ايش رايكم ب اكسبلورر ؟

خذ الشكل الجديد 2011 - 2018 اوسع واكبر وافخم ومشاكله أقل
ونصيحتي لك تشوف اخوه الأكبر الاكسبيدشن أوسع منه وسعره أقل من الاكسبلور

مشكلة الشكل هذا خرابات القير
و يصرف بنزين و التكييف بعد لك عليه شوي
اذا تبي انوفا و مالقيت شي يناسبك
عندك فان الكيا كرنفال من ٢٠٠٨ و طالع تحسنت جودته و تحصل النظيف ب٢٠ الى ٢٥
و اذا تبي جيب دور عن هوندا MRV بايلوت القديم
ممكن يناسبك افضل من جودة الامريكي القديم من حجم الاكسبلورر

والله من على ايامه والناس تتشكى منه ومن مشاكله فما بالك الحين يوم صار قديم ومستهلك

شكررا ي اخوان م قصرتم ..

طيب الاكاديا ايش رايكم فيه ك خيارر بديل ؟

شوف اخوي انا كان معي ٢٠١٠ وكالة وخدم معي ٧ سنوات وماعمره طلب شي غير فحمات و زبوت وبس

بس من بدأ يطلب وانا بايعه لان قطع الغيار صراحة غالية نسبيا

في البر ماشاءالله خفيف ويجمل والخطوط كذلك والمدينة
التكييف ممتاز

ومن عيوبه قساوة المراتب وضيق المراتب
البنزين يعتبر جيدا جدا بالصرفية بس داخل المدينة يستهلك
الكهرباء صادفتني مرتين هي سنتر لوك الباب و الانوار الداخليه وحلها سلك في باب السائق يتحتاج يكون اطول من حق الوكالة
وكذلك كثيرة الحساسات فيه وموتر اصلا حساس يبي اهتمام

طبعا من ٢٠٠٤ الى ٢٠١٠ ناس كثير اشتكت من القير
ولكن هي توافيق من رب العالمين وهذا عيبه الوحيد اللي جد يخلليك تفكر اكثر من مرة قبل تشتريه

نصيحتي لك ابحث عن ياباني او اكسبيدشن افضل واريح بالقيادة

الموديل هذا قديم وسعره مو غالي والاكاديا سعره طايح، افهم ان ميزانيتك محدودة، انا اقترح عليك سنتافي ٢٠١٢ الشكل القديم مكينة ٣٥٠٠ قير ٥ سرعات لكن مافيه مشاكل، ومكيف ممتاز، ٧ ركاب وقطع في كل مكان، وسيارة تتحمل الكرف والسحب بس دور النظيف، طبعا في خيارات أخرى لكن هذا اللي في بالي الحين 

بالنسبة للفورد اكسبلورر بكافة موديلاته هو والجي ام سي اكاديا والشفروليه ترافيرس
ينطبق عليهم المثل اللي يقول : مااخس من قديد إلا عسفان هذا اختصار كلامي عن هالسيارات

وبالنسبة للي يقول الشكل الجديد من الاكسبلورر أقل خرابات ، عندك العضو (انت اخرامالي) عنده واحد
رح اسأله أو شوف ردود ومواضيعه وتعرف بلاويه ، طلع قرون براس الرجال شوف هذا رده بأحد المواضيع :


https://ford.montada.haraj.com.sa/83968/

اذا السيارة نظيفه و ماشيه قليل،و تأكدت من المكينة و الجربكس خصوصا. و استخدامك نظيف
و هاديه سواقتك ، يمشي معاك بإذن الله
سواء سفر او داخل المدينه اذا مشاويرك محدوده ما بتحس بالصرفيه، سعره المنخفض يعتبر ميزه
(بين 10الف - 20 الف) مقابل سيارة جيب و 3 مقاعد و مكيفين امامي و خلفي مع توفر القطع وهو افضل خيار من الاكاديا.

اغلب مشاكل الجربكس اللي فيه هي مشاكل كهربائيه بسبب اما افياش او ظفيره او بسبب مخ القير و تغييره بسيط،
و لكن اغلب الورش للاسف سباكين مايعرف اصلا يعبي زيت القير بالطريقه الصحيحه على انه يعرف
يحل مشكله جربكس سهله، ويقلك توضيب على طول.

شكرا لكم اخواني م قصرتو والله يجيب اللى فيه الخير