أضف سؤال أو موضوع جديد          

إلى متى المبالغة بالاسعار والكذب؟

up 10 down 4
اودي666 234
قبل سنه و 6 شهر



لاحضت في الموقع مبالغة في الاسعار إلى الان

مثال سياره قبل سنه تباع ب100 والان يقولك مسيوم ب100!!

يعني معقوله مر سنه على السيارة والسعر نفس ماهو!!

اعرف سيارات اسعارهم الحقيقيه اقل من السوم او السعر الي هو حاط ب20 الى 30 الف

بالمقابل تحصل اعلانين واحد فل كامل وحاط الحد ب110 كمثال

والثاني سياحي ويقولك مسيوم ب120 الف!! وكلهم نفس الموديل والممشى تقريباً

ان رديت عليهم زعلوا وانك تخرب!!

طيب والنصب الي انتم جالسين تسوونه وش يقال عنه

زي اعلان رانج روفر له الان حول السنه اخبره كان يقول السوم 320 والبيع قريب

الان وصل السوم يقول 270 والبيع قريب!!

مو نصاب ولا جالس ينصب علينا؟؟

كثير اعلانات قسم بالله

جالسه تنزل استهبال واستغفال لخلق الله

ياحبيبي موترك مايجيب الا 70 تجي تقولي مسيوم 120

قسم بالله تكذب واتحداك لو فيه زبون جاد ب100 كيف ب120

زي اعلان ماشاء الله السوم عنده مايوقف طبعاً اخوياه يوم راسلته انه مستحيل السوم كذا

مافي كلمة سب وقذف الا ارسلها على الخاص وعذره وشدخلك

كمثال تحصل مرسيدس 2016 بالسوق نظيييف سعره مايتعدى 230

بالمقابل تحصل 2014 ملعون خيره ويقولك السوم ب250 وتحصل الناس تسوم!!

ياعزيزي الشاري حارج ماهو على خبرك الاول اغلبه نصب وشريطية لذلك لاشفت اي سومه لاتصدقها حتى لو برقم جوال

كمثال سابقاً حصلت موتر السوم قسم بالله واصل 170 وحاده ب180

اتصلت عليه جوال وقالي للصامل ب150 ببيع!!

تخيل فرق 20 الف عن الموقع!!
لذلك لاتستعجل وتصدق اي شي قدامك








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كل واحد حر بحلاله .. هو عرض لك السياره وقال لك لك حق الفحص وحط لك سعر 

ماغشك ولا كذب عليك 

( كلن حلاله غالين عنده لو انه مايسام ) 

كل واحد حلاله غالي عليه ويبي يبيعه بسعر طيب 

اعطاك السعر قدام عينك واتاح لك فحص الموتر وش تبي اكثر 


up 4 down 17
مشاااووير 6
قبل سنه و 6 شهر



والله ياعزيزي

البعض يجهل في الشراء فيزيد على سوم اخيه وهذا اكبر خطأ
المفروض بالموقع يشوف مثيلاتها وكم الاسعار

والبعض نسأل الله السلامه يجيب كوم اخوياه بالموضوع ويساومون وهذا امر خطير

كما لا اخفي عليك ان لو لقيت 2014 وسعرها مقارب للجديد
بختار الجديد واتحمل الضريبة واسمها جديد

ولا مستخدم ومهلوك


up 7 down 2
aboahmed2014 1149
قبل سنه و 6 شهر



بالنسبه لي الاعلان الي ما يعجبني او السعر غالي اتركه 
واروح ادور غيره ، 
اذا هو طالب فيه غالي خله يقعد عنده 
وهذا عيبنا لا شفناه غالي كلمناه وقلنا له ينزل 
لكن لما تتجاهل الاعلان الغالي والمعلن يشوف مافي طلب ع موتره ، بيصمل اسبوع وبعدها بيحدث الاعلان بسعر اقل وكذا 

ف الغالي اصفطوه ولا تعطونه اهتمام لحد ماينصدم بالواقع ويخفض القيمه


up 9 down 0
m7md 33 1153
قبل سنه و 6 شهر



يارجال خذها مني
كثير يعرض سلعته وعنده اخوياه يزيدون في السوم
او هو تلاقيه صاحب السلعة عنده كم حساب في الموقع ويرفع ويزيد
على كيفه
ههههههههههههههههههههههههههه


up 7 down 0
مساعد2018 52
قبل سنه و 6 شهر



واحد عارض شبح 92 ماشي بالعداد 72 الف كلم
عاد واحد يساله كم ماشي يقول مثل العداد 72 الف وجديد المشكله الموتر المراتب متقطعه موب متشققه والموتر مهلوك طيب لاتكتب العداد قول مغيير العداد قول الموتر مااعرف ممشاه والثاني عارض سلعه اعلى من الجديد ومقفل الردود دليل ان فيه ناس سهل تضحك عليها
وجربت تقييم سيي لشخص تعاملت معه على طول حذفو الاداره تقييمي لانه يدفع عمولات اكثر طيب انا وصفت الشي اللي صار معي او حط التقييم فقط ايجابي لاتقول تقييم ايجابي وسلبي واذا حطيت واحد سلبي و 10000000 ايجابي ضحك وتهاون وتواطؤ من الادارة تبي فلوس فقط


up 5 down 1
khaled3224 282
قبل سنه و 6 شهر



غبني امس واحد عارض اكسنت 2010 يقول فل الفل

القير عادي

ومافيها فتحه

هذا بالله كيف تقنعه ان سيارته استاندر


up 7 down 0
aboahmed2014 1149
قبل سنه و 6 شهر



بشكل عام لا تتهور بالمستعمل و تدفع اكثر من ٣٠ الى ٥٠ الف
و مهو كل المبلغ حط على جنب حق الصيانة و التجديد و ممكن كفرات
اما اللي يدفع ١٠٠ الف او اكثر في مستعمل حتى لو عنده خير و يبي يوفر عن الجديد
يطلع فيه شي لو بعد وقت و ينقهر و مو نافعه الفخامه و كثر المواصفات


up 2 down 0
مثقف سيارات 1088
قبل سنه و 6 شهر



مايغبني الا ذاك الشخص اللي يجيب مواتره من الامارات برخص التراب ويحدها باسعار خرافيةً لا يصدقها العقل زي يخت ١٤ يقول الحد ٢٤٠ وين يايوي اسعارها الان ب ١٨٠ وتحت 


up 3 down 0
benz lover -82
قبل سنه و 6 شهر



صادق يابنز

اما مشاوير فما اقول الا الله يعينك على نفسك ويعين من بيشتري منك موتر

حلاله ماقلنا شي 

كلامنا لاتكذب علينا وتستخف بعقولنا

اجيب لك شي مايسوى ريال واقولك ابي الف ريال فيه! وش بيكون ردك

وخاصه لو قلت لك مسيوم 900 ريال مو ذا اسمه استغفال ونصب؟؟


up 1 down 0
اودي666 234
قبل سنه و 6 شهر



زي الاكورد علي ايامها استندر ب75
والحين تلقاها مكدوده ويبي فيها 80


up 0 down 0
جاي امس 448
قبل سنه و 6 شهر



التلاعب في السومات واضح من الشريطية واكثر السومات لا
يصدقها العقل مثال الهايلكسات تنسام فوق 60 والممشى فوق 200الف
والموديل قديم مثل 2014 و2015


up 0 down 0
ابومشعل14423 134
قبل سنه و 6 شهر



المشكلة فيه ناس ينضحك عليهم بهذا الوقت رغم إنه كبير سن وتلقاه مرت عليه عشرين سالفة بالنصب والغش ومع ذلك تلقاه مدرعم ويصدق
لكن أفضل طريقة للشراء بالذات من الموقع
تسوم بالسعر الحقيقي للسيارة وتقوله أنا بعطيك السعر الفلاني شرط الفحص وكذا حتى لو السوم متعديك لأن اللي تسوم معرفات ماندري اش وضعها وتقوله هذا السوم لمدة يومين وهذا رقم جوالي
لأنها صارت مع ناس أعرفهم ويقولون هذي طريقتنا بموقع حراج ولا عمرنا نظرنا للسوم إلا إذا كان معقول وحقيقي


up 1 down 0
مجرد مشاركة 280
قبل سنه و 6 شهر



انا مع الاخ اعلاه انك تسوم بالسعر اللي تشوفه مناسب للسيارة ولا عليك من السوم لانه مو كل من سام شرا ولا كل السوم حقيقي
اذا ناسب تمام و اذا ما ناسب شف غيرها و اذا زعل صاحبها فهذا شأنه ...
فيه نوعين من اللي يرفعون الاسعار... نوع خبرة في هالامور و تلقاه غالبا مقفل التعليقات و هذا يعرضها لين يجيه واحد ما يعرف في السوق و يبيع عليه
و النوع الثاني يكون شاري السيارة وكالة او غالية و محافظ عليها و لازال يعتقد انها ماسكة سعرها و هذا النوع تشوفه يعرض سيارته احيانا سنة مو مصدق انها ما تجيب السعر اللي بباله و حتى اذا اقتنع ان سعره غالي تلقاه ينزل شي بسيط و هو متحسف و يتعلق موتره عنده و تفوقته سومات طيبة


up 1 down 0
سلطان1981 32
قبل سنه و 6 شهر



المشكلة تسوم بسعر السوق يعتبرها الموقع بخس للسلعة وتتوقف عضويتك

الغالبية في حراج شغالين طقطقة إن لقى واحد غشيم باعه السيارة ولا يستخدمها


up 1 down 0
أبو عبادة 4852
قبل سنه و 6 شهر



الافضل انك تاخذ فكره عن اسعار السيارات بحراج واذا تبي تشري اطلع للسوق، يعني خذ فكره واشتر من السوق
زي بعض مواقع التسوق تلقى سعره اغلي من إلى بالسوق، وإلى يغلي سيارته ماهو لاقي احد يشري وعقب تلقاه ينزل من السعر
ولا يكتب بحراج يخليه بسومته لا اتصلت قال بسعر اقل من حراج اهم شي يلقى إلى يشري
الله يعين


up 1 down 0
abo_salem075 25
قبل سنه و 6 شهر



المشكله في اللي يقول لك ( هو حر في حلاله يحط السعر اللي يبيه )

غير معقول ومن أين أتت هذه الكلمه ، معقوله سيارته ماتسوى 50 ويطلب 100 ما تخش العقل ومعصي ماهو حر في حلاله


up 2 down 1
jakwar2004 428
قبل سنه و 6 شهر



^^ دامه حر في حلاله اجل ماله نية يبيع يبي يضيع اوقات الناس يبي يعرف كم تجيب بس بعضهم كذا 


up 1 down 2
benz lover -82
قبل سنه و 6 شهر



هذا نجش اذا كان فعلا يطبق كما تقول

الله يصلح الحال


up 0 down 0
ابو عبدالرحمن 96 7
قبل سنه و 5 شهر



الصدق ان صاير في جشع هاليومين
انا قبل اسبوع بمعارض الرياض الصني2018 النص فل السنه الماضيه كاش تطلع بحدود 33-35 الف تجي تشوف 2015 او 2016 ماشيه فوق 70 الف واذا مو اكثر يقولك حادها ب28 او 29 شخليت للجديد ؟!
اكسنت 2015 ب34 وكان 2017 ب37 جديد !


up 0 down 0
ابو علاوي 2011 155
قبل سنه و 5 شهر