التنازل عن السيارات بالتمليك بمقابل

انا اشوف اذا كان الشخص دفع دفعة اولى كبيرة من حقه يطلب مبلغ للتنازل لكن بعض الاعلانات يقولك اعطيني قيمة العازل الحراري والتنجيد انا خسرت فيها وفي اعلان ثاني عكس هذا الشي المشتري يقول كم تدفع واكمل عنك الاقساط 

بالفعل انا كتبت مثل موضوعك

حتى لو كان دافع دفعه اولى كبيرة يحسب منها قيمة الكيلوميترات وخلافه لان بالواقع المستخدم الثاني هو الي بيتحملها وغير كدا لو فكر يرجعها على البنك او الشركة بيجحدوه في الدفعه الاولى هذا ادا ماخلوه يدفع اكثر منها !

كلام صحيح وفي مشاكل اكثر من كذا, المشاكل الميكانيكية كلها يصلحها المستخدم, ولو البنك اكتشف ان في صدمة مصلحة من غير علم البنك هذا فيها مخالفة لبنود العقد ويمكن فيها غرامة الخ

البيّعان بالخيار
الرجل عرض سلعة وطلب مقابل انت اللي من من حقك تقول هذا الكلام مع احترامي لك
الناس كلن بظروفه واشوف بعض الناس يسب ويتعدى ويجرح بالكلام اذا احد عرض سلعته او سيارته بقيمة عالية
اللي مايعجبك كمشتري شوف اعلان غيره وكلن حلاله عنده
اتمنى نكون محترمين وكلن يوزن كلامه وألفاظه ويحترم رغبات الآخرين والسلام

اولا من حقه يطلب دفعه أولى لكن تأكد لن يجد أحد يتقبلها منه
قيمة الدفعه الأولى أحطها في موتر جديد واقسط خمس سنين ولا مستعمل ماتدري كيف كان يستخدمها


لهذا السبب تجد كثرة الإعلانات بدون مقابل
وإعلانات بمقابل تجدها قليله وان وجدت صدقني محد ياخذها منه

النظيف يفرض نفسه..واحد عارض جيب ٢٠١٦ وطالب للتنازل ٤٠ الف..مجموع المدفوع للبنك ١٠٠ تقريبا والسياره ماشيه حدود ٢٠ الف..لاكرف ولاشي..سياره نظيفه ومحافظ عليها..لو ماشيه كثير صدقني مااحد يعطيك ٤٠ الف..

^^ معلش لو عندي ٤٠٠٠٠ احطها في سيارة اصفار كدفعة اولى موديل ٢٠٢٠ 

اول شي عن تجربه شخصيه 
انا عندي سياره وعارضها للتنازل. بعد ما اخذتها بثلاث شهور 
جاني ظرف وكان أولى اني اتنازل فيها. ذا الشي الاول عشان لا احد يجي يقول ليش اخذها وهو يتنازل عنها 
البيوت اسرار وانت ما تدري بظروف الناس 
الشي الثاني للموضوع صحيح اني دافع دفعه اولى وبسيطه وعن نفسي ما اطلب مقابل لأنها ماهي محرزه ولا راح احصل احد ياخذها 
اما لو اني دفعت دفعه عاليه وجاني ظرف اضطريت اني اتنازل عنها 
طبيعي اني راح اطالب بالدفعه لأن السياره مرغوبه اول شي وثاني شي السياره بحاله الوكاله وافحصها محل ما تفحص لكن قدر الله وما شاء فعل 

ف يا صاحب البوست ذا. حط نفسك في نفس الموضع والموقف واحقاق للحق راح تتغير نظرتك للموضوع 
وعذرا عالاطاله والواحد حُر بحلاله يطلب اللي يبي. ولك حريه الاختيار انك تاخذها او ترفضها محدن مجبور على شي 
وعذرا عالإطاله. 

حتى لو السيارة مرغوبة
الدفعة الأولى في سيارة جديدة مرغوبة ولا في سيارة مستعمله مرغوبة

ومايضمن لي أن صاحبها استخدمها بشكل نظيف!

أما سالفة ٤٠الف في سيارة مستعمله والجديد قدامي يفرض نفسه؟!

^^ كلام سليم ١٠٠٪؜

اخوي شايف كيف 

انت جبتها من ناحية انسانية و عاطفية ما جبتها من ناحية عقلانية 
انا ماني مجبور اتحمل ظروف الناس و اسرار بيوتهم عشان اساعده و اعطيه دفعته ، و لو اني ودي اساعده 

احط الدفعه اللي راح اعطيه اياها في سيارة جديدة و نفس النوع افضل من آخذها منه 

هههههههههههه اقرا اخر كلامي. لاني ايتعطف قلبك ولا هم بحزنون 
اقول لك كل واحد حر بماله الرجال دفع ٤٠ ألف ويبيها 
ولك الحربه توافق او لا. موضوعكم واضح موضوع عصريه وسوالف شاي 

اذا بنمشي على المبدأ مثل ما تقول معناتها مالك حق تلزم اصحاب البقالة يبيعون الماء ب1 ريال
و مالك حق تلزم وكلاء السيارات بعدم المبالغة بأسعار السيارات 
و مالك حق تقول عن اللي عارض سيارته ب70 الف و هي تسوى 40 الف مبالغ بسعره 

من شخص لشخص تختلف ياعزيزي

يعني شخص معاه كامري 2017 باقي عليها اقساط حوالي 40 الف
هذا من حقه يطلب مبلغ للتنازل
لان اصلا الكامري سعره كاش مستعمل حوالي 50 الف موديل 2017
وهذي تبي تاخذها بدون مقابل وتطلع عليك ب 40 الف وانت مرتاح وتامين شامل
مايصير

لكن بالمقابل تلقا شخص معاه كامري 2017 وباقي عليها 82 الف اقساط
هذا تلقاه يقول للتنازل بدون مقابل وفوقها ابدفع للي يتقبلها مثلا 5000 الاف ريال


فمن شخص لشخص تفرق ومن سياره لسياره تفرق. لا تعمم.. لان التعميم غلط
اتمنى وصلتك الفكره

اتفق مع كلام أبو خالد ١٠٠٪؜

ياصاحب الموضوع ابيك تجاوبني وتحط نفسك مكاني بصراحه
سيارتي تأجير منتهي بالتمليك 2016
بقي عليها 8 شهور 20 الف ريال.وتخلص ودفعه اخيره 27 الف
مجموع اللي دفعته اقساط 85 الف
السداد المبكر حاليا حدود 25 الف
قيمتها السوقيه 65 الف الى سبعين ألف حسب الممشى والنظافه. موتري ماشي 90 الف فقط للتنويه
لو تعرضها للتنازل لظروف طارئة ترضى تكون ببلاش !!
أو ترضى يجيك واحد يكيشها وعلى كلامه ترتاح منها ب 25 الف بقيمه ارخص من قيمتها السوقيه
؟؟ بدون مقابل. هذا غير الصيانه من وإلى لأنها تأجير منتهي بالتمليك كل شي عليك ماهي مثل التأجير اليومي.
وشكرا للجميع

للتنويه وبحكم التجربه شركة عبداللطيف جميل في موقعها الرسمي قسم التأجير المنتهي بالتمليك
وضعت مزايا النظام هذا ومن بينها أنه في حالة التنازل يحق للعميل طلب مبلغ من المتنازل له حسب الإتفاق بين الطرفين
عن المبالغ المدفوعه سابقا. فالشركات والبنوك تقر هذا الحق فليش اتركه.

اتفق مع ابو خالد وابو نادر

السيارة ما تقدر بالدفعة الاولى والدفعه الاخيرة وغيرها

تقدر بسعرها بالسوق واضافة الفايدة الربحية للبنك للمدة المتبقية للاقساط


يعني سيارة تسوى 50 الف بالسوق وباقي عليها سنتين يعني المفترض سعرها بالاقساط يطلع 58 الف انت هنا تقارن المتقبي عليها مع المطلوب

اخذ كاش مستعمل ولا تاجير سيارة سعرها كاش ٧٠ الف تطلع ١١٠ ليش ماني مغفل