ما رايكم بمعارض سيارات الدمام و الخبر

من يقدر دلني جزاه الله خير

وش تبي بالضبط تبي تقيم ولا تبي تسولف ولا بتشتري

الغشاش والزين موجود بكل مكان مافي قاعدة لمنطقة معينة عليك يكون عقلك معك وانت تشتري وتفحص زين وتبعد عن عذب الكلام من البايع

اهم شي اذا بتفحص انت اختار محل الفحص لا تخلي البايع يختار بكيفه

اذا بتشتري مستعمل لمدة أسبوع يوميا اطلع المعارض بتحفظ وجيه الشريطيه تبي تسلم لا تشتري منهم لو تشوفها تلق افضل مستعمل تشتريه من المالك مباشره

عند الشراء لاتثق باخوك اعجبتك سياره وقالك صاحب السياره عندي محل فحص ممتاز لاتثق فيه واذا صاحب المعرض قالك بيروح معك العامل لاتثق فيه لان اغلب محلات الفحص يعرفون ان هذا العامل من المعرض الفلاني واذا فيها شي قالولك مافيها شي
فاذا نويت تشتري خذ السياره للفحص لوحدك واذا سالك حقين الفحص من اي معرض قولهم من البرحه ولازم تاخذ فاتوره مختمه من الفحص علشان اذا طلع فيها شي يتحمله محل الفحص
اساليب الغش كثير الله يكفانا شرهم

رأيي لاتثق بأي احد نهائياً . مهما حلف ومهما قال . من جميل الكلام المعسول.
____________________________________________
1- لاتثق بأي معرض .ولاتنخدع من نظافة ظاهرية للسيارة .
2- خذ السيارة للخضرية بالدمام او الفوازية بالخبر . مركز فحص كبير 400 ريال شامل. بالتقرير.
3- لاتخلي اي احد من المعرض يجي وياك .. عطهم تأمين 500 ريال.فقط.
4- اساليب الغش والاحتيال كثيرررررة. فأحذر .؟؟؟؟؟؟

ياالغالي الغش فى كل المجالات  وفى كل مكان موجود سوا فى السيارات  اوالعماير اوالاجهزه 
الاهم هو انك ماتثق فى احد مهما شفت شخصيته شايب كبير صغير خذ السياره وافحصها فحص شامل واذا دلك على محل فحص لاتروح له رح لواحد ثاني ممكن يكون بينه وبين المحل اتفاق واكيد اذا كانت السياره مستخدمه بيكون فيها عيوب انت شف اذا مشاكلها بسيطه توكل على الله وخذها واذا والله قويه مكينه قير شاص ارباقات قله مابيها والله يوفقك ويرزقك بموتر الي خاطرك فيه 

ممتازة فكرة الحصول على تقرير مختم او فاتورة مختمة من الفحص جزاكم الله خير

لكن عند وجود أعطال قوية من يتحمل يتكلفة الفحص يعني المفروض تكون مسؤولية صاحب السيارة او المعرض؟

صاحب السياره اذا قالك على الشرط اما اذا قالك افحص التكلفه عليك