أضف سؤال أو موضوع جديد          

مقارنة بين سيارات الدفع الرباعي غمارة باترول باجيرو جيمني

up 2 down 1
ابو عبدالرحمن 96 6
قبل 3 شهر و 4 أسبوع



السلام عليكم

مساكم الله بالخير إخواني الأعزاء


أود معرفة تجاربكم و خبراتكم بين السيارات الموضحة في العنوان (باترول-باجيرو-جيمني) كسيارة ثانوية للطلعات البرية و البحرية من ناحية الصيانة و توفر قطع الغيار و سعرها و تحمل الطرق الوعرة
شخصيا أعجبتني الجمني بالذات لكن السعر للموديل الجديد مبالغ فيه لكن يوجد عروض أفضل عند وكلاء سوزوكي في الخليج
كذلك قطع الغيار كسعر وتوفر ليس لدي خلفية عنها
علما أن الميزانية بين 60 إلى 80 ألف ريال و اذا فيه اقتراحات سيارات دفع رباعي أخرى مرحب بذلك







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لا تدور غير الباترول ارض جو بحر
وخذ النظيف
صيانه معروفه وموتر معروف

صرفيه يلهطك لهط بس يبرد خاطر بالنفود


up 3 down 2
جاي امس 425
قبل 3 شهر و 4 أسبوع



الباترول يمدحونه حرس الحدود يقولون اقوى من التويوتا واقوى سياره دفع رباعي
وزي مايقول المثل الحلو مايكمل البنزين يشرب شرب


up 1 down 0
qoowoop 128
قبل 3 شهر و 4 أسبوع



الباترول متميز بالقوه والمتانه وقلة طلب
قطع الغيار ....عن تجربه شخصيه 18 سنه
للباترول والله جبااار ....وصرفية الوقود
تقدر تتحكم فيها نوعا ما ....المتسوبيشي قوي
لكن القطع معقده وغاليه شوي ...الجمني صغيييير
جدا ولاراح ترتاح فيه


up 2 down 0
لا للغلاء 765
قبل 3 شهر و 4 أسبوع



عليكم السلام

باتروووووول وبس لاتدور غيره منتشر وقطعه متوفره ومريح وسيارة جبارة بالبر ماله منااافس يشرب بنزين وهذا
حال كل الجيوب و80 تجيب لك اربع ابواب وباب على حسب رغبتك لكن انتبه وافحص زين قبل ماتدفع مبلغ بموتر مكرووف

باترول وموتر ثاني اشوف الفورتنشر ممتاز لكن مايجي بقوة الباترول



up 2 down 0
المنطق يقول 724
قبل 3 شهر و 4 أسبوع



تعليق فقط على الجمني يختلف عن باقي السيارات ويميزه انه صغير ومُمتع جداً بالقيادة 



up 0 down 1
sam73x 65
قبل 3 شهر و 4 أسبوع



الباترول موتر بب من الدرجة الأولى جميع الظروف والتضاريس
تبي سفر ولا بر نفود او جبال موتر نشيط وقوي ويجمل .. قطعه متوفرة لكن يحتاج اهتمام بسيط بالصيانة ويصرف البنزين .

الباجيرو اشوفه يتحمل اكثر موتر عملي ويكرف وعزمه وقوته طيبة لكن عزمه مايجي زي الباترول فيه ثقل وصرفيته للبنزين عالية كذلك لكن اقل من الباترول . اسعار قطعه اغلى شوي وبعضها تحتاج وقت طلبية

الجمني مختلف عنهم . موتر صغير وخفيف كنه دباب مكينته صغيرة مرة اصغر من مكينة الاكسنت لكن صغر حجمه وخفة وزنه تجعله سهل الحركة بالبر وحتى لو غرز كم واحد يدفونه او يرفعونه ويطلع
لكن بما ان المكينه صغير مايمديك تراقي به طعوس او اماكن تحتاج قوة . كذلك ماتقدر تسحب به مقطورة او تسحب احد . وكذلك اذا معك ركاب بالسيارة صعب انك تحمله اغراض لو معك عزبتك وخيمة وفرش بر ماظن بيكفي لها مكان
فأنت شف وش الي يناسبك وتحسه يفي بغرضك





up 0 down 0
ain501 204
قبل 3 شهر و 4 أسبوع



باجيرو 3.8 شيخ ولا يهون الباترول الجيمني مايصلح الا بعد امطار تتمشى عليه


up 3 down 3
benz lover -29
قبل 3 شهر و 4 أسبوع



شكلها باترول طيب تنصحون بنوع معين؟ أو موديل معين؟ أو وكيل؟ بالنسبة لشخص عزابي ساكن بالجبيل عند اهله.
و توافر قطع الغيار و سهولة الصيانة


up 2 down 0
ابو عبدالرحمن 96 6
قبل 3 شهر و 3 أسبوع