ما هي طرقة الدفع المناسبة لشراء سيارة من الوكالة بالكاش؟

حوالة بنكية

اصدار شيك مصدق من أي بنك بإسم الوكالة ( تراجع الوكالة وتاخذ اسم المستفيد بالضبط )

فيزا  / مدى  اعتقد حدها اليومي ٢٠ ألف ريال فقط

البنك الراجحي تقدر تحول عن طريق مباشر ٥٠ ألف اذا كان بطاقتك الفيزا العادية إذا عندك تميز والله ما أدري كم المبلغ بس اعتقد من ١٠٠ الف وفوق، والبنك الاهلي تقدر تحول عن طريق مباشر ١٠٠ ألف ريال حتى على البطاقة العادية،، وتقدر تمر البنك وتأخذ المبلغ كااش

الافضل شيك مصدق بإسم البايع او المستفيد اضمن لك

أنا شريت سياره من الجزيره وقمت وقت الشراء دفع عربون عن طريق مكتب محاسبتهم بالبطاقه ( مدى ) 20 ألف والباقي عن طريق حواله عن طريق البنك وتاخذ الإيصال وتعطيهم إياه .

طبعا هم بيعطونك الإسم ورقم الحساب التابع لهم .

حد مدى 20 الف بس تقدر ترفع الحد الى 40 الف عن طريق البنك تبعك

وتقدر كاش كل الوسائل متاحة امامك والفيزا اذا تستفيد منها نقاط تقدر تدفع فيها

انا اشتريت سيارة عن طريق بطاقة الفيزة لكن مو كل الوكالات تقبل مثلا الجميح وعبداللطيف جميل طلبوا مني شيك مصدق.
اذا المعرض او الوكالة يقبل الفيزة فهي افضل لك لانك تاخذ نقاط مقابل استخدام البطاقة وانت بتدفع المبلغ على كل حال سوا عن طريقها والا بطريقة ثانية الفرق ان الفيزة تستفيد غالبا كل ما تستخدمها.
وبخصوص بطاقة مدى بنك الانماء يسمح لك ترفع حد العمليات فيها الى ٢٠٠ الف ريال وقدر تتاكد من هالشيء من خلال الابلكيشن حقهم اذا كان عندك حساب في الانماء طبعا العملية لازم تكون شبكه لان حد سحب الكاش هو ٥٠٠٠ ريال لجميع البنوك والبطاقات

يعتمد على المبلغ و الوكالة مثل ما قالو الاخوان ... انا سبق تعاملت بشيك مصدق و حوالة بنكية...

حسب الوكالة
لكن المفترض انهم يدعمون كل شي
الفيزا مالها حد وتقدر تستفيد من النقاط واذا رفضو عادي قلهم الغيت الشراء وبيوافقون

الله يرزقنا ونفكر وقتها كيف نبي ندفع شعور جميل 

لا انصح بحمل الكاش لشراء سيارة ولو بعشرين الف
بنك الراجحي الحد اليومي تحويل 50 الف وبعد الساعة 12 صباحا تحول 50 وهكذا
بنك الأنماء التحويل اليومي 150 الف ريال لبنك محلي و 100 الف لبنك دولي (انا صرافتي الذهبية لاني اخذ بيت اقساط منهم يمكن غيري الحد اليومي اقل)

والافضل تروح لبنكك وتطلب شيك مصدق بقيمة السيارة وتكاليف نقلها
يتم حجز قيمة السيارة كاملة
تسلم الشيك لصاحبه (فرد - معرض - وكالة) ويسحب المبلغ من حسابك
وإذا التغت البيعه ترجع الشيك للبنك لفك حجز المبلغ.

لا انصح بحمل الكاش
حتى لسداد الاجار
كثير مقاطع انتشرت لأشخاص تم الاعتداء عليهم على ابواب مكاتب العقارات
ومعارض ووكلات السيارات نفس الشي هناك عيون حرامية ترقب الرايح والجاي وعينها على جيبك ويدك.

فيه ناس دلوخ يقولون شيك مصدق .. الرجال يبي يستفيد من نقاط الفيزا دامه دافع دافع .. واذا رفض الفيزا المعرض حواله وش الي رح خذ اسم المستفيد ورح للبنك سو شيك مصدق مرضى انتم