أضف سؤال أو موضوع جديد          

تجربتي استهلاك الوقود السيارات الصغيرة

up 11 down 4
flower47 299
قبل 6 سنه



السلام عليكم ورحمة الله وبركاته
تجربتي مع السيارة اكسنت من الحجم الصغير 4 سلندر محرك حجم 1400
عند تعبئة خزان الوقود بالكامل يظهر في عداد الرحلات بأنه كافي لقطع مسافة 600 كيلو متر وهذا فيه خداع للمستهلك وأيضا بحسب بطاقة كفاءة الطاقة بأن اللتر الواحد كافي لقطع مسافة 18 كيلو متر وهذا غير صحيح فمن خلال تجربتي قمت بملء خزان الوقود وتصفير عداد الرحلات حتى ظهور علامة البنزين وجدت أن المسافة المستقطعة هي 452 كيلو متر وهذا يعود في تقديري لحسابات واجتهادات خاطئة فبطاقة كفاءة الطاقة لم تراعي مسألة التوقف المتكرر في المدن وتشغيل التكييف في الصيف وإنما تم الحساب على أساس السير في خط ثابت وعلى سرعة ثابتة وبدون تشغيل التكييف
فمسألة اقتناء السيارات الصغيرة لتوفير الوقود ليس شرطا أساسيا أو قاعدة ثابتة
وللعلم يا اخوان السيارة جديدة يعني لا يوجد احتمالية تلف البواجي أو فلتر البنزين







إبلاغ إبلاغ



الردود


احسب حساب نوع الزيت ولزوجته لها تأثير قووووي بصرفية البنزين

خذها قاعده بجميع السيارات الآسيوية (( لايوجد افضل من لزوجة 5w30 من ناحية العزم وتوفير الوقود وهدوء صوت المحرك )) والاسيوي يشمل الكوري والتايلندي والياباني والصيني ........ الخ

مااعرف وش نوع اللزوجه اللي تستخدمها حاليا لكن غالبا انه خرابيط الوكاله شل هيلكس 15w40 >>> لزوجه تريلات ذي .. لكن كرر نفس التجربه مع زيوت 5w30 وشوف


up 8 down 1
ابو هيثم 7 2260
قبل 6 سنه



وعادي لو تغير شل هيلكس لموتر كرافت مثلا او اي نوع ثاني يعجبك

لكن بالاخير خلك على نفس اللزوجه 5w30


up 4 down 0
ابو هيثم 7 2260
قبل 6 سنه



كم ماشيه الاكسنت ؟ غالبا السيارات الصغيره مع الاستخدام
تبدأ الصرفيه تزيد. و من الاسباب انسداد فلتر البيئه في الشكمان
بسبب صغر اقطار مواصير و شكمان هذي السيارات. و العزم يقل بشكل غير ملحوظ و بالتالي
تزيد الصرفيه. غير انسداد فلتر البنزيز و الطرمبه و البخاخات و البواجي القديمه و انحراف الكفرات
او نقصان الهواء في الكفرات و ايضا زيادة استهلاك المكينه. بمعنى كل مازاد استهلاك المكينة زادت الصرفيه فيها
بسبب فقدانها لكفائتها.


up 4 down 0
amer ahmed 566
قبل 6 سنه



اخوي ابو هيثم 7 هو الزيت حق نفس المصنع ماغيرته
لان السيارة توه ماشي 3500 km


up 0 down 0
flower47 299
قبل 6 سنه



اخويamer ahmed تجربتي هذي على ممش 3500
km


up 0 down 0
flower47 299
قبل 6 سنه



بطاقة الطاقه حاطينها ع افضل الاوقات وع خطوط سريعه 
وانت استخدمت داخل مدينه واشارات وجو حار ( ف هذا الفرق ) 

اذا زان الجو ب اذن الله عيد التجربه ع خط سفر ومايكون هواء وبالليل 
بتحصلها ان شاء الله نفس المطلوب منها 


up 1 down 0
m7md 33 1158
قبل 6 سنه



واكبر دليل ع كلامي لو تسال الشباب عن صرفية مواتره حاليا بالصيف او قبل كم شهر بيقولون لك زادت 
وانا موتري زادت صرفيته بسبب الحراره والمكيف بدرجات عاليه والجهد وكذا 


up 0 down 0
m7md 33 1158
قبل 6 سنه



العداد اللي يحسب البنزين كم يمشيك يحسب على اخر مشوار اخذته بالسيارة يعني اذا ماشي بشويش يعطيك رقم عالي واذا بتدعس يعطيك رقم اقل وهذا مكتوب ف اغلب كتالوجات السيارات وخش اليوتيوب في مقاطع تشرح الطريقة


up 2 down 1
zax_makkah 247
قبل 6 سنه



تبي اكسنت تمشيك ٦٠٠ اللي اكبر منها تانكي ما جابت هالممشى
صرفيه معقوله ٤٥٠ و المكاين اللي حجمها صغير و قوتها محدودة
حتى لو قيرها CVT ما تجيب ذاك الممشى الموفر
لانك تضطر تدعس عشان تتسارع و اذا حملت ركاب
لكن عندك الالتيما تانكي ٧٠ لتر مكينه 2.5 و قير CVT تجيب ممشى ممتاز حول ٨٠٠
و ايضا" تقنية المحرك و هندسته بالتوفير لها دور و ظروف القيادة


up 1 down 1



صرفية معقوله لإن سعة التانكي صغيره
فل البنزين قرابة 35 لتر = قرابة 50 ريال
فيه سيارات فلها حدود 90 ريال = سعة 70 لتر للتانكي
وبالقوة تمشي الى 600 كم


up 3 down 0
alhkami 439
قبل 6 سنه



انا كانت معي اكسنت2017 اعبيها فل من محطة بنزينها نظيف ويطلع لي بالعداد يمشيك حوالي650كيلو
واصفر العداد. وتمشيني فوق580 داخل البلد بحكم زيادة الدعسة عند الاشارات والتقاطعات


up 1 down 0
ابومعتز2019 390
قبل 6 سنه



فيه عوامل كثيرة تتحكم بالصرفية  ومن ناحية سيارتك حجم المكينة الصغير اذا في البلد والاشارات والزحمات  حتى الطلعات البسيطة تضطر تدعس عشان تمشي بسرعة وبكذا ببيبدل القير نمرة ويزيد الصرفية والا لو تخليها تبدل من نفسها بيقل الصرفية ولكن صعب لان وسط سيارات وكلهم مسرعين 


up 1 down 0



صحيح بطاقة الوقود ماتجيب لك الرقم الفعلي للصرفيه  
الصني كاتبين على البطاقة تمشي لك لتر 16.6 
حجم التانكي 41 لتر  يعني المفروض تمشي قرابة 650 

لكن الفعلي داخل البلد من 450 الى 550 او 500 بالبحر هذا 

لو تقسمه على حجم التانكي بيطلع لك تمشيك لكل لتر قرابة 13 كيلو 

وليس 16.6 كيلو لكل لتر 

حتى بالخط نفس الصرفية بحدود 550 

مستحيل  اي سيارة تجيب نفس الرقم بالبطاقة 



بس بالاخير تبقى السيارات الصغيرة اقتصادية 


up 2 down 0
الـعــنـزي 57
قبل 6 سنه



هذه اسميها كذبة وصدقها الشعب

كيف تبي سيارة اقتصادية وتانكي البنزين حجم صغير

عندي اكسنت الاقتصادية في ديرة وهي في ديرة


up 1 down 4
aboahmed2014 1167
قبل 6 سنه



الاكسنت تراها ماهي ذاك التوفير واذا جبت ذا الرقم فالمدينة موترك عدل لا توسوس مافيه شيء

اترك الي يقولك السيارة تمشيك 600 ولا 550 داخل ديرة واكسنت مستحيل

التانكي صغير وتوقف وامشي وزحمه اذا جاب ذا الرقم معناها السيارة عنده الجالون الواحد يمشيه 41 ميل وذا مستحيل ما يجببه الا سيارة هايبرد

انا اكسنتي فالصيف 405 تقريبا لين اللمبة واحيانا 390 فالشتاء 430 كيلو الفل يمشيني
داخل البلد موتري 2017 cvt 1400


up 0 down 0
mohammed1368 155
قبل 6 سنه



هل الجير cvt ؟


up 0 down 0
بوسعد m 49
قبل 6 سنه



عن نفسي بعيداً عن جميع ماذكر سابقاً اعتقد أن حجم تانك البنزين له دور كبير وقد لايؤخذ في
الحسبان .
مثال :
س من الناس سيارته تمشيه 500 كيلو و ج من الناس سيارته تمشيه450
ولو رجع الجميع لحجم التانكي لعرف الفرق ف س يعبي التانك مثلا بـ 70 ريال و ج بـ 80 ريال

معنى هذا أن هناك تانك كبير وتانك صغير ...


up 1 down 0
jakwar2004 438
قبل 6 سنه



الصرفيه تتاثر بعوامل عديده القياده الظروف المناخية الطرق البواجي الفلاتر ضغط الاطارات وحساب العداد او البطاقه للسياره بالطرق السريعه


up 0 down 0
كارينو 572
قبل 6 سنه