انتشار ساهر مع حلول الاجازات وصار موسم القسائم والصيدات
29
10
إضغط هنا للإخفاء
طبعا الناس مع كل اجازه تسافر وهذا يعتبر موسم طيب لنظام ساهر لجمع أكبر عدد من مخالفات ساهر
الاسبوع هذه مشيت من الرياض الى الطائف الى جده الى ينبع الى المدينه الى القصيم ثم رجعت الرياض عن طريق القصيم
مواقع ساهر اللي صادفتني ويمكن هذا الموضوع يفيدكم وهي اتوقع انها مواقع ثابته
قبل دخول مدينة الطائف ب10 كيلو تقريبا وانت جاي من الرياض هناك دوريه تتكي بجانب جسر صغير ومحد ينتبه لها الا بعد ماتتعداها
لذلك ( قبل دخول اي مدينه ب20 كيلو خفض السرعه )
وانت نازل مع جبل الهدا طبعا العالم مدحدره وتوهم مخلصين الجبل ومنعطفاته ومع النزول اتوقع الكل بيكون ماشي اكثر من 120
ولكن اول ماتخلص النزول راح تتفاجئ بكمرة ساهر امامك يعني في مكان غير متوقع اصلا واحسب كم واحد يستخدم جبل الكر او الهدى لذلك اول ماتخلص النزول على مهلك
كمرة ساهر بتكون في الاتجاه المعاكس لك وليس في نفس مسارك يعني ماراح تشوف الا لمعة الفلاش وبعدها خلاص امش على مهلك لان الطريق ملغم بكمرات ساهر من جبل الهدى الى مكه والى جده
وانت خارج من جده بعد 10 كيلو تقريبا توجد كمرات ايضا على سيارات اينوفا
المدينه المنوره وانت خارج منها متجه الى القصيم كمان مايمديك تشد على السياره والا ساهر في وجهك !!! وينك يا انيق ههههههههه
والحركه الاسوء وهذي انبتهوا لها
بعد ماتعدي نقطة التفتيش واي نقطه طبعا العالم تشد على طول اول ماتعدي نقطة التفتيش بسلام
لكن المفاجئه انه ساهر مجود بعد نقطة التفتي ب نصف كيلو او كيلو تقريبا يعني لحد يسوي فيها ذكي خلاص انا عديت نقطة التفتيش شد على الموتر !!!
خذلك مسافة 2 كيلو بعدين شد
الكباري اذا وصلت لها هد عندها لانه غالبا يخفون سيارة ساهر بعدها مباشره
ومن الطرق الجديده في اخفاء سيارات ساهر هي وضع شجر على سيارة ساهر مع تغطية العواكس اللي تجي على الاسطبات عشان فالليل ماتظهر للضحيه
وفالنهار ايضا شكلها مخفي ورى الشجر
اذا الطرق المستخدمه وكئننا نفهم منها انهم يبغون يحصلون على اكبر عدد من المخالفات اكثر من تطبيقهم النظام وفرضه على الشعب
لذلك انتبهوا لموسم كمرات ساهر
نقاط التفتيش اصبحو يفتشون اللوحات لذلك نصيحه لاتغطي اللوحه
ولحد يسوي ذكي يقول انا بوقف قبل نقطة التفتيش وبشيل الزقات او برجع اللوحه تدرون ليه !!!
لانه قبل نقاط التفتيش فيه دوريات سريه توقف قبل نقطة التفتيش تكون مراقبه الوضع والدليل اللي صار معي
قبل دخولي الطائف كان فيه نقطة تفتيش وانا وقفتها قبلها بمسافه طويله عشان القهوه انسكبت علي بعدها مشيت ويمكن بعد 4 كيلو وصلت للنقطة تفتيش ووقفوني على جنب !!!
قلي معاك شي او مهرب ناس !!!
قلت هذي السياره وفتشها !!
قال طيب ليه وقفت قبل نقطة التفتيش بكم كيلو ؟
قلت القهوه انكبت علي بس انت وش دراك اني وقفت ؟
قال الدنيا كلها مراقبه لذلك انتبه على نفسك ....
إبلاغ
الردود
2
0
قبل 11 سنه و 5 شهر