أضف سؤال أو موضوع جديد          

مخالفة استخدام الجوال

up 12 down 1



جتني مخالفة استخدام جوال أثناء القيادة رصد آلي ... ورحت اعترضت في هئية الفصل للمخالفات المروريه وشفت الصورة عندهم وقلت قرب منها واللي ظهر كنت حاط يدي على خدي مافيه جوال وكتبت ما صار معي في نموذج الاعتراض وبعد اسبوع راجعتهم بعد إجتماع اللجنه قالوا صح مافيه جوال بيدك و ارفعوا عني المخالفه ... السؤال اللي يطرح نفسه يعني كل واحد حاط يده على خده على طول ماسك جوال واروح واراجع وتأخذ من وقتي الشي الكثير بسبب غلط منهم صارت تخمين الشغله هو جوال او لا .... وبالمناسبة حتى الكاميرات تصويرها تعبان وقت ما يقرب الصورة غير واضحه معالم اللي داخل السيارة وش ماسك ... هذا ما صار معي كله المخالفه اذا جتك تأكد منها لا يصير معك مثل ما صار معي







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اغلب المخالفات يبون زود دخل مادي لو على اقل مبلغ
ما همهم الوعي و الا الخطر المروري


up 6 down 3



احييك على طولة النفس وصبرك على المراجعات

وزين انه فيه تجاوب


وين صارت المخالفة بأي مدينة؟


up 3 down 0



اي شي ماسكة بيدك مخالفة جوال بنظرهم 

والله ارمي اي شي من يدي لا جت كاميرات الجوال تراها ٥٠٠ ريال والله تقلع القلب من مكانه


up 3 down 2
benz lover -76
قبل سنه



انصحك تحط يدك في خشمك المرة الثانية
لان واضح ان اجهزة الرصد الالي مخبطة


up 5 down 4
AbuOsama36 340
قبل سنه



يانديم الطيف... في المدينه المنورة على ساكنها افضل الصلاة وأتم التسليم .... في اسبوع واحد تنظر فيها اللجنه من وقت بداية الاعتراض واسبوع ثاني ترفع عنك من تطبيق أبشر.. يعني اسبوعين ويتم حسم الموضوع


up 5 down 0



اجل مالوم نفسي يوم ارفع يديني اذا قربت من الكاميرا ^_^
اعتقد ان مدخل المخالفة موظف عادي مفهي مالهم علاقة المرور
واعتقد ادهل المخالفة دون مراعاة للامانة فقط ادخل البيانات واعطيه انتر


up 1 down 0
nissan200 219
قبل سنه



بالضبط الموظف تبع الشركه المشغله ولا له علاقه بالمرور عند إعطاء المخالفه بالرصد الآلي ويتم رصدها بشاشه أمامه ويشوفها كأنه يتفرج على مقطع متحرك أو صور متحركه كنت عنده وخليتهم يعرضونها لي ... اللجنه اللي تنظر بالاعتراض رئيسها برتبة ظابط ومعه واحد من الشركه رئيسهم... نهاية الحديث إن المرور هي اللي تعتمد برفع المخالفه او تنزل عليك بعد ماتعترض


up 0 down 0



انا من المؤيدين للتشديد على استخدام الجوال لان صراحه ناس مسفتزه سيارته اروح يمين ويسار ويمشي ٤٠ بس عشان يتصفح سناب او واتساب


up 2 down 1
مشاااووير 59
قبل سنه



نفسي لو في محامي يتطوع ويفيدنا قانونيا بهالحالة اليس لك حق تعويض عما حصل لانك بتستاذن من دوامك اكثر من مرة
ولربما تسحب يوم من رصيد اجازتك
بتروح لهم وتترك اشغالك والغلط مو غلطك


up 4 down 1
vipemperor 98
قبل سنه



اهنيك على طول وسعة بالك

فعلاً انا قد اخذتها بس طلعت 300

ويعلم الله ما اذكر حطيت الجوال باذني وانا اسوق
بس ممكن حطيت يدي على خدي افكر واهوجس وخاصه اذا ماسك الدائري

شكلي بروح اعترض < بعد سنه ههههه


up 0 down 0
aboahmed2014 1121
قبل سنه



والله ذا المخالفة غثيثة اخذتها مرتين ووحدة في سفر عند ميزان المزاحمية 


up 0 down 0



عفوا اللي عند ميزان المزاحمية فوق في اللوحة هي حزام الامان اخذتها 150 ريال


up 0 down 0



خلها بذمة الي رصد المخالفة وهو مو متأكد !!
العمل ذمة وأخلاص وليس تخمين واختيارات عشوائية


up 0 down 0