أضف سؤال أو موضوع جديد          

شريت سيارة جديدة وانغشيت فيها ارجو المساعدة

up 8 down 2
خدعوك فقالوا 116
قبل أسبوع و 2 يوم



السلام عليكم
الأخوة الكرام قبل يومين استلمت سيارة جديدة تشارجر من الوكيل المتحدة
في الرياض واجهتني فيها مشكلة غريبة لما ادق ريوس تشتغل الكميرا اذا رجعت القير على D ومشيت تبقى كميرا الريوس شغالة ولا تطفى تعلق الشاشة على كميرا الريوس لما اطفي السيارة واشغلها ترجع كل شي طبيعي في الشاشة لكن بمجرد ما ادق ريوس تبقى الكميرا معلقة شغالة لزم اطفي السيارة رحت لنفس الموظف الي باعني الموتر قلت له عن المشكلة وقلت له اما غيرو الموتر ولا رجعو فلوسي انا دافع لكم كاش مو معقول اخذ قرض وانق لكم كاش على سيارة اصفار وتغشوني بسيارة فيها خلل المهم بعد ما شديت معه بالكلام قال خلاص رح ما بيدي شي رفض النقاش في الموضوع قالي الموظف الثاني الي جالس معه مالنا علاقة في الأعطال نهائياً حنا فقط مبيعات راجع الصيانة تابع معهم وهم يعطونك العلم الأكيد رحت الصيانة وشرحت لهم المشكلة رفضو يصلحونها قالو اذا تبي تصلحها بعد العيد على حسابك بنزينها لك اما الضمان ما يشمل المشاكل البرمجية المهم انا انغبت وندمت اني دفعت فلوسي على دوج ليتني رايح لهونداي ولا تويوتا ولا مازدا وسالم من المشاكل اللحين من يعوضني وخصوصا انهم رافضين فكرة الصيانة على الضمان اجل وش قيمة الضمان ؟ تكفون الي عنده خبرة مع الوكالة دوج يفيدنا قالي زميل افصل اصبع البطارية وبتنحل مشكلتك سويتها ولا تغير شي







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لا تفصل اصبع ولا شي ارفع بلاغ في وزارة التجاره وشف كيف تتغير المعامله معاك


up 9 down 0
rooo7_q 240
قبل أسبوع و 2 يوم



ادري انك مقهور لكن الحمد لله جت على الكاميرا واحد من الزملاء مشتري مازدا6 الرفرف الخلفي مسمكر ومرشوش واللون متغير وله الآن من 2017 ما استفاد شي مابين وزارة التجارة والمحكمه وفي الاخير قال الله يعوضني تعب من المشاوير فأنت الله يعينك كلم وزارة التجارة اذا ما فادوك حاول تدور تلفون او ايميل الشركة الام وراسلهم وان شاء الله تتسهل


up 4 down 0
ابوخلوودي1 5057
قبل أسبوع و 2 يوم



الموضوع بسيط ان شاء الله و ينحل ما يحتاج تتندم و تتحسف
ادري السيارة جديدو و دافع فيها الله يبارك لك
انشب لهم لازم يصلحونها ببلاش و اذا رفضوا ارفع عليهم بلاغ
و اذا مرة مستعجل تتصلح ان شاء الله عند محلات الشاشه و البرمجه


up 1 down 1
1405-1985 931
قبل أسبوع و 2 يوم



اول شي 1000 1000 1000 مبروووك
الله يعطيك خيره ويكفيك شره
ثاني شي. لا تكره الموتر على شي بسيط انت قلت الكاميرا
شوف الاخ الي قلك الموتر طلع فيه رش هذا الي لازم يزعل
صحيح انك زعلان بس لا تحاول تكره الموتر قضي العيد
وبعد العيد حاول تقلقهم واذا كانت المشكلة برمجة وما برمجة
ادفع ال 100 او 200 وخلاص لا تتعب نفسك
وكل عام انت والأعضاء بخير


up 4 down 3
salah.e 440
قبل أسبوع و 2 يوم



الموضوع بسيط ما يستاهل كل هذا الزعل

ارفع بلاغ في وزارة التجارة وطالب بسيارة جديدة أو اصلاح الخلل على الضمان

والله يبارك لك فيها


up 1 down 0
abdulss 262
قبل أسبوع و 2 يوم



ماهو قصة زعل بس انا دفعت قيمة سيارة جديدة المفروض استلم سيارة سليمة من العيوب والمشاكل لكنهم اعطوني سيارة فيها خلل
وفوق هذا رافضين حتى يصلحونها على الضمان
لكن المهم الآن انا قدمت بلاغ على هاتف وزارة التجارة رسالة صوتية تتوقعون بطلع بنتيجة من وزارة التجارة ولا بتطول السالفة
والموضوع ما بينحل ؟


up 0 down 0
خدعوك فقالوا 116
قبل أسبوع و 2 يوم



احد الزملاء حصل له نفس المشكلة الي صارت لك

والسيارة دوج اشتراه جديد وطلع يحتاج برمجة للوحة ازرار المكيف والسيارة جديدة وصلحوها له مجاناً ودفعوله تعويض عن ايام وقوف السيارة عندهم



ارفع بلاغ لوزارة التجارة وشف كيف يحابونك ويراضونك

عالم تخاف ما تختشيش


على كل حال لا تنسى اثناء وقوف السيارة عندهم للصيانة تطالبهم بسيارة بديلة او يدفعونلك فلوس عن ايام وقوفها عندهم للتصليح


لا تتنازل عن حقك، انت شاري السيارة مثلاً ب150 الف، لو دفعت للوكالة 149900 باقي بس 100 ريال من حقهم بيتممون البيعة؟؟؟ ولا يخلون من حقهم ربع ريال


up 0 down 0
نديم الطيف 145
قبل أسبوع و 2 يوم



معي تشارجر ٢٠١٣ ولله الحمد كم له سنه ماواجهت شي .. اذا انت ماتعرف تفحص حلالك قبل تشتلمه هذي مشكلتك شخصيا 


up 1 down 60
مشاااووير 122
قبل أسبوع و 2 يوم



الف مبرووك تتهنى بالموتر ان شاء الله....
ماالومك عل الغبنه والرد الواطي . يعلم الله شفت تعامل اكثر من راقي من وكيل فورد في دبي يوم دخلت السياره من فتره للصيانه. تخيل وصلوني للفندق مجانا بسياره فان. غير كذا شاي وقهوه وسناك وجلسه خاصه..وانا معي اكسبلورر ٢٠١٢ :)))
المهم لاتنسى ترفع بلاغ وانشب لهم مثل ماقالو الشباب . وان شاء الله مشكلتك بسيطه لاتقلق ياغالي. وكل عام وانتم بخير جميعا


up 4 down 1
midnight_963 564
قبل أسبوع و يوم



مبروك السيارة يالحبيب واختيار جميل الصراحة وبالنسبة لمشكلتك اخذتها بسلبية عنيفه شوي لكن مشكلتك بسيطة جدا اجل وش تقول للي طلعوا هوندا اكورد ٢٠١٥ وغيروا مكاينها ومع العلم ان ولد عمي وهو راضي ولا فيه مشكلة وللان معه انت ارجع لهم بعد العيد وقلهم يصلحونها واذا رفضوا ارفع شكوى للتجارة وبيصلحونها غصب وخلصنا ( مشكلتك بسييييطة جدا ) 


up 1 down 3
abdulmohsen 8760 50
قبل أسبوع و يوم



ولد عمي غيرها *


up 1 down 1
abdulmohsen 8760 50
قبل أسبوع و يوم



مبروك. الله يعطيك خيرها ويكفيك شرها،
إذا المشكله برمجه ولاتكلف واجد، صلحها ع حسابك،
افضل وأسرع،
والحمدلله مشكله بسيطه، عيد ع المبروكه ولا تقلق نفسك نصيحه


up 3 down 4
امير الاصيل 1714
قبل أسبوع و يوم



مبروك السيارة الله يعطيك خيرها ويكفيك شرها
إذا ما نفعت الشكوى فيه طريقة فعالة فيه طرق كثيرة منها
ترسل ايميل للشركة الأم بأمريكا وتذكر لهم المشكلة وان الوكيل رفض يصلح السيارة وقال إصلاحها على حسابك والسيارة جديدة
راح يحبونه يصلحها على الضمان


up 4 down 0
ابو عبدالله الأول 259
قبل أسبوع و يوم



راجعهم بعد العيد وراح يصلحونها على الضمان بس شوف موظف ثاني
الموظف اللي رحت له ماهو فاهم شغله


up 5 down 0
noidea 319
قبل أسبوع و يوم



مشاوير تحمل نتيجة الفلسفة الزايدة الرجال مغبون ازعجت اهلنا ب ٢٠١٣ حقك 

الوكالات يخلون الواحد يبتعد عن الكاش يفكها اقساط اي امتناع منهم اقرب صبة مباشرة تالف


up 3 down 5
benz lover 234
قبل أسبوع و يوم



الف مبروك وهونها وتهون وحاسس بيك وبالغبنة لكن بعد العيد اتواصل مع المدير لا صيانة ولا بطيخ ،،، والمشكلة تلاقيها فيوز لان على حسب علمي السيارات الجديدة بيفصلو فيها الفيوز للسلامة وكدا والظاهر مارجعوه او شبكوه غلط ومثل قلتلك اتواصل مع المدير ويعطوك سيارة بديلة وقت تصليح سيارتك وكمان خليهم يكتبو لك اي شي تم تغييره ف فاتورة عشان المستقبل لاقدر الله 


up 2 down 1
zax_makkah 207
قبل أسبوع و يوم



مشكلة الناس انهم يشوفون البهرجة الاعلامية الي تجي للسيارات وينخدعون بالمراجعات المدفوعة
، والكثير من الناس يشتكي وكلاء السيارات ويطرحون تجاربهم ولكن يبقى المستهلك يتجاهل كلامهم ويدافع عن المركبة (التي لم يملكها ولم يجربها)
حتى يطيح بنفس الفخ ويبدا السيناريو بتكرار




up 4 down 2
انت اخر امالي 692
قبل أسبوع و يوم



وكيل دودج  من أسوء الوكالات بالمملكة تعامل سيء جداً بالصيانة و الموتر وكالة كله 
مشاكل تكايات و الموتر جديد و الموتر عضلاته ضعيفه من جلد و مقصات انا 
طابة نفسي من الموتر اول صيانة دخلته و صدمو بالموتر بالصيانة اذا هذي بدايتها ينعاف 
تاليها ولا يطلع الموتر و يقول غيرنا الزيت وهو ما تغير أصلاً الزبده الموتر بعته جديد بنص قيمته



up 4 down 0



رح لفرع صيانه ثاني
ترا فرع عن فرع يفرق كثير
مع انها نفس الوكاله
وباذن الله لا رحت فرع ثاني غير هذا وشرحت لهم المشكله.. راح تتصلح ع الضمان.. لان هذا واجب عليهم
موفق ان شاء الله


up 1 down 0
ابوخالد1397 2540
قبل أسبوع



معروف وفاحت ريحته ^المتحده^ من ناحيه الصيانه ، خووي مطلع موتر ماشي بس 20 الف طقت المكينه و قالو له مكينه جديده بحدود 40 الف ريال

بالله عليك دوج حرام فيها ريال


up 0 down 0
ايدج14 60
قبل يوم و 11 ساعه