سؤال عن افضل واسرع طريقة لبيع سيارة

اعرضها في موقع حراج او نزلها المعارض حراج تنباع وانت واقف

حسب نوع السياره ونظافتها وممشاها وكل شي

صورها من كل مكان
نزلها بموقع حراج
ادع ربك ان الله يسهل بيعتك ويسخرها واطلب ربك
اهتم بالتفاصيل لان المشتري يهمه ويقراها بتمعن
حط سعر مناسب لك .. لا ترفع السعر وتطمع ولا تنزل السعر تحتت عشان تروح بسرعه
افحصها بنفسك في المحلات المعتمده وخل ورقه الفحص المعتمده معك لتسهيل عمليه المشتري ويرتاح اكثر

هذي اهم النقاط عشان تنباع سيارتك بسرعه
ملاحظه : اذا جاك زبون يختلف عن حدك من الف الى الفين او 2500 توكل على الله وبعها له

تبي تبيع بأسرع طريقة وانت مغمض نقص من قيمتها ٨٠ بالميه يعني اذا تسوي ١٠٠ الف اعرضها ب٢٠ الف وصدقني ماتجلس دقايق والا هي مبيوعة هذا انت تبي تبيع بسرعة

الانسان الصادق بيبيع بسرعه والله بيوفقه 

مثلا تشوف غيرك يسوي طبقة نانو للسياره وهي فيها مشالخ عشان وقت البيع ماتبين الا بعد ثلاث شهور 

بينما انت تصدق وتنزلها بحالتها وتذكر كل مافيها والله العظيم ان توفق ف بيعتك 

انا اشوف ان الصدق والنيه الصافيه هي الاسرع 

تعالي خاص اسويلك اعلان بالسناب وحراج واذا بعته لي عمولتي

يوم الجمعة بحراج السيارات بالساحة وخل الدلال يدلل عليها قدام العالم ,,, لكن ترى ماراح تجيب لك السعر الطيب . . . . .

وفيه طريقة ثانية وهي إنك تروح لأفضل وأكبر معرض موجود عندكم . . . .

لأن بعض اصحاب المعارض ماشاء الله عليه تلقاه يعرف 500 شريطي يصرفون اللي عنده . . . .

وكل عصرية تلقى عنده على 10 و 20 شريطي يتقهون عنده . . . . يعرض سيارتك عليهم . . .

غير إنه حرك ماشاء الله عليه يتصل على ذا ويتصل على ذا وبيومين وهو بايعها . . . .

أما بعضهم عز الله تجلس عنده على اسبوعين و 3 وهي مانباعت . . بسبب إنه مايعرف غير 3 - 4 شريطية بس . . . . .

وكل اخوك مثلا اوصديقك وخله ينزلها المعارض أكثر من مره لين تجيب سعر مناسب لك وبعها وخل اخوك اوصديقك يسوي المبايعه وكل حاجه وانت بس تجي توقع وتتوكل علئ الله كذا انت مااشغلت نفسك

قارن فئة سيارتك وموديلها ونظافتها بمثيلاتها بالموقع واسعارها
وحدها بمبلغ معين لا تحط سومات

وبين كل عيب فيها وايش تحتاج اعطي فكره للشاري عنها



طبعاً الاعلان بيكون بنفس الموقع (حراج)

ويومين بالكثير وهي بيعت

باختصار راح تتحطم من السعر اذا بتبيع بسرعة اعلن عنها
وكلم خوياك من اللي يبغاها بعد شرحك للسيارة لهم وانتظر لين يجي رزقها
السرعة في البيع يعني صيدة للمشتري وانت شوف وش المناسب لك

ارسلها علي وسوي تفويض من موقع ابشر ومالك الا ابيعها لك
بافضل سعر اذا سيارتك نظيفه وخاليه من الحوادث
اما اذا فيها حوادث فلازم اوضح هذا الشي للي بيشتريها
وجميع العيوب