حرارة السياره مجننتني

شيكت على طرمبه المويه ؟ 

سليمه ياخوي توى مغيره جديدة اصليه 

ارجع للي وضبت عنده الراس يمكن فيه مشكله بالراس

شيك كتاوت المراوح وتاكد ان المروحة تشتغل عالسرعة الثانية
وتاكد من فيش المراوح و جرب حركها وانها ماتفصل
واذا عندك مروحة.مكيف امامية خلف الشبك تاكد انها شغالة
تاكد من ان المراوح تدفع الهواء للمكينة و ليس بالعكس
غير غطاء.الراديتر باصلي
اذا فيه اي توليف في السيارة للمراوح او البلف او ليات رجعها ظبط المصنع
اذا كان فيه تأخير في تشغيل المراوح يجب تغيير حساس الحرارة
تاكد من اصابع البطارية انها مشدودة و نظيفة
اذا كنت سابقا تحط ماء عادي من الحنفية يجب غسل الماكينة و عمل فلش بمادة خاصة للتنظيف لازالة الصداء و الرواسب و السدد
ولا تنسانا من اي دعوة طيبة
بالتوفيق

غير رديتر ل رديتر اصلي جديد
او رديتر رصات اكثر يعني اكبر انصحك في نوع صيني اسمه ماس دور عليه ممتاز

ترا اغلب اللي يمسحون راس المكينة يفكون بلف الحرارة ويقطونه ومايقولون لك كلمه واسأله ومر ورشة غير ورشة اللي مسح لك الراس وخله يشوف لك فيه بلف حرارة ولا ( بلف الحرارة يوزن حرارة الموتر مايخليها تلعب مره فوق ومره تحت ) 

واذا هو فاكه اشتره وخله يركبه لك الله لايهينه وتركيبه اصلا ماياخذ ١٠ دقايق قيمته بسيارتي كامري ٦٠ ريال ( اصلي وكالة )

اخوي الكريم

احتمال المروحه عندك تفصل اذا سخن الدينمو حقها وترجع تشتغل لما يبرد
عشان كذا تفصل فالسياره تسخن تم ترجع تشتغل فتبرد السياره

افحص التالي :

كتاوت وفيوز المروحه الكبير مو الصغيرالموجود في علبة الفيوزات الموجوده بالكبوت ممكن عمره قرب ينتهي

ايضا افحص الفيش حق المروحه ممكن يسبب نفس المشكله


فضلا لا امر اذا عرفت المشكله وحليتها نزلها لكي يستفيد الجميع

كل الكلام المذكور من الاخوه في الاعلى مهم و حاول تبدأ في الاسهل في الاسهل.
سؤال هل ركبلك وجه واحد او وجهين لمن مسحت الراس؟

^^ هنا الكلام مدبل وجيه الراس او لا اذا مدبله العزم يطيح والحرارة ماتنزل

اخر اضافة بعد ماغيرت كل شي شوف الموية امكن ناقصة لان مع المشي طبيعي بتنقص الموية حتى لو معبيها فل 

وعليكم السلام

اخوي انا جتني مشكلة الحرارة والرديتر ينقص ولا فيه مشكلة
وسويت تلحيم للرديتر ولا استفدت شيء الموية تنقص بشكل سريع والحرارة ترتفع

طلعت بالنهاية تهريب الثلاجة الحار لانه عندي صوت زي جريان الموية بالطبلون مع الدعسة تزيد شخرخرررررر 

اذا عندك صوت موية في الطبلون معناته مشكلتك بسيطة افصل المكيف الحار الليات
وان شاء الله تنحل 

مرت علي نفس مشكلتك قبل سنه بالضبط سويت كل الى قلته من توضيب وتسيخ ومويه اصليه وغطا رديتر
واشتريت رديتر اردني

وما زالت الحراره ترتفع مع المشي وتنخفض اذا ما دعست بنزين

تخيل وش طلع ؟؟؟؟

واقسم بالله طلع الرديتر ما ينفع لا اردني ولا غيره

واحد يماني الله يجزاه خير قال غيره لرديتر الوكاله ولو ما راحت الحراره لك الى تبي

وفعلا غيرت الرديتر وطلع علي غالي لان حق دينا ايسوزو حول 3 الف

وغيرته وماشاء الله راحت الحراره ومسكت عليه خطوط والصلاه على النبي

هذي تجربتي

انتبه ترى مافي شي اسمه الحرارة ترتفع شوي و طبيعية
الحرارة الطبيعية تكون ثابتة في كل الظروف و لما ترتفع و تنزل يعني فيه مشكلة