حل مشكلة مكيف السيارة يشتغل ويفصل ويتأخر في التبريد ويجيب هواء حار

2 1

لايمكنك التصويت حتى الحصول على 20 نقطة على الأقل
إضغط هنا للإخفاء

ياسين 1111 8
قبل 4 سنه و 9 شهر

السلام عليكم بما إني استفدت كثير من المنتدى فهذي مشكلة قابلتني في السيارة وصلحتها بحمدلله وأتمنى تفيد شخص ما..

السيارة جيلي x7
المشكلة : المكيف فجأة أصبح ما يبرد إلا بعد ساعة او نص ساعة من تشغيل السيارة وإذا برد برودته ثلج، وإذا مسكت خط يشتغل دقيقتين ويفصل ساعة وإذا وصلت ديرة اشتغل.

رحت لكهربائي في ديرتنا وما حصل شيء قال جبها إذا فصل وجاب هواء حار، المهم كنت طالع الرياض والجو جحيم وخايف اتورط، على كل طلعت ومامشيت عشرين كليو إلا المكيف يجيب هو حار، وصلت الرياض بعد ساعتين، يوم دخلت الرياض اشتغل، رحت الصناعية القديمة الكهربائي الأول يقول فيه تهريب في الكمبريسور، وعرفتها نصبة، رحت للي بعده دور هو وجماعته وجاب جهاز وفحصها وقال مافيها شيء سيارتك، المهم توكلت ورجعت ديرتي، ونفس المعاناة، يوم وصلت اتصلت على ميكانيكي أودي له سيارتي دايم، والله يوفقه دلني على كهربائي، رحت له قال هذي مشكلة أنا يحل ان شاء الله ١٥٠ شغل يد وتعال بعد المغرب اذا مافي صلح أنا ما ياخد واحد ريال، المهم اتففت معه على ١٢٠، ورجعت له بعد المغرب وكنت خايف والله، المهم لقيت المكيف شغال فل الفل، أعطيته فلوسه و٢٥ زيادة حق كتاوت جديد، ويوم سالته وش المشكلة وكيف صلحها قال بس كتاوت، شال القديم وركب الجديد ياخوان.

والمرة الجاية إذا صارت لك مشكلة في المكيف وتاكدت من الفريون تمام، رح خد لك كتاوت مكيف ومر أقرب كهربائي خليه يغيره لك، يمكن توفر على نفسك ١٢٠ ريال.

وشكرا لكم، وآسف على الإطالة.

إبلاغ

الردود