أضف سؤال أو موضوع جديد          

سؤال للخبيرين لسيارات

up 1 down 0
abdlh86 1
قبل سنه و 8 شهر



السلام عليكم شباب بسالكم بهالفتره ادور لي سياره مستعمله
وحق استخدام تشد معي حصلت سوناتا ٢٠١٤ ستاندر 
ماشيه ١٤٠ طبعا المالك الاول للسياره هو وبدون حوادث 
يبي فيها ٢٢ سالت اغلب الي اعرفهم يقولو ابعد عن هونداي
ومن الكلام ذه وناس تقول اخذها لكن افحصها قبل وهونداي عمليه
وصراحه متحير وبما اني طالب مابي اخذ سياره وتلعوز بمشاكل فيها
وراس مالي حدود ٢٠ الى ٢٣ وتقريبا هالسياره ذي سوناتا
الوحيده الي حصلتها نظيفه وماشيه قليل الى اغلب الي احصل 
ماشيه كثير او فيها مشاكل ف نصايحكم لي لسياره المناسبه لي
وبس ما اطول عليكم
وحبيت اقول لكم ماني تبع طلعات كثيره وامسك خطوط 
نادر امسك خط استخدام بالبلد فقط لا غير
وصرفية السياره مناسبه ولا تصرف







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


وعليكم السلام
اذا السياره على كلامك نظيفه وعلى هالموديل وهالممشى
وامورها طيبه السعر مناسب وبتخدمك مع المحافظه
ولا عليك من الي يذم استخدام شخص عن شخص يفرق
مهما كان نوع السياره كوري او ياباني الى اخر
انا اشوف لاتفوتك على هالسعر اذا نظيفه


up 2 down 3
الرفاعي33 13911
قبل سنه و 8 شهر



نظيفه فقط بالرفرف حكه بسيطه وصدع بسيط يعني مايكلف ٢٠٠ ريال
تصليحه


up 0 down 0
abdlh86 1
قبل سنه و 8 شهر



اذا كانت صياناتها منتظمة والرجال معتني فيها توكل على الله
المشاكل اللي في الكوري سوء استعمال على تجربة واحد من اخوياي معه سوناتا ١٥...من استعماله خبطت المكينة مرتين وغير 3 كمبروسرات وولف


up 2 down 1
3llawi96 3114
قبل سنه و 8 شهر



الستاندرد ماكينتها افضل من نص فل تجي ٢٠٠٠ سي سي ما احد شكا منها التخبيط كله ب ٢٤٠٠


up 4 down 3
benz lover -77
قبل سنه و 8 شهر



وعليكم السلام
السوناتا فيها علتين الاولى خاااااااصه بالسوناتا والاوبتما والثانيه عااااامه بهونداي

العله الاولى تخبيط المكينه حتى لو محافظ هذا الكلام على مكينة 2400 اذا مكينة 2000 هذي تتحمل كرررف ولافيها مشاكل
العله الثانيه العامه بهونداي المكيف راااااااااح تعاااااااني الا اذا حليت المشكلة بترهيم كمبرسر من شركه ثانيه ولاطلعت لك مشاكل
من الترهيم

بالنسبه للي يقولوا انحشش عن هونداي اذا قصددهم بالعيبين هذي معهم حق اذا قصدهم غير العيوب هذي بالعكس
سيارات هونداي كعضلات وقطع استهلاكيه وووالخ تتحمل ورخيصه

اذا مكينتها 2000 توكل على الله اذا 2400 اقولك اصرف نظر وشوف لك النترا بتحصل


up 3 down 3
المنطق يقول 727
قبل سنه و 8 شهر



لو تحصل ياباني هوندا او تويوتا بنفس النظافة بيكون اضمنلك لأن عمرهم اطول من الكوري شوية


up 2 down 1
rashidy 353
قبل سنه و 8 شهر



اسأل راعيها الصيانة الى كم كيلو فالوكالة وهل غير زيت القير او لا وتقدر تتأكد من الوكالة برقم الهيكل او رقم اللوحة واذا السيارة ناسبتك اتوكل على الله واستخير الله والله يرزقك باللي افضل منها


up 1 down 0
zax_makkah 247
قبل سنه و 8 شهر



فيه اشخاص لو خربت عنده فحمات ذم السياره فلاتاخذ بنصيحه جاهل


هونداي انا عن نفسي اشوفها تكرف مع كثر اللي يذمونها نصيحتي لك جرب السياره وحذ صرفيه البنزين تناسبك او لا واللي ترتاح له خذه ماتدري ايش اللي خير لك



up 0 down 0
osamah5887 117
قبل سنه و 8 شهر



الهيونداي لاتشتري منه الا الاكسنت والانترا غيرها ابعد

وانصحك تشوف لك تويوتا حتا لو ممشاها 200 الف اهم شي تكون استخدام نظيف وتفحص عند مكان مختص


up 0 down 0
abosaad702 2
قبل سنه و 8 شهر



والله صراحه شي محير واحد يقول اخذها واحد يقول لا
ع العموم بفحص السياره واتوكل على الله افضل حل


up 0 down 0
abdlh86 1
قبل سنه و 8 شهر