمرور.


up 1 down 0
amer ahmed 456
قبل أسبوع و 3 يوم



تستطيع الاعتراض عن طريق نجم. و بحاول نجم انه يقنعنك
انك مانت خسران شيء لانك مابتدفع شيء لاصلاح سيارة الطرف الاخر.
لكن لا تسمعله و اعترض. ممكن بعدها تتحول للمرور. و خذ حقك بالكامل و الله يعينك.


up 0 down 0
amer ahmed 456
قبل أسبوع و 3 يوم



أخي الكريم : مثل ما قالوا الأخوان وإذا ما فاد غعتراضك عند نجم والمرور ( لجنة الحوادث ) فيه محكمة مرورية

خاصة بحوادث المرور .. اطلب تحول مشكلتك لها وبإذن الله ترضيك


up 0 down 0
سعود بن نادر -8
قبل أسبوع و 3 يوم