أضف سؤال أو موضوع جديد          

اين نحن من سعودة تجارة قطع الغيار ؟؟ نحتاج اجابة

up 17 down 15
لا للغلاء 767
قبل 4 شهر و 2 أسبوع



السلام عليكم ورحمة الله
لا يخفى على الجميع ان تجارة الجمله والمفرق في قطع غيار السيارات
مكاسبها هائله ....ومن زيارتي لها في بعض المدن واهمها جده والرياض
لاحظت ان اغلب من يعمل فيها من الوافدين...وانا هنا لا احسدهم
بل ادعوا لهم بالتوفيق ...ولكن اليس من المفترض ان يتاح المجال
لأبناء الوطن في هذا المجال المربح ......لماذا لا تقوم وزارة التجاره
بمنع الاحتكار واجبار الموزعين والمصنعين والوكالات بإعطاء
التاجر السعودي....
وعدم مضايقته
حتى يخرج من هذا المجال
نحن قلنا ولا زلنا نقول نحن اولى من الغير في عجلة التجاره والتنميه
واموالنا اذا عمل شبابنا في هذا المجال وغيره للبلد ولن تخرج
وتهاجر .....الوافدين يعملون ويكدون ...وفقهم الله ولكن ما رأيكم اذا قلت لكم
ان هناك موزع يوزع للوافدين ...ولكن ابن البلد يتعذر له بأعذار واهيه ..وكذب
حتى يتم مضايقته ..واخراجه بطريقه حقيره؟؟؟؟؟؟؟؟ ....

ارجوا عدم التحيز لانني ارى ان ابن البلد مظلوووم ومقهور
سواءا في هذا المجال او مجال المواد الغذائيه ...وغيرها
انا عن نفسي اتمنى ان اشاهد شبابنا يعملون ويكدون
ويستفيدون من هذه المليارات ..والله ان سوق قطع الغيار
يدر مليارات توازي ميزانيات دول ....بدل ان يضيعوا اوقاتهم في
مالا فائدة منه ...

رساله الى وزارة التجاره

ارجوا الوقوف مع ابن البلد واصدار انظمه تحميه وتقف معه
لا ان تجعله تحت رحمة الوافدين

وارجوا من الوافدين ان لا يزعلوا ...لان الحق احق ان
يقال ...فلو ذهبت انا الى اي بلد وعملت بالتجاره.....والله ليحسدوك
وليتم مضايقتك من الاغلب وليس الكل ...الناس فيهم خير ولكن
الحسد موجود في قلوب بعض الناس

اكرر ارجوا ان لا يكون كلامي هذا ...مبرر للغلط او تعدي حدود الادب

ولكم مني خالص الدعوات ....وشكرا لكم جميييعا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


المبدا يا احباب
لا للتعصب
ولا لتجاوز الادب
ارجوا ان نشارك بفاعلية
لما يعود لشبابنا بالنفع والفائده
ولكم جزيل الشكر مقدما .....محبكم كاتب الموضوع



up 5 down 5
لا للغلاء 767
قبل 4 شهر و 2 أسبوع



حياك
نشارك معك بقضية الشرق الااوسط
اللي هي سعودة جميع المحلات سوا ملابس قطع غيار مفروشات الخ
كلو كلام ع الورق واذا حصل جابو لهم شاب حطوه مزهرية عشان
لاحد يتكلم
واحد من الشباب يقول جيت شارع باالرياض كلو محلات سباكة 
وكهرباء حصلت فتاة موضفه يقول انصدمت العمال داخلين طالعين
وهي المسكينه ماتدري وين تودي نفسه
عن اي سعودة كلو كلام وعشوائية 
المشكله الثانيه راتب لايتجاوز 1000اى الف 1500
وهدف يدعم وحافز يدعم بس كله لعب 
سالت هندي قال انا راتبي 2000ريال يعادل باالهند 40الف روبيه
حنا الفين ريال ياالله بنزين وكهرب اذا هو متزوج
اذا وزارة العمل جادة تفرض ع اصحاب المحلات سعودة
مية باالمية 
والكلام كثير بس نكتفي



up 12 down 3
باترول 2020 2624
قبل 4 شهر و 2 أسبوع



يا رجال . السعوده حبر على ورق فقط

واخسها واكثرها انحطاطا . صاحب الشركه او المحل اللي يحط السعودي في واجهة

المحل كالمزهريه باسم ( سعودي ) ويعريه من كافة صلاحيات الوظيفه .



up 7 down 2
axax0566 69
قبل 4 شهر و 2 أسبوع



أخي الكريم في هذا الشأن بالذات الأمور تمشي
من أحسن ما يكون فنحن نرى بناتنا وأبناءنا في كل 
المحلات سنة بعد سنة وشيئاً فشيئاً 
يكون الإحلال بالتدريج وليس دفعة واحدة 
وهذا هو الصحيح ونحن نسير في الطريق الصحيح بإذن الله
أما المنتقدين لهذا الأمر فليس لديهم نقد بناء ولا حتى هدام 
بل أصبح الأمر نوع ممجوج من الحلطمة
ومن يقول 
واحد من الشباب يقول شفت بنت بين العمال ما تدري وين تحط نفسها
هذا يذكرني بديباجة حدثني أحد الثقات 
هو لم يقل رأيت ولكن حدثني أحد الشباب 
نحن نرى بنات الوطن في جميع المحلات بكونترات خاصة وكمرات مراقبة 
في كل مكان ويعلمن جيداً أين يضعن أنفسهن 
فبلاش مزايدات 



up 3 down 19
ملوكي2015 -6
قبل 4 شهر و 2 أسبوع



الوضايف كلها للاجانب انا في الرياض لي اسبوعين ابحث عن عمل عندي شهاده بكالوريوس محاسبه وكل ماقدم ع وظيفه قالوا لي نبي خبره
من فين اجيب خبره وانا توني متخرج والوظايف راتبها من 3500وفترتين
اللي يقدر يتوسط ليرهذا رقني 0538558937


up 10 down 2
osamah5887 117
قبل 4 شهر و 2 أسبوع



ملوكي

أنا وقفت على كذا محل وخاصة بالقرية الشعبية بالرياض

اتمنى من سعادتك زيارة القرية الشعبية بالرياض قسم الزل
وتلقى بنات جالسات داخل المحلات على راتب 2000

وابو بكس الكل في الكل الأمر الناهي ويقبض حق البضاعة

قال سعودة


up 9 down 0
aboahmed2014 1096
قبل 4 شهر و 2 أسبوع



الشركات تعطي رواتب من ٤٠٠٠ وفوق  إلا وظائف موسمية أو فترة مسائية واحدة 
وهذه يأخذونها الطلبة وهم راضين بهذا 
خل الناس تترزق الله تحت المكيف
أحسن من شاهي الجمر


up 1 down 10
ملوكي2015 -6
قبل 4 شهر و 2 أسبوع



يعلم الله ياملوكي

اني احب الخير للكل

ولكن الحالات اللي ذكرتها لك دوامهم شفت كامل وليس طلبة

وهذا مايضيق الصدر

وبخصوص شاهي الجمر ليس عيب ولا حرام
اعرف وحده كان معاها طاولة وتبيع اكل على الطريق
بعد سنه بس معاها سياراتين فود وسائق خاص موقف سيارته ويبيع معاهم

الواحد مايستهين بالشغلات البسيطة ويكفي اهي مديرة نفسها ولا ترتجي راتب
قليل اخر الشهر من غير الحسميات


up 2 down 1
aboahmed2014 1096
قبل 4 شهر و 2 أسبوع



انا بتكلم بطل صراحة
بحكم اني مريت كذا محل وتلقى الشباب يلعب بجواله ولاهو مهتم الا ياخذ الفين ريال اخر الشهر

للاسف انه النظام يحتاج جدية من الشباب وتعلم
اذا توظفت شف الشغلة وتعلم عشان صاحب المحل يثق فيك ويعطيك صلاحية اما جالس ويلعب بالجوال اكيد محد جاي ومعمله



up 4 down 2
meshal alharbi 283
قبل 4 شهر و 2 أسبوع



مبف فهمت إني مستهين بشاهي الجمر 
أنا قلت يبغون ٢٠٠٠ وتحت المكيف 
وشاهي الجمر ما يكون تحت مكيف 
أما الرواتب يعلم الله إنها من ٣٥٠٠ وفوق إلى ٥٠٠٠ آلاف وفوقها
تأمين وفوقها وصول يودي
فين اللي يتوظف ب٢٠٠٠ أنا بوظفة 
مستحيل وظيفة دوام كامل ب٢٠٠٠


up 0 down 3
ملوكي2015 -6
قبل 4 شهر و 2 أسبوع



يا اخوان - المشكلة هي ان السعودي لا يفتح منشأة صغيرة لبيع قطع الغيار و يبيع فيها. او محل سباكة و يشتغل فيه. الوقت اللي كان الواحد يفتح 12 مغسلة و 5 فوالين و محلين كهربا راح. المطلوب المستثمر هو رب العمل و ليس راعي الحلال


up 1 down 1
مستنيرمستاء 32
قبل 4 شهر و 2 أسبوع



في بعضهم والله يحتاج العمل وفي بهضهم والله يبي بس حق ايفون زي ناس اعرفهم يشتغل شهرين او ٣ بالكثير عشان بس يشتري له ايفون الجديد وفي بنات كذا للاسف .. وفي بعضهم لا والله محتاج وبقوة لكن الحظ ما حالفه اما مشترطين خبرات او شهادته مو ذاك الزود ، على العموم احنا مقبلين على فتره الكل بيشتغل غصب عنه وبيدور لاي وظيفه واي راتب مهما كان .. والله يسترنا جميعا ويرزقنا


up 1 down 3
alshehri1985 45
قبل 4 شهر و 2 أسبوع



السعوده عندهم موظف يشتغل مع اصحاب المحل الفعليين بس مجرد ديكور

مامريت على محل قطع غيار الا خوينا على الكرسي ولا يسوي شي

تنفيذ قرار فقط لا اكثر السعوده الحقيقية تصير لما يتم منعهم منع بات ووخروج نهائي


up 5 down 4
7amood1930 191
قبل 4 شهر و 2 أسبوع



السلام عليكم
اولا الرزق بيد الله وحده
المشكلة ليست بالمحلات المشكلة الرئيسية بالتستر
يعني حنا سبب المشكلة والتستر جر واره كل المشاكل
يعني يفتح باسم سعودي محل وياخذ منه بالشهر مبلغ
لا هو الي فتح المحل ولا ترك غيرة يفتح
الدولة تحارب التستر لكن حنا ما نتوب نصنع المشكلة
ونرميها ع غيرنا
اما الي يقول شبابنا يبي مكيف والا شاهي جمر وش تتوقع
من شخص يعرف انه لو فتح محل يتكاتفو علية وش تتوقع من
شخص يعرف انه ياخذ الفتات وانه وجودة فقط صوري
لو يعرف انه ممكن يتوسع صدقني تشوف شباب مختلف
حنا سبب المشلة
وبعد الغرمات الاخيرة ع التستر صاروا يسون دفاتر
ومحاسبة يعني انا المالك = ما قلت لكم حنا سبب المشكة


up 5 down 1
ra3d777 435
قبل 4 شهر و 2 أسبوع



وعليكم السلام

كيف حنا سبب المشكلة المشكلة ان النظام مايطبق مثل مايطبق في ناحية ثانية الحين لو تمسك جوالك وانت تسوق تجيبك كاميرا وتنزلك مخالفة عالجوال٥٠٠ريال ماتقدر تشتري سيارة ولا تجدد رخصة وغيره لين تسدد المفروض يكون في سجن وترحيل وغرامات للتستر كذا يطبق النظام صح


up 2 down 0
faisa8000 17
قبل 4 شهر و 2 أسبوع



السلام عليكم
شكرا لمن شارك في هذا الموضوع
والله يا احباب ما يحز في نفسي
هو الحسد لابن البلد وتطفيشه ومحاربته
من قبل عصابات الاحتكار حسبنا الله فيهم
لكن الانظمه الجديده تبعد اهل السوء
واهل الحسد عن البلد ان شاء الله
والاول والاخير نهاية العمل لابن البلد
ان شاء الله


up 0 down 1
لا للغلاء 767
قبل 4 شهر و 2 أسبوع



اعلم والكل يعلم ان بعض من يريد
ان يغطي على مواضيع( السعوده )
يريد ان يضر كل موضوع يتم نقاشه
ولكن ما يطمئن ان شبابنا واعين ويعلمون
ما يحاك ضدهم.... اسأل الله ان يفتح لنا
ولهم ابواب الرزق ..الكثير في قطع الغيار
او غيرها من المجالات اللي دخلها مليارات



up 0 down 0
لا للغلاء 767
قبل 4 شهر و 2 أسبوع