طريقة احتساب سعر السيارات المستخدمة

بعض السيارات تخفس القيمه لنصف خلال اول سنه لو هي ماشيه كيلوين فقط
وبعض السيارات تخرط ٣٠٠ الف ومازالت ماسكه قيمتها
تصدق اني حصلت كامري بحري ٢٠٠٦ تماتيك ورده
ماشيه ٢٦٠ الف
عليها سوم ٢٨ الف
أيضا الهايلكسات فيه مديلات مازالت ماسكه قيمتها
وهكذا

هذه الحسبة العالمية
والوضع يختلف من دولة إلى آخرى حسب شعبية السيارة.
يعني اعتمد هذه الحسبه ثم زيد عليها كم الف حسب شعبية السيارة.

جرب طبق على سيارة تعرف قيمتها وهي مستخدمة الآن
بتلقى السعر يحوم حول سعر السوق

المثال الذي ذكرته فوق:
سعر السيارة 55000 ناقص 40% = 33000 الف ريال (ثلاثة وثلاثون ألف ريال) هذي النترا ستاندر
لكن لو بتحسبها على كرولا نفس الفئة ونفس الموديل أكيد بيرتفع السعر لشعبية السيارة وأيضا لأن الكرولا ستاندر وهي جديدة أغلى من النترا.

الحسبة غلط بالحبيب 

كلام غير منطقي 
كيف تحدد عمر افتراضي للسيارات كلها مثل بعض هل الصيني يتحمل مثل الألماني ؟
وإذا صح كلامك العمر الافتراضي ١٠ سنوات والسنه تخصم ١٠ بالمئة اذا السيارات الي تعدت ١٠ سنوات تباع مجانا ههههههههههههه
ولك كل الاحترام وهذا مجرد رائي !

الأخ مستنيرمستاء
دام مستاء من الحسبه
نورنا يا مستنير

اتكلم جد,, اي احد عنده معلومه يفيدنا,, هذه معلومه اخذتها من احد الاخوان قابله للخطأ او الصواب او جزء من الصواب.

الاخ ahmedganainy
إقرأ ردودي على الموضوع قلت ان السيارات تختلف شعبيتها.
وقلت زيد على الحسبه حسب شعبية السيارة
اضف على ذلك نوعية السيارة مثلا ما تقارن العمر الافتراضي لسيارة جيب بسيارة صغيره وهكذا.

الحسبة تقريبيه يا عزيزي.

الاخ ahmedganainy
ما اريد الخروج عن الموضوع
لكن صدقني كل السيارات صارت مجرد ماركة Brand وماشين على تاريخهم العريق ومثلهم شركات الأجهزة الاكترونية والكهربائية,
اغلب السيارات الآن تصنع في مصنع واحد, كلها فايبر وبلاستيك ويحاولون قدر الامكان الابتعاد عن المواد المستخرجة من الارض مثل المعادن والخشب
ويتجهون نحو المواد المصنع مثل الفايبر والبلاستيك, إصنع ما شئت بدون قيود لكن المعادن لا تصنع بل تستخرج من الأرض.
اتكلم بشكل عام عن الصناعات سيارات واثاث واجهزة وخلافه.

ارجع حق محور حديثنا (السيارات)
صدقني لو بنزور مصنع في تايلند او الصين يصنع سيارة ماركة معينه مثلا هايلوكس بنلقاه نفس المصنع يصنع لشركة سيارات اخرى مثل دي ماكس.
على سبيل المثال طبعا.

شوف كثير من السيارات القير من مصنع والمكينة من مصنع وتجد نفس القير على سيارة ثانية
مثلا قير لكزس الجيب الصغير RX هو نفسه قير جيب مازدا CX9 ويصنع من شركة ثالثة اسمها Aisin إذا ما خاب ظني.

تقريبا على وشك الانتهاء من موضوع السيارة الفلانية تصنع في بلدها من قبل شركتها الأم فقط.
الآن الشركات مالها إلا الأسم والتصميم فقط اغلب القطع تصنع من مصانع ثانية وتلك تصنع لشركات سيارات اخرى.

ابسط مثال الايفون يصنع بالصين,, هل هذا يعني أن ذلك المصنع الصيني ما يصنع إلا ايفون فقط!! طبعا لا.. عطني مواصفاتك واصنع لك الي تبي.

بإختصار السيارات اصبحت متقاربه بالجودة بالذات الماركات العريقة اليابانية والالمانية والامريكي والكورية وسلامتك. (اترك من الصيني لسى في بداياته)

ذكر علي مثال بخصوص الماركات
شوف السوق حاليا مليان من ماركات ماكنا نعرفها والماركات المشهوره بدأت تختفي
مثلا المكيفات الصينية بالسنوات الاخيره متربعه على عرش التكييف مثل مكيف "جري" و "ماندو" وغيرهم
وباقي الماركات العريقه عايشة على اسمها فقط وتصنع بالصين بنفس المصنع تبع ماركة صينية مثل مكيف (جنرال ومكيف فوجي) حتى نفس الشكل مجرد تبديل اسم الماركة!
مثلا دينمو الكهرباء دينسو مصنع لكثير من الشركات مثلا تويوتا موجود في فور رنر وهايس باص وهالوكس والكرسيدا وموجود في سيارات اخرى غير التويوتا.
إذا القطعه موجوده بكذا ماركة من السيارات معناته الجودة متقاربه.

حنا مجتمع كربوني يحب يقلد ياحظ الشركة الي بنطيح بمنتجاتها,, عز الله ننجحها لو ما تسوى.
شي هبوا الناس فيه ونحجوه وهو ما يسوى.
ابوي وجدي معهم تويوتا او نيسان او فورد او او وانا على اثرهم!!

وهذا بنفس الوقت يدمر ماركة اخرى
بحكم التقليد يكون فيه عزوف عن تلك الماركة وهي ممتازة التقليد معميهم عنها وبالتالي الوكيل مراح يجيب قطع ضرورية كثيرة إلا بالطلب لان السيارة نفسها ما عليها طلب.
بينما هذيك الي عليها طلب تلقى القطع متوفرة حتى غير الاستهلاكية الي ما تتوقع تتبدل ابدا بتلقاها لان التقليد نجحها واستمر لما كانت جيده واصبحت سيئة او قلت جودتها
وما زال الناس متعلقين فيها.
والناس اعدا ما جهلوا,, يجهل بماركة معينه وربعه معهم الماركة الفلانية ومجربينها يمسك دربهم ما يفكر يغير.
وعلى العكس سيارة مشهورة في بلد عربي واخوانا العربي هنا مقبلين عليها والشعب كله دامرها وهذا المسكين يحسبها نفس وضعها في بلده نفس الاقبال ونفس توفر قطع الغيار ورخصها
ثم يجي هنا وينصدم بالواقع
العيب ليس في تلك السيارة العيب بالناس رفعت ماركه بالتقليد وتركت ماركة جيده لان ماكتب لها الانتشار. مثل السيارات الي منتشره مع اخوانا العرب هنا بالمملكة مثل الجيب شيروكي
والسوبارو والبيجو وغيرها.
السيارة هي هي لكن هنا مظلومه وفي بلدان اخرى تختلف الاراء والاذواق والتقليد اقل بالتالي ماشي سوقها ومجربه ولا عليها كلام.

شوف هيونداي وكيا هي هي نفس جودتها من عشرين سنة
طاحوا فيها من تالي لدرجة يسموها تويوتا الثاني - وتويوتا الجديد.
اش عداا ما بدا
الشركة موجودة بكل الدول لكن حنا ما كنا نشوفها
طحنا فيها ونجحناها وبإعتقادنا هي تغيرت وصارت افضل والصحيح هي نفسها بس ماكنا ملقينها بال بحكم التقليد الاعمى لملاك تويوتا ونيسان