أضف سؤال أو موضوع جديد          

سؤال لأهل العرف هل هذا الموتر ممشاة قليل

up 4 down 8
خالدkhaled. 56
قبل 3 أسبوع و 5 يوم



سؤال لأهل العرف هل هذا الموتر يعتبر ماشي قليل 
يعني صاحب السيارة يقول ماشية أقل من ٥٠ الف 
وأنا لاحظت شي في الصورة يوحي بأن ممشاها تعدا ١٥٠ الف

بس بشوف هل بتلاحظونه أو لا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


حاس نفسي باختبار كيف تكون شريطي ناجح ! او تبي تعذرب بمواتر الناس باي طريقة


up 7 down 11
benz lover 207
قبل 3 أسبوع و 5 يوم



عندك علم يفيدنا ولا توكل على الله

قل خيراً أو أصمت

الموتر لم أحدد راعية ولا مديلة علشان أعذرب مواتر الناس

أبي أستفيد من مشاركة الأخوان أهل الخبرة علشان نستفيد 
ونفرق بين الموتر النظيف والموتر المغشوش

واذا مايهمك الموضوع أطلع بدون تجريح أو تندر أو إلقاء تهم



up 14 down 10
خالدkhaled. 56
قبل 3 أسبوع و 5 يوم



ماهو شرط يكون شكل المكينه من برا يوحي انها ماشيه كثير وهي في الاساس ماشيه قليل لان صاحبها ممكن مايغسل المكينه من برا لكل شكل المكينه اللي بالصوره شكلها نضيف لان لاحظ شكل مويه الرديتر نضيف وغير متغير لونه 


up 8 down 0
الخور قريبه 388
قبل 3 أسبوع و 5 يوم



زيت الدركسون اسود


up 3 down 3
متسوق جدة 107
قبل 3 أسبوع و 5 يوم



الموتر برادو واضح . . . .

لكن إن كان قصدك وأنا أخوك نقص علبة الدركسون فمو دليل لأنه كذا واحد أذكره يشتكي . . . .

إنه يصيرعنده تهريب بدودة الدركسون وسيارته ماكملت سنة مطلعها من الوكالة . . . . ويروح للوكالة ويصلحها . . . .

لذلك نقص زيت الدركسون لا يدل على أن السيارة مشت كثير وإلا قليل . . . . .

أما لون زيت الدركسون فلا يدل على الممشى أيضاً , لأنه ممكن فعلاً الرجل سيارته مايحركها إلا من سنة لسنة . . . .

يعني بالسنة يادوب تمشي 4 الآف . . . . لذلك تلقاه أسود لأنه مبطي ماغيره . . . . .

أو يكون هو بنفسه عنده تهريب ويستخدم نوع تقليدي ومغشوش وهو مايدري . . . . .
.
.
.
.
.
((((( ممشى السيارة الحقيقي ,,,, مستحيل ثم مستحيل ثم مستحيل أحد يجيبه )))))


up 6 down 1
خارج الوسط الرياضي 44
قبل 3 أسبوع و 5 يوم



فعلاً بيض الله وجيهكم أنا كنت مستغرب من سواد زيت الدركسون 
وأيضاً نقصة

ولكن النقص مافية مشكلة قد يكون تهريب وعالج الموضوع 

بس سواد الزيت هو اللي يفرق لأن الزيت مايقلب لونه إلا مع الكرف
والإحتكاك فهو اللي شككني في موضوع الممشى 

لاهنتوا على كل حال وجزاكم الله كل خير


up 4 down 1
خالدkhaled. 56
قبل 3 أسبوع و 5 يوم



الله يسعدك
يامكانك تراسل الوكالة شركة الفطيمي
برقم الهيكل وتشوف اخر صيانة لها بالوكالة واخر ممشى
وتشوف متها دخلت السعوديه بتقرير المرور
بيفيدك هالشي
والمعلن لها متابعه من زمان ولا عليه ملاحظات


up 3 down 4
الرفاعي33 13909
قبل 3 أسبوع و 5 يوم



مشكلة تنزيل العدادات إلى الأن مافيه طريقه تكشفها ولي موضوع سابق عنها، بس فيه أشياء بتلاحظها أنت وتعرف الممشى هل هو حقيقي أو منزل، أغلب هل المعارض ينزلون العدادات ٩٠ في المية منهم لذلك إذا نويت على سيارة مستعملة اركب السيارة وسقها وشف تماسكهاوافحصها في مركز ممتاز إذا أمورها طيبة وأنت مستخدم مايهم العداد، الغبنه اللي يشتري سيارة بمبلغ وقدره على أساس إنها مخزنه وهي ماشية،،، فيه موضوع سابق لي عن جيب مازدا منزل عداده وذكرت التفاصيل كامله عنه وحذرت منه وجاني اتصال بعدها بفترة واحد يسألني انت كان عندك جيب مازدا كذا كذا أبغى نسخة المفتاح الثاني إذا عندك قلت منين جبت رقمي قال من صيانة بترومين طلع الرجال مسكين انخم بالجيب بمبلغ ٧٥ ألف على أساس إنه مخزن والجيب ماشي يمكن فوق ال ١٥٠ ألف ولايستاهل وعلمته بالقصه كامله وما أدري وش سوى بس اعتقد مايقدر يسوي شي لانه نقل الجيب واستخدمته لمدة شهرين أنا كشفته خلال يوم،، فالشاهد في الموضوع ان التنزيل من أهل المعارض بالهبل والى الان مافيه أي فحص يكشفه الا اذا كان للسيارة صيانه في الوكالة أو مركز معتمد


up 10 down 0
mohammed shareef 1022
قبل 3 أسبوع و 5 يوم



السياره اللي ممشاها قليل يكون الرديتر نظيف وخالي من ضربات الحصى 
ويكون الجسر الامامي وخلف الصدام والاذرعه بحالة الوكاله 

لكن الموتر اللي ماسك خطوط او ماشي فوق الميه يكون الاذرعه متقشره البويا على خفيف والرديتر من برا مصدم بحصى كثير


up 0 down 1
مشاااووير 121
قبل 3 أسبوع و 4 يوم



وجهة نظري الشخصية:

أي سيارة دخلت التلميع والمكينة ملمعة عليها علامات استفهام وغالباً تلاقيها مع الشريطية وعدادها ملعوب فيه

غالباً وليس دائماً لكن الحذر واجب


up 3 down 2
أبو عبادة 4761
قبل 3 أسبوع و 4 يوم



كشف العداد ما راح يشكفه الا نظام المرور الجديد وهو تسجيل العداد وقت البيع او نظام الفحص الدوري
وهذا الشي خلاص مستحيل احد بيرجع العداد


up 1 down 0
meshal alharbi 245
قبل 3 أسبوع و 4 يوم



حياك
ممشاه خمسين الف اعتقد كفرات الوكاله موجودة مافكت
لم يتم تغيير قماشات
ولابواجي ولاسيور
دعسات البريك والبنزين تلاحظة شبه جديدة
اذا الموتر له ورقة فحص فني تقدر تتاكد منهم
وباالتوفيق


up 1 down 2
باترول 2020 2596
قبل 3 أسبوع و 4 يوم



ماراح تقدر تعرف كم مشت من خلال
نظافة المكينه < لان الان في محلات تنظف لك المكينه وتطلعها وردة

اخذ رقم الاستمارة ومر اقرب فرع للوكالة واستفسر عنها
او بترومين
واذا نيسان مر ون ستوب
وبكذا راح تعرف الممشى

ولا تنسى ورقة الفحص الدوري




up 3 down 1
aboahmed2014 985
قبل 3 أسبوع و 4 يوم



نفترض انها مشت فوق ال 150 زي ماتقول و راعيها غير
زيت الدركسون قبل ماتفحصها كان قلت انها مشت اقل من
خمسين الف !!
نظافة الزيت ليست دليل على قلة ممشى السياره و العكس ايضا.
و انما وجود دلائل ثانيه تأكد هذي الملاحظه او تدحضها.



up 3 down 0
amer ahmed 478
قبل 3 أسبوع و 4 يوم



العجيب لا يوجد حتى الان جهاز فحص ممشى السيارة مع وجود اجهزة فحص السيارة مثل الرش والسمكره
جهازفحص القير
جهاز فحص نسبة المكينة
جهاز ليزر لفحص تهريب المكيف
جهاز ليزر لورن الاذرعة
وغيرها



up 2 down 0
aaaammmm 116
قبل 3 أسبوع و 4 يوم