أضف سؤال أو موضوع جديد          

سؤال عن اجراءات الحادث

up 3 down 1
saaarr 8
قبل أسبوع و 5 يوم



يا اخوان معليش عندي استفسار و اتمنى محد يقصر معي..
اليوم صار لي حادث بسيط و الغلط علي صدمت سياره واقفه قدام بيت بشارع ضيييق لكن ماصار لها شيء و نزلت شيكت عالامور ابد السياره مافيها اي ضرر مني هي من اول مخدشه ورايحه فيها من كل الجهات و دقيت جرس البيت بس ببري ذمتي باللي صار لكن محد يرد و انتظرت برا نص ساعه محد طلع و السياره مغبره شكل راعيها مايستخدمها ابد و مشيت.. لكن والله ماصار فيها شيء مني بس اخاف تجلس بذمتي هل علي غلط و يلزم علي ابلغ نجم ولا؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مع العلم ان سيارتي صني و ماجاها شيء و السياره الموقفه كيا يعني لو فعلاً تضررت السياره كان انا تضررت اكثر منها لكن ماجاني ولا جا السياره الموقفه شيء ابد 


up 1 down 0
saaarr 8
قبل أسبوع و 5 يوم



اترك ورقه عليها رقم جوالك على السياره اذا كلمك زين ماكلمك مر على بيته مره ثانيه وكذا عاد انت سويت الي عليك 


up 3 down 1
fhody44 805
قبل أسبوع و 5 يوم



حط ورقة من تحت الباب عشان تبري ذمتك


up 2 down 2
ابو محمد بيشه 146
قبل أسبوع و 5 يوم



صل معهم احد الفروض بالمسجد واطلع بدري وانتظر عن باب بيتهم شف من يطلع من يدخل وكلمه وانا متأكد بيسامحونك

مر عليه اكثر من مرة الين تيأس انك تقابله


اما مسألة انك تقول خفيفة والسيارة ما تضررت هذا شيء يقدره صاحب السيارة وله الحق يسامحك او يطالبك بتعويض


up 0 down 0
نديم الطيف 146
قبل أسبوع و 5 يوم



الله يكثر من امثالك


up 0 down 0
احمد 170 325
قبل أسبوع و 5 يوم



انت انسان محترم وتخاف الله الله يكثر من امثالك
اترك رقمك بمقبض باب السواق مع ملاحظة ماصار معك


up 0 down 0
ابو عبدالله احمد 3441
قبل أسبوع و 5 يوم



بمر عليه مره ثانيه بكره و بترك ورقه ان شاء الله مع ان ماصار شيء ولا خدشه ابد لا لسيارته ولا لسيارتي بس ابراء للذمه 
يعطيكم العافيه 


up 0 down 0
saaarr 8
قبل أسبوع و 5 يوم



انا اللي خلاني اتردد وما احط ورقه ان يتبلى علي بالخدوش اللي بسيارته من قبل لكن ان شاء الله خير برجع له بكره 


up 0 down 0
saaarr 8
قبل أسبوع و 5 يوم



فعلت الصحيح
ولكن لاتحط ورقة ابد عشان ماتدري مين صاحب السيارة
هل هو عاقل او يمكن يتهمك بكل شي فيها ويطلع انسان واطي

اترك العلم عن امام المسجد افضل حل او انتظر صاحب السيارة وجه لوجه

احذر تترك رقمك قد يستغله البعض بأشياء سيئة ويمكن يتخذها ضدك


up 0 down 0
bander03 204
قبل أسبوع و 5 يوم



أنت قلتها ماجاها شيء ,,, يعني وش أنت خايف منه ؟؟؟؟؟؟ حتى لو طلع لك الرجال تبي تقول ماجاها شيء صح وإلا لا . . . .

ويبي يشوف ماجاها شيء ويقول روح توكل على الله . . . . .

الواحد لا يوسوس . . . لو السيارة جايها شيء أكيد تبي تعرفه ( طعجة - ضربة قوية . . .إلخ ) . . . . . .


up 0 down 0
خارج الوسط الرياضي 42
قبل أسبوع و 4 يوم