المدة المحدده للمطالبه وايقاف الخدمات

والله انا ياغالي صار لي موقف مثلك ضربت حفرة وتضررت الجنطين وتكسرت وكلمت المرور واعطوني خطاب للبلدية حتى خطابهم ماخلص الا بعد طلعة روح وروحت البلدية وحولها لقسم الخدمات بعد اسبوع وجلست اطاردهم فيها 7 شهور الى درجة اني نقلت من المنطقه اللي حصل فيها المشكله وموضوعي مانتهى من عندهم الله لا يسامحهم وبعد سنة ونص تقريباً اتصل علي موظف البلدية وقال مالك تعويض عندنا بسبب انا مافيه بند يعوضونك بسبب الحفر في الطريق وقلت له طيب تسوون لي خطاب بالكلام هذا انكم مابتعوضوني قال ابشر مر علينا ونسوي لك قصدي اروح اشتكيهم في ديوان المظالم ولكن فكرت فيها يبي لي اسافر مره ثانيه لعندهم وبتكلفني شكوى وجلسات في المظالم وسفريات كل مراجعه وبطلع خسران هههههههههه
فتركت الموضوع ولكن العوض من الله وسبب عدم متابعتي للموضوع عشان نقلت من عندهم والا لو فاضي لهم وباقي بنفس المنطقه قسم لانشب في حلوقهم فحبيت اعطيك تجربتي 
انا سمعت فيه ناس طالبوا وعوضوهم وانت لا تترك حقك وانا اخوك فمثل ماعلمتك لولا نقلي من عندهم كان ماتركتهم وعسى الله يكون في عونك ويعوض عليك 

انا خلصت كل شي من المرور والامانة لكن ابي اعرف المده المحدده لتعويض من المقاول
لني جلست من رمضان الى قبل العيد الاضحى وطلعت اسم المقاول وامس قدمت مطالبتي للمقاول

لو فيه مدة كان قالوا لك وحددوا لكن واضح إن الموضوع حسب مزاج المقاول . . . . .

تلاقي الحفرة موجودة الى الان ،،، 

المقاول فايدته من المشروع الواحد حوالي ١٠ مليون وتعويضك ماراح يتعدى ٢٠٠٠ او ٣٠٠٠ ريال 

وبيعوضك وبتبقى الحفره ااكيد بمكانها 

المشكلة ان الشركة عليها مطالبة فوق المليون ريال

بتتعب على الفاضي حرامية

راح يتم الصرف لكن على حسب نشبتك لهم

واحد من الشباب صار كل اسبوعين يراجعهم لين قاله الموظف خلاص خذ دراهمك وفكنا يقول يتبعون سياسة التطفيش لكن كل اسبوعين راجعهم وبلغهم يحددون لك مدة سواء شهر او شهرين

هذا الي بيصير انا قلت للموظف كل اسبوع بتشوفني

شوف اخوي انا اشتغلت في شركه مقاولات واقولك هالكلام من تجربه

بسبب ضعف او عدم توفر السيوله شغلهم في الامور يعتمد الماليه يعتمد على التصريف والمماطله والتطنيش تحس مع الوقت انك تشحت حقك منهم

نصيحتي خلك من المدير او الاداره وانشب للمحاسب هو الي بيده الامور الماليه والشيكات لان المحاسب بمجرد مايسوي الشيك يوقع عليه المدير بنفس اليوم وتستلمه على طول

وزين ماسويت انك قلتلهم بتجي كل اسبوع

شغلهم في الامور الماليه*