نقل الملكيه من البنك العربي

بتحصلها بالعقد المفروض تكون عارف ذا الموضوع قبل تاخذ الموتر

تواصل مع البنك ويعطونك العلم الاكيد  ان شاءالله 

قبل لا تدفع الدفعه الاخيره تاكد ان الاستماره مجدده ومفحوص الموتر مادامه باسم البنك 

لان لو خلصت الاقصاد والاستماره مطوفه والله بتطيح بمرمطه مايعلم فيها الا اللي خلقك 

بعطيك تجربتي فالتفصيل خلصت اقصادي من البنك ورحتلهم قالولي روح للمحاسب وسدد الدفعة الاخيرة والثلاث اقصاد الباقية وجيب السند ،رحت سددت وجبتها عطوني ورقة قالولي روح افحص السيارة وامن وارجعلنا فحصت وامنت وجيتهم دفعوني حول ١٥٠٠ ريال حق المعقب الي بينقل السيارة من اسمهم لاسمي + تطويف الاستمارة + اشياء ثانية ادارية ماتحضرني الان ، دفعتها وخلصت قالولي بيتواصل معاك المعقب الي بينقلها لاسمك وفعلا نقلها باسمي وجيتهم اسلمت المفتاح الثاني واخذت ورقة المخالصة وخلصت ( ملاحظة رحت خلصت اقصاد سيارتي قبل تنتهي بثلاث شهور وخليتهم يخصمون التامين والفوائد حق الثلاث شهور فالبداية مارضوا لكن خصموها واخذتها )

اجابة سوالك انا دفعت التامين ونقل الملكية لكن انت ممكن تختلف حسب العقد