تشتري سيارتك كاش او اجار منتهي بالتملك ..

8 9

لايمكنك التصويت حتى الحصول على 20 نقطة على الأقل
إضغط هنا للإخفاء

ibrahim.5975 34
قبل 5 سنه و 3 شهر

السلام عليكم ورحمه الله وبركاته
موضوعي اليوم هو ( اشتري سيارتي كاش او اجار منتهي بالتملك) مع توضيح الظروف وكيف دراستها والنقاط الايجابية لكل رغبه
واعتذر الموضوع طويل شوي لكن لتسهيل عملية المشتري في المستقبل وعدم التشتت في اختيار فكره الشراء
عزيزي او عزيزتي المقبل لشراء السيارة جديده ركز معي في الموضوع
كثير تجي استفسارات ويقولك اشتري سيارتي كاش او ( اجار منتهي بالتملك ) وبقولك الحين وش الاختيار المناسب لك حسب كيف ظروفك مع اخذ بالاعتبار ( مد رجلينك على قد لحافك )
اولا فوائد السيارة الكاش
1- سيارة باسمك
2- القدرة على بيعها او نقلها أي وقت
3- السفر من خلالها الى دول الخليج بدون الحصول على تصريح ومن هالامور

وهنا نجي للاستفسار او النصيحة الي حاست نص شعبنا وحملتهم ديون
يقولك اشتري سيارتي اقساط ويجي ينصحه الاغلب ويقوله طلع قرض وخذ السيارة كاش واريح لك !! عزيزي صاحب النصيحة والمستفسر ركز معي
صح ان التمويل الشخصي اقل فأيده لكن خطأ كبير تطلعه لشراء سيارة والسيارة لا ترتبط بالقرض يعني لسمح الله لو بعتها بسبب ظروف التمويل الشخصي مستمر تسدده 5 سنوات
لو صار عليها حادث لسمح الله التمويل الشخصي مستمر 5 سنوات
لو انسرقت لو صار فيها عيب مصنعي واي شج من القبيل كلها مستمر معك القرض الشخصي 5 سنوات

واذا انت انسان مقتنع من الفكرة جدا ورافض الاجار منتهي بالتملك نصيحتي لك شج واحد بس
اول ما تشتريها من قرض تطلعه من البنك امنها تامين شامل اول سنتين وبعدها ضد الغير بتقولي ليش اقولك لان التأمين الشامل اول سنه ممكن يعوضك بقيمه السيارة لو صار فيها شي لسمح الله والشي يساعدك لاسترداد المبلغ الي دفعته للسيارة لو صار فيها شي

والفئه الي تطلع كاش هي الي تملك مبلغ في البنك مخزنه او وديعه وليس قرض شخصي هنا اقولك ايه رح وطلع السيارة الي تبيها حسب المبلغ الي معك
لان الاستفسارات ممكن توديك بداهيه لان كل شخص ولديه ظروف مختلفة عن الاخر عزيزي ولا تقيس دخلك بدخل زميلك او جارك او قريبك او حتى اخوك لان كل شخص ولديه ظروف شهريه ومبالغ اخرى

اما اذا كنت من الدخل المتوسط ولديك ظروف عزيزي نصيحه اخ اشتر سيارة منتهيه بالتملك حسب ظروفك
ولا تطلع سيارة بقرض شخصي وتروح تشتريها

وهنا نتكلم بطريقه مفصله شوي عن الايجار المنتهي بالتملك
فوائده
1- تأمين خلال مده العقد
2- امكانية التنازل عن السيارة وسقوط القرض الي عليك فورا وينشال من سمه
عيوبه
1- كلفه التأمين عالية
2- الفائدة تعتبر اعلى من القرض الشخصي
3- السفر لدول الخليج بتصريح من قبل البنك او الشركة

وهنا بكون صادق شوي (انا اشتريت سيارتين وحده كانت من بنك الاهلي ووحده كانت من الفرنسي ) بغض النظر عن اجراءات والتأخير في الطلب والتسليم
بتكلم عن مابعد البيع والله العظيم بدون مبالغه ماواجهت أي مشاكل من البنكين والي يقولك البنك الفلاني فيه وفيه عزيزي والله تنتظم بالسداد محد يكلمك ويقولك وين وماوين ويستقعدون لك فقط انتظم بالعقد الي وقعته
هنا بعض النصايح للي مستقبل على شراء سيارة عن طريق البنوك
1- لا تدفع دفعه اولى بقد ما تقدر يعني لو اضطرت تأخذ سيارة من شركه ثانية او تتخلى عن المزايا والمواصفات عشان القسط يتناسب معك لان الدفعة الاولى داخله بقيمه السيارة ولو لسمح الله صار تالف ورجعتها للشركة واسقطوا التمويل عنك ما يرجعون لك الدفعة الاولى واستغرب من الي يدفع دفعه اولى عالية انتبه عزيزي
2- ابحث عن نسبه الفايد الاقل لان اغلبهم نسبة التأمين وحده
3- اغلب البنوك خدماتهم بعد البيع وحده يعني يحتاج منك اهتمام في التسديد فقط وامورك في السليم
4- حط في بالك انه التزام 5 سنوات مهما كانت الظروف عشان كذا ركز ان يكون قسط السيارة متناسب مع دخلك ومكن اقل لان في حال التنازل تسهل الحصول على شخص يتقبلها منك بسبب قسطها

بالنهاية عزيزي واعتذر عن الإطالة الايجار المنتهي بالتملك هو افضل في حال انك ما تملك كاش في البنك (ركز في النقطة ) اما لو تملك ولديك القدرة توكل على الله واشتر

اما الاقساط من البنك حسب وظيفتك ومكانتك ونسبة بنكك يمكن تطلع 150 الف وترجعها 170 الف ولو سويت تأمين للسيارة شامل 5سنوات بتشوف الفرق يمكن 10 الاف وممكن ازود شوي لكن ما ودي اتشعب زياده بالحسبة

اذا بشتري لابنك او بنتك الله يحفظهم خذها اجار منتهي بالتملك بغض النظر وش السيارة ووش يسمح لك البنك في القسط والأمور لكن افضل منها تأمين للسيارة والسائق يحس بشوي مسؤولية ان السيارة ملك للبنك وليس لأبوه والشي يخليه يحرص شوي وينتبه وكشخص مبتدئ بتواجه بعض الحوادث الطفيفة لسمح الله والشي ترتاح منه في التامين اما لو شريتها كاش بقرض شخصي من البنك بتواجه الي كتبته فوق

اعتذر طولت عليكم لكن حبيت اعبر عن هالشي الي كثير اقابل ناس زملاء او اصحاب او حتى من الاهل يستشير بشراء سيارة ويكون ردي له نفس الكلام الي فوق وحبيت اشاركم اياه واتمنى نشرة لاي شخص سألك وبيحصل مبتغاه

شاكر ومقدر لكم

إبلاغ

الردود