شراء سيارة من الإمارات .. استشارة لو تكرمتوا

الي اعرفه ان ٥٪ جمارك ٥٪‏ ضريبه محسوبه على قيمة السياره مستعمله بالوكاله وليست قيمة شراؤها من الامارات 
مثل ماحصل لخوي قبل كم سنه حسبوا الجمرك ع قيمتها وكاله مستعمل بالمواصفات ١٢٠ الف وكنا شارينها من الامارات ب ٧٤ الف

اصحاب المعارض عندهم حركات وواسطات يغيرون بعض الامور مثلا موتر ٨ سلندر يكتبونه ٦ سلندر وكذا 
وهذي حصلت لي شريت ونيت بطاقه لقيت فيها ٦ سلندر وهو ٨ سلندر 


وعالعموم هي ارزاق وش بتحصل بالامارات ، اخر كم مره رحت كانت اسعارهم مقاربه لنا جداً ولا تسوى التعب

مثل ماهنا شريطيه هناك كذلك 

قبل تستورد سيارة تاكد من موقع الجمارك
لاني سمعت اي سيارة ٨ سلندر ماتدخل الا اذا كانت جديدة

المعارض يشترونها جديدة بس مايخاذون ضمان الوكيل بالامارات عشان كذا تكون رخيصة تقريبا تطيح ٥ الاف ريال حق الضمان

اللي يدخل للسعوديه من الامارات هي الخليجي
واسعارهم نفس اسعارنا ومستغلين هالشيء
اول شيء حط ببالك ٥ الاف ريال.. فندق وتذكرة طيران ومواصلات لاخره
مثلا اشتريت سياره ب ١٠٠ الف
النقل باسمك حوالي ٢٠٠٠ ريال
عليها جمارك ٥بالميه وعليها ضريبه ٥بالميه
يعني ٥ الاف جمارك و ٥ الاف ضريبه
هذي ١٠ الاف
واللوح الجمركيه اللي ع الحدود لها مبلغ اعتقد 300 ريال
واذا وصلت السعوديه لازم تروح هيئه المواصفات والمقايس ويتاكدون ماعلى السياره حادث عشان يطلعون لك لوح سعوديه وتدفع لهم حول 400
ثم تروح المرور وتطلع لها لوحات جديده وتامين ومن هالامور تكلفك حول 2200 رياف

والله ماهي حقت التعب والمرمطه

المعارض لهم شاحنات تشحن لهم مواترهم مجانا ويشترون بالجمله
ويكتبوا بعقد البيع قيمه اقل من القيمه الحقيقه
عشان يدفعوا للجمارك اقل
مثلا السياره ب١٠٠ الف.. يكتبون سعرها ٤٠ الف بالعقد.. وهذا شيس طبيعي.. حتى الفرد يقدر يسويها.. من المعرض اللي تبايعتوا فيه
فتصير الجمارك ٢٠٠٠ والضريبه ٢٠٠٠ ريال

عليك بالجديد حتى لو مواصفات اقل
وبترتاح صدقني ولا بتندم

المستعمل والله اغلبه فيه عيوب.. ومحد يبيع سيارته مزاج كذا.. ٩٠ بالميه فيها عيوب.. و١٠ بالميه نظيفه ومبيوعه لاجل الحاجه او التغير

التاهو لو ناوي عليه... سعره ال اس مطور خارجي مثل ال تي زد.. ب ١٤٥ الف.. سعر معقول جدا

موفق

الله يسعدكم جميع
وشكرا لك على المعلومات الوفيرة يابو خالد

العفو واحنا بالخدمه ياغالي