أضف سؤال أو موضوع جديد          

تأخذ تاهو 2019 بدبل أو بدون دبل

up 1 down 1
اليابان 2223
قبل 3 شهر و أسبوع



السلام عليكم
بحثت عن مواضيع كثيرة تخص دبل التاهو وعيوبه ومميزاته
وسويت مقارنة سريعة علما اني على مطلع شراء سيارة تاهو جديدة

التاهو بدون دبل مميزاته :
١- ارخص ب ١٠ الاف
٢- اخف فالقيادة والوزن
٣- اقل خربات
٤- اريح

التاهو بدبل
١- يفك ازمة احيانا
٢- ارغب عند البيع


ايش رايكم يااخوان اخذ الي بدبل أو بدون دبل ؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انا لو الاكسنت دبل اخذتها
الدبل ممممتاز
اخذت هايلكس بدون دبل غرزت وتبهذلت وفي طرق ماقدر اجيها

وندمت ماخذت دبل


up 3 down 1
امير الاصيل 1713
قبل 3 شهر و أسبوع



بالنسبة لي اخده بدبل صحيح صرفية اكثر واثقل بالقومة ولكن لا جا الشتاء تناسيت كل شي طررررب

اللي ياخذه بدون دبل عشان ااسواق او موب راعي بر ابد ولا يقربله واعطال اقل طبعا 


up 1 down 3
benz lover -28
قبل 3 شهر و أسبوع



طيب لو الواحد نسم الكفر يقدر يدخل أي مكان يبي حتى لو معاه سيكل صح كلامي؟


up 1 down 5
اليابان 2223
قبل 3 شهر و أسبوع



الافضل تنتظر 2020 بيتغير شكلة


up 1 down 1
سند10 1160
قبل 3 شهر و أسبوع



والله ياخوي ع حسب رغبتك 

لكن تخيل تطلع مع العائلة طلعه بريه او بحريه ، وتجي ع مكان فيه غراز وماتقدر تدخله وانت دافع مبلغ وقدره بموتر كبير 

معليش المواتر هذي اذا ماهي دبل ف مالها لزمه خذلك سيدان 
او اذا تبيه للسواق وداخل الديره براحتك خذ بدون دبل


up 4 down 1
m7md 33 1093
قبل 3 شهر و أسبوع



الدبل ممتاز ويجيه لزمة في بر ولا وقت تمشيات ولكن هذا يرجع لك انا اذا انت تطلع بر او لا  وانا اشوف فرق ١٠٠٠٠ لسيارة جديدة وبتطول معم ماتفرق واجد اما اذا بتبدل كل مدة لا خسارة وبعضهم طول وقته فالمدن ومايحتاج الدبل الا نادر ويعوضه تنسيم الكفر ويمشيك اغلب الاماكن بدون  نفود قوية  ولعلمك  كثير من سيارات الدبل مايشغلها الا اذا غرز او نفود عالية والباقي تنسيم الكفر يكفي 


up 1 down 0
جبال معانيق 278
قبل 3 شهر و أسبوع



بالنسبة لي ومن وجهة نظري سيارة كبيرة إذاً لازم دبل لأنك راح تطلع البر هذه مافيها كلام ولو لمرة في السنة . . . .

وهنا ستحتاج الدبل خصوصاً لو أنت لاحق أخوياء لك وتفاجئت إنه جايين بشعيب كله غراز أو طالعين بنفد ههههههههههههههههه

فأنت في حيرة من أمرك وش تبي تسوي وهم ( ينظارون فيك بعين الخُبث ) كيف تبي تيجهم هههههههههههههههههه

تحس والله هنا بالخجل والحياء وكأنك راكب ددسن مو تاهو ههههههههههههههههههههههههههههههه


up 1 down 0
خارج الوسط الرياضي 48
قبل 3 شهر و أسبوع



الدبل يحتاج إهتمام خاصة في السيارات الحديثة
لازم تشغله على الأقل مره في الشهر و هذا الشئ مكتوب في بعض
الكتالوج لبعض سيارات الدفع الرباعي ..

البعض يصر على شراء جمس بدبل و تعدي سنة او أكثر وهو ما شغله
نهائيا وهذا فيه ضرر و ممكن يسبب خسائر مع الوقت لإنه مكلف صيانته


فا مسألة الدبل ترجع أولا و اخيرا على المستخدم


up 2 down 0
alhkami 424
قبل 3 شهر و أسبوع



بالنسبه لي الدبل مهم حتى لو ما اطب البر الا مره بالسنة وتلاقي ان ها المره الدبل طلعك من أزمه أو ورطه حنا تحمد ربك انك اخذت الدبل ولا
بتطلع ورى احد بالبر و يدخل نفوذ و انت تبلش معاه 


up 1 down 0
الفارس المتألق 214
قبل 3 شهر و أسبوع



انا احب أفيدك 
أنة إذا جيت تبيع اول مايسئل عنة المشتري هل يوجد دبل ?
إذا جاوبت بدون دبل مشى من عندك بدون سلام 


up 2 down 0
masssss 983
قبل 3 شهر و أسبوع



اخوي اليابان التاهو بدون دبل كم سعره؟


up 1 down 1
سعيد علي محيا 3
قبل 3 شهر و أسبوع



الموتر اللي بدون دبل مثل الولد المتعافي بس انه خبل لاينفعك في مشكله ولا شيل اغراض
خذ تاهو دبل وريح راسك


up 0 down 0
;كاسبر 968
قبل أسبوع و يوم