هل تم الغاء تدبيل المخالفات؟

وعليكم السلام
جاتني مخالفة سرعة بعد النظام الجديد تدبلت في نظام المرور لكن جيت بسددها عن طريق الراجحي لقيتها بنفس القيمة قبل التدبيل سددتها ورفعوها

اولا مافيه شي اسمه تدبيل
فيه حد ادنى للمخالفه اذا سددت خلال شهر ، اما تأخرت عن التسديد تتحول الى الحد الأعلى

فمثلا مخالفة السرعه النظام القديم 300 ريال اذا ماسددتها خلال شهر تتحول الى الحد الاعلى فـ تصير 500 ريال.. لو تتدبل كان صارت 600 ومخالفة الـ 500 تصير 1000 بدل 900

النظام الجديد حاطين حد ادنى وحد اعلى مخالفتك 800 ريال وهي حد ادنى واذا صارت حد اعلى بتصير 1000 ريال.. لو على قولتك (تدبل) كان صارت 1600 ريال


بشكل عام المخالفه يرتفع سعرها وتوصل للحد الاعلى في موقع ابشر او استعلامات المرور
لكن عن طريق الصرافه تبقى نفسها بالحد الادنى..

فإذا كنت على مقدره تسددها بدري يكون افضل.. لأن ماتدري وش يصير فالمستقبل.. يمكن حتى عن طريق الصرافه ترتفع المخالفه للحد الاعلى مثل موقع ابشر

الله يجزاكم خير...لو اقدر بسددها طبعا..بس الحمدلله

عندي مخالفات من بداية السنه الميلاديه و لا تدبلت على وضعها
اشيك عليها كل ما نزل الراتب على تطبيق البنك على وضعها
و اللي عنده تدبيل او حد اعلى من اول اذا بيسدد يطلع له المخالفات الحد الادنى

من عام 1438 هـ والمخالفات تلقاها بالصرافة ( ما تتدبل ) . . . . .

خلال ٣٠ يوم ترتفع للحد الاعلى 

اذا جيت بتسدد مخالفه وحده بس بتسددها وهي مرتفعه للحد الاعلى 

لكن اذا جيت تسدد مخالفاتك كامله مثلا كان عليك ٩٠٠٠ بتسددها ٧٠٠٠ 

المخالفات تتدبل في نظام أبشر
لكن اذا جيت تسدد في الصراف أو عن طريق تطبيق البنك توشفها غير مدبلة
مثلا مخالفة وقوف خاطئ قيمتها 100 ريال
بعد شهر بتشوفها في أبشر 150 ريال
بعد سنة تدخل موقع البنك او الصراف تشوفها 100 ريال