أضف سؤال أو موضوع جديد          

هل الرش بدون معجون يعيب السياره ؟

up 2 down 4
مشاااووير 7
قبل سنه و 5 شهر



ي اخوان لقيت جيب 

شاريه راعيه حكومي ومشروط عليه يغير اللون 
وصبغ الموتر ابيض بدون اي سمكره او تعديل او معجون 


هل الرشه اذا كانت على بودي نظيف تاثر مع الوقت ؟ 


اتمنى الرد من اصحاب الخبره 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


على حسب الرشة الله يطول بعمرك

اذا انها عند اتراك وفرن وشغلهم معروف بالاساس والرش واللكر.. تقعد معاك سنين حتى لو توقف بالشمس..

اما لو الرشه يدويه.. وعند اخواننا من اليمن او الباكستانين.. فهذي حدها سنه.. ويقلب لونها تدريجيا اذا بتوقف بالشمس


up 3 down 2
ابوخالد1397 2882
قبل سنه و 5 شهر



حياك
نفرض ان لونة كان اسود 
ورشة ابيض ع لونه الااول هذا الطريقة دمار 
لزم يتفكك الموتر ويصبغ حتى من الداخل
وهذا ماحد يضمن لك بعدين عل الموتر كان مقلوب الخ
اذا تبي تستخدم وعارف الموتر وماتهمك سالفة البدي 
وسعره مناسب لك الااختيار
وباالتوفيق


up 2 down 0
باترول 2020 2624
قبل سنه و 5 شهر



الرش بالنسبة لي عادي ولو لزم المعجون قله يحط خفيف ما يكثر

اصلا بعد المجون راح يصنفر و بكذا راح يصير ناعم مع باقي المناطق الغير مراد رشها.

اقول لك عن نفسي هالفترة قاعد افكر مليا يمكن ان شاء الله على عقب عيد الأضحى ادخل الباثفايندر حقي للرش عليها خدوش

وتبهيت في مناطق مفرقة وسمعت و قريت كثير عن انه الرش ينزل من سعر السيارة في البيع بس انا اقول هذا للي يبيع وانا

ان شاء الله ناوي استخدم و السيارة محتاجها الآن أكثر من قبل و من ابسط حقوقي اني اشوف سيارتي بمنظر يفتح النفس لآني

بصراحة ما احب الخدوش واللي يقول ردة عين هذا كلام فاضي. اللي يرد العين الأذكار, اذكر ربك مع المعوذات و استودعها

لرب العالمين وان شاء الله رب العالمين يحفظك و يحفظ سيارتك.


up 2 down 1
بدر الباثفايندري 1115
قبل سنه و 5 شهر



روح لمحلات البويه واختار البويه بنفسك فيه الماني الكيلو ب 700 وفيه الايطالي الكيلو ب 400 والصيني ب 50 ريال
وكل شي عليه ضمان الالماني 10 سنوات وزود من التبهيت او تغير اللون اذا تبي شغل مرتب ومتعوب عليه
وعندك ورش السمكره
لو تاخذ فره على الورش وتسالهم افضل ورشه فرن وسمكره راح يدلونك لاتسال السمكريه اسال المكانيكيه والكهربائيه لان ماهو تخصصهم وبتحصل الاغلبيه راح يذكرون لك ورشه واحده المعروفه عندهم



up 1 down 1
qoowoop 128
قبل سنه و 5 شهر



خذها قاعدة مستحيل تجي مثل الوكالة ابد ولكن المضطر وعلى حسب البوية والورشة والشغل  وانت بستخدم فما يهمك ولكن وثق انه حكومي او صوره حتى بعدين الا بعت توريهم. وتجيب لك قيمة


up 1 down 1
جبال معانيق 276
قبل سنه و 5 شهر



اخوي بندر البايثفيندري

المعجون ياصاحبي هو حيله العاجز !!!! وطريقه استخدامه هي اللي تفرق

1/ سمكري فنان و يخاف الله جته سيارة فيها ضربه يجيك يحاول يعدلها بالمطرقه عاد هو واحترافيته لكن الغالب يرجعها بنسبه 85٪ الى 90٪ عن شد البلد .. بااقي ال 10٪ هذي يتكفل فيها المعجون والرش

2/ سمكري سباك ... يلطس لك المعجون ولايكلف نفسه يعدل لك الضربه ولاحتى 5٪ وهذا هو المصيبه يخسرك مرتين ويمطرس موترك ويخربه ويصير مايسوى ولاربع قيمته

3/ سمكري داج ويتعلم على مواتر خلق الله.. هذا يعدل الضربه بالمطرقه نقول مثلا بنسبه 50٪ ويلطس لك المعجون دفعه وحده وهذا برضه مصيبه.. لازم تحط طبقه وحده فقططط وتنتظر لليوم الثاني علشان يجف كليا ثم تضيف الطبقه الثانيه والا مرده بيطيح لانه غير متماسك بالشكل الصحيح

عاده المعجون الكثير يكون على البدي الافقي وليس العمودي ( بمعنى الكبوت + السقف + الشنطه) اما الاجزاء العموديه مثل الابواب والرفارف لازم يكون فبها المعجون بأقل كميه علشان ماتطيح مع المطبات .. وسلامتك



up 4 down 1
ابو هيثم 7 2252
قبل سنه و 5 شهر



أشكرك على المعلومة اخوي هيثم

ولك مني لايك


up 1 down 0
بدر الباثفايندري 1115
قبل سنه و 5 شهر



الرش مو عيب في السياره لكن المشكله يجي واحد قالب ب سيارته ومسمكر نصها ويقول مجرد خدوش
طبعا اذا كان الرش بدون معجون احسن وفي معجون ممتاز الماني يجي خفيف عكس المعجون الاحمر
الي منتشر في اغلب الورش لان رخيص


up 1 down 1
الشرقية ماركت 144
قبل سنه و 4 شهر



انا من اشهر دخلت الباث حقي للرش رشيت فيه اجزاء و صورت الاماكن اللي ابي ارشها قبل ما اودي السيارة بيوم و قبل
ما انسى للتوثيق. اللي خلاني ارش منظر السيارة لي كمستخدم ابد ما عجبني فيه اماكن اللون فيها اغمق عن اللي جنبها و بهتت
كثير هذا الجنب اليمين لين الرفرف ورا و كمان الكبوت عندي طلع عليه زي الملح حبات بيضا خشن كل خرق الغسيل تنهري
بسبتها يعني غسيلها متعب. بالاضافة الى خدش قديم من حادثة خفيفة في باب السواق قلت راش راش ازين الموتر كله مرا واحدة
داير ما يدورو اني ان شاء الله باستخدم ما فيه نية للبيع الله يعلم متى ممكن اطلع جديد ف حبيت اجدد موتري و قعدت 7 ايام في
الورشة و زرتهم كل يوم عدا الجمعة لين طلعت السيارة منها اشراف و منها ملاحظات اذا بغيت شي.

بالفعل جربت ادق على الاماكن اللي انرشت اسمع صوت الطقة صافية تقول كأنه ما شاء الله ما انرشت يعني ما فيه معجون.
و صدقوني الى الآن مبسوط اني راش الموتر الله يبارك لي فيه و يرزقني باحسن منه. الحمد لله ما ندمت بالعكس مبسوط كثير
و صور قبل الرش موجودة.