أضف سؤال أو موضوع جديد          

تنبيه من تلاعب عمالة بترومين بالأسعار

up 7 down 1
mr.teto 594
قبل 2 سنه و 4 شهر



حياكم الله جميعا ،، كم هو واضح من العنوان حبيت انبهكم يا اخوان من تلاعب موظفين بترومين بأسعار الصيانة كل واحد بيحط سعر بمزاجه
فلابد انك تكون فاهم وعارف الاسعار وتفاصل معاهم ،، انا اليوم كنت بغير زيت 10 الاف لسيارتي يارس المهم سعره في الوكالة مع السيفون تقريبا 310 ريال قولت خليني اروح بترومين اسرع
مريت اول فرع بكم ؟ قالي 330 ريال ؟؟!! قولتله اغلى من الوكاله انتوا وبعدين العلبه في الجمله ب 22 ريال وانتوا بتجيبوها ارخص ؟ قالي معلش مدير ممكن انا اسوي خصم ، طيب الخلاصه بكم قالي بعد الخصم 295 ريال
طلعت لفرع بترومين تاني جمبه قالي 300 وبعد الخصم والجدال 270 ،، طنشطه وطلعت ع الفرع الثالث وكلهم جمب بعض
قالي 260 وفلتر تويوتا اصلي قولتله انتوا حراميه وطلعت طلع ورايا خلا انا سوي خصم كله 160 !! بدون فلتر الوكالة الاخير مع الفلتر 181 ريال تخيلوا ! بعد 260 في نفس الفرع و330 في فرع ثاني
طبعا كنت بغير في فوكس ب 200 ريال وزيت ممتاز لكن العمالة مش فاهمين بصراحه
الخلاصه جادل وفاصل واقف على سيارتك وشوف الفلتر قبل ما يركبوه ماتقعدش في الاستراحه بتاعتهم تلعب في موبايلك انت اولى بكل هلله







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


غريبه بيترومين تفاوض بالسعر اللي اعرفه الاسعار ثابته


up 1 down 0
احمد 170 244
قبل 2 سنه و 4 شهر



بترومين ان ما فصلتهم اكلوك

نصيحة لا تقعد في استراحتهم خلك حول سيارتك قدامها جنبها المهم راقب شغلهم. المحترم الفلبيني لولا ان فايقله والا كان

راح يركب فلترهم المخيس مايتي والله مايسوى هلله قلت له حط نيسان اصلي. قام طالعني بابتسامة على وجهه الصبوحي

وراح دخل المستودع و جابلي فلتر نيسان الأصلي. انا خذت الباقة الفضية ب 111 ريال اظني لو غلطان صلحولي شباب

والله سلخ ام السعر و الحمد لله كنت فايق له اناقشه اقول له ليش سيارتي تاخذ 5 لتر زيت مع الفلتر و هالمرة الفلتر مجاني

ما حسبه لي. قاللي زيادة علبة ب 20 ريال مع الضريبة يعني تخيل من 200 الى 182.

والله فعلا استغلاليين استغلال مو طبيعي ما ادري ليه الناس داجه عندهم بالرغم من نصبهم. انا خلاص توبة اودي سيارتي لهم

اشوف ابو يمن واجد ابرك و الله اعرف يمانيين يشتغلون بذمة اكثر من ابو فلبن.




up 2 down 4
بدر الباثفايندري 1125
قبل 2 سنه و 4 شهر



حياكم
اغلب الشعب ماهو فاضي يكاسر ويفاصل 
يبي يجلس بااستراحة مكيف ويطقطق باالجوال
لين يجيه العامل خلص صديق
زيت ابو عشر الاف سعر العلبه يتراوح من 18الى 22
وفلتر زيت من الوكاله 15الى 25
15 ريال تعطيها البنشري وانت جالس ع كرسي قدام سيارتك
كلها ربع ساعه
وسلامتكم


up 2 down 1
باترول 2020 2624
قبل 2 سنه و 4 شهر



ون ستوب زيت فوكس و ريح بالك شغلهم نظيف و اسعارهم ممتازة
و جب الفلتر من برا
فلاتر تويوتا عندهم غاليه شف النهدي او القرعاوي


up 1 down 0
مثقف سيارات 1143
قبل 2 سنه و 4 شهر



ما في اسوأ من بترومين

غيرت زيت المكينة عندهم من خمس سنوات وما عمري أعيدها ابداً

خدمة سيئة واسعار غالية واسلوب تسويق غبي استغلالي


up 2 down 0
أبو عبادة 4852
قبل 2 سنه و 4 شهر



اخ احمد انا استغربت مثلك لكن شوفت بعيني ولو حابب ارسلك الفاتورة تتأكد
اخ باترول كلامك صحيح والزيوت في الجمله ببلاش لكن للأسف مجبرين على المراكز المعتمده عشان الضمان


up 0 down 0
mr.teto 594
قبل 2 سنه و 4 شهر



فعلا كلامك منطقي
رحت مره لهم عشان العرض
يقولون 4لتر ب 59 ريال
وسيارتي تاخذ 7 علب
نوع ابو 5 الاف 10w30
رحت لهم وقال عرض خلص
قلت له طيب بكم بدون عرض
طلع الحساب 170 او 180 زيت ابو 5 الاف
ويقول مافيه فلتر خاص بسيارتك. انت جب فلتر
وكلمت قريبي لانه هو اللي دلني على العرض.. وقالي ترا سعر ٤ لتر بدون عرض 80 ريال واي لتر زياده 16 ريال
يعني مفروض 128 ريال وليس 180
على العموم طلعت وتركتهم
وسبحان الله بحثت وبحثت ولقيت ناس تشكي من زيوتهم وفلاترهم
ويغيرون للناس فلتر مجاني وبالاساس فلتر غير اصلي وهو سبب لتخبيط مكاين الكثير
والان اكتشفت منك انهم برضوا يلعبون بالاسعار على كيفهم
وان عندهم فلاتر اصليه لكن يغيرون للشعب فلاتر غير اصليه من ماركه مايتي اللي محد يعرفها

من يومها صرت اشتري علب الزيت بنفسي واشتري السيفون اصلي من الوكاله بنفسي واغيرهم عند محطه بالروضه قريبه من البيت ب 30 ريال
واموري تمام التمام ياربي لك الحمد وعلى حال من 4 سنين واكثر.. واغير لسياراتي وسيارات اهلي.. المستودع كله كراتين زيوت وسيفون
طلعت اني اوفر اكثر من 50% وفوق هذا زيت ابو 10 الاف وافضل الانواع.. وسيفون(فلاتر) اصليه وكاله

تشكر على الموضوع



up 2 down 0
ابوخالد1397 2889
قبل 2 سنه و 4 شهر



حياك الله ابو خالد شاكر مرورك ولا يهونون الشباب


up 1 down 0
mr.teto 594
قبل 2 سنه و 4 شهر



انا مثل ابو خالد عندي سياره فخمه وربي ما هضمته ذا بترومين ياخذ فوائد على قفايا وعلى الشعب الغلبان المغلوب على امره بالزيادات
انا اشتري زيوت من وكيل ثقه واشتري عدد 3 فلاتر كل شهر من الوكيل
وامر البنشري الى جنب بيتي ودقيت معاه صحبه واجبله فطور وسواليف لو كنت طفشان
صار يغيرلي الزيت واخر دلع ب 25 ريال واجلس فوق راسه بعد
والامور عال العال
وفرت وربي فوق 50 بالمية هذي حلال زلال لي وللبنزين ولاهلي


up 1 down 0
فـهـــــد الفهد 449
قبل 2 سنه و 4 شهر



بتروميين نصابين الفلبينين و الهنود، لا زيوت كويسه و اسعار غاليه، فلتر تقليد.
و كل دقيقه يطلع لك عله في السياره و يقلك لازم تغيرها. يبدأ بسرة الزيت،
اذا تجاوبت معاه، يقلك غير فلتر الهواء، بعدها فلتر المكيف، بعدها يقلك غسل المكينة بالمادة الخاصه ،
اذا كنت ماتفهم حيكون استنزفك صح، و اذا جيتهم و قت العروض مايشيك كل حاجه ، لا ينظف فلتر المكيف ،
و حتى فلتر الهواء مانظفه الا بعد ماكلمته، و هوا الكفرات رفض يشيكه !! بعدها لو بنص السعر
ما أروح لهم. و اذا تعبي مثلا نص علبه زياده ينحسب عليك بعلبه كامله و ماتاخذ نص العلبه لانه يعبي بالجهاز !!



up 0 down 0
amer ahmed 566
قبل 2 سنه و 4 شهر



معقولة زيت اربع علب مع سيفون يكلف 300 ريال
ههههه

ياخي اشتري من محلات قطع الغيار تويوتا مع سيفون ومر ون ستوب
او اقرب ورشه وغير عندهم مايكلف 130 ريال

وبلاش بترومين يضحكون عليك


up 0 down 1
aboahmed2014 1168
قبل 2 سنه و 4 شهر



لا احد يلوم ابو فلبن اللوم على ادارتهم النصابة اللي تامرهم بالنصب والاحتيال وعرض خدمات بطريقة ملحة ومزعجة 

خوينا معك سانتافي ماكينة سوناتا اول ماغيرهم زيتهم خبطت وهي ماشية ٨٧٠٠٠ ولا اعترفو فيه ولا فادوه التجارة بشي وكلفت عليه ٦٠٠٠ ريال


up 0 down 1
benz lover -79
قبل 2 سنه و 4 شهر