ماهي شروط شراء سيارة من الإمارات . وماهي الموديلات والفئات؟

انا رحت للامارات.. اسعار الخليجي اللي يدخل للسعوديه.. جدا عاليه.. ومستغلين هالشيء مره

الرخيص عندهم هو الوارد.. اللي جايه من امريكا وكندا وهالدول.. اسعار الوارد جدا رخيصه وتفاجئك.. لكن مايدخل السعودية ابد الا تشليح.. لان تقريره مختوم ان السيارة تالف سالفج فانتبه تشتري شيء وارد.. لازم يكون خليجي عشان يدخل للسعودية

فيه شيء نادر جدا عندهم وهو وارد.. معه شهادة كلين تايتل.. اذا معه ورقة مكتوب عليها كلين تايتل والمعرض يقول شرط يدخل للسعوديه.. هذا تدخل للسعوديه.. وسعرها يكون مقارب للسعر السعودي.. وتعني كلين تايتل خالية من اي حادث.. خالية من اي غرق.. خالية من اي حريق.. خالية من اي تلفيات او تخريبات او عيوب مصنعيه وترا نادر جدا تلقى وارد.. كلين تايتل.... ٩٩بالميه كله سالفج.. اما مصدوم ومصلح. او غرقان ومصلح.. وينباع داخل الامارات عادي. لكن السعودية مايدخل ابدا

وحط ببالك تكاليف السفره. تذكره سفر وفندق واكل وشرب ومواصلات..ما تقل عن ٥ الاف لمدة ٣ الى ٤ ايام اذا كنت لحالك ومقتصد.. الجمارك ٥بالميه و ضريبه ٥بالميه من قيمة السياره ..يعني لو السياره حصلتها هناك ٥٠ الف.. تدفع ٢٥٠٠ جمارك ٢٥٠٠ ضريبه.. ونقل ملكيه بالامارات ولوح تصدير مايقل عن ٢٠٠٠ ريال واذا وصلت للسعودية تروح لهيئه المواصفات والمقايس وتدفع حول ٤٠٠ ويتاكدوا خلوها من اي حادث.. وبعدها تروح للمرور وتطلع ولوح سعوديه خصوصي وتامين بحول ٢٠٠٠ ريال حط ببالك كل هالحسابات.. وشوف هل تستاهل تسافر او لا

السيارات اللي تدخل.. من موديل 2014 وطالع.. اخر موديلين.. ماعليها جمارك وضريبه والله اعلم.. اللي هي 2018 و 2019.. فقط ورقة مقاصه
وشرط تكون خليجي.. وشرط ماتكون تكسي سابقا... واذا انها وارد.. شرط مختوم ختم بتقريرها انها كلين تاتيل وشرط دخوله للسعوديه.. غير كذا ماتدخل للسعودية
شرط تكون مكافئه لهيئه المواصفات والمقايس ومستوى الطاقه.. مثلا الكابرس مايدخل لانه غير مناسب في استهلاك الوقود.. وهالشيء تقدر تتاكد منه من موقع المواصفات والمقايس.. تدخل اسم السياره وتشوف مكافئه ام لا

بخصوص اللي تدخل للسعودية بلوح اماراتيه.. كل السيارات.. لو كانت سابقا محروقه بالكامل وتصلحت.. او مصدومه وواصله الصدمه للشاص وتصلحت او غرقات وتصلحت. عاذي يطلع لها لوح اماراتيه وتقدر تشتريها وتدخلها للسعوديه بلوح اماراتيه.. لان عندهم عادي تستخدم هالسيارات مع ان تقريرها مكتوب فيها تالف سالفج لا يصلح للاستخدام..
ويلزمك وجود بطاقة هوية مقيم.. تكلفك مبلغ وقدره.. مابين 2500 الى 3500 الاف درهم.. وتاخذ لها من اسبوعين الى ثلاث اسابيع لين تطلع.. ثم تقدر تشتري سياره بلوح اماراتيه وتدخل فيها للسعوديه
لكن نصيحتي لك.. اذا طلعت بطاقة.. لا تشتري شيء وارد كان اول تالف وتصلح
اشتر خليجي موديل قديم.. يعني 2013 وتحت اللي مايدخل للسعودية..تحصل اسعاره رخيصه
او وارد تالف. لكن افحصه كارفكس واوتشيك ب30 ريال للتقرير الواحد مع الصور.. وشوف صدمته.. اذا بسيطه وارباقات سليمه.. خذه.. لازم لازم تشيك عليها قبل تشتريها ب كارفكس واوتوشيك
لان فيه نصب بالوارد وغش قوي قوي

بيض الله وجهك يابو خالد

عند خلفية عن السيارات الكلاسيك؟ لي موديلاتها اقدم من ٣٠ سنة؟

ووجهك حبيبي

والله ماعندي الخبره الكافية بالكلاسيك. لكن اللي اعرفه يتصدر للسعودية عادي.. ويطلع عليه لوحات سعودية..

لكن بالنسبة للشروط فماعندي خلفيه الصراحه