أضف سؤال أو موضوع جديد          

صوت حكحكه وقربعه و رجه في الالنترا والحل قطعة صغيرة

up 14 down 3
ms3al 1691
قبل 3 أسبوع و 4 يوم



سلام عليكم ورحمة الله وبركاته
صبحكم/ مساكم الله بالخير
القصة يا اخوان اني بعد اجازة عيد الحج مباشرة رايح مشوار خاص بالمؤسسة واضطريت اخذ سيارتي طلعت فيها( للمعلومية سيارتي النترا 2015)
في الطريق قابلتني حفرة
الحفرة جايه على لفة واكلت الحفرة والحمدلله وقدر الله وما شاء فعل وانشق كفر السيارة
ركبت الاستبنة ورجعت المؤسسة ووفروا لي سيارة اطلع فيها
اليوم الي بعده طلع لي صوت طقطقة خفيف جاني وانا اخذ يوتيرن وراح معد رجع
اليوم الي بعده الصوت رجع الصباح بس خفيف وراح
وانا راجع من الدوام الظهر ولا الصوت رجع وصار مستمر
المغرب خرجت بالسيارة الصوت صار اقوى واقوى وديتها ورشة
شيك على العكوس والجلد والمقصات واليايات الوضع في العضلات كله سليم
طلع معاي وسمع الصوت طق طق طق طق طق قالي لي ذا رمان وانا انزل عامل الورشة
ولا في صوت جديد حيط حيط حيط حيط زي صوت الحديد الي يحك في بعضه زاد على الصوت رجه وكل مالها الرجة تصير اقوى
رحت اكثر من ورشة كلهم يقولوا ما نعرف لها الصوت نسمعه بس ما نقدر نكتشفه وفي بعضهم افتى وقال جلد عكوس والي قال مدري ايش
وكل واحد اتفق معاه اقوله انا اغير ما عندي مشكلة لكن لو ما تصلح ما اعطيك ريال يصير يتهرب ويقول ماني متأكد هل هو منها ولا لا
رجعت لأول واحد قال لي رمان
واتفقت معاه نفس الاتفاق قلت له لو ما تصلح ما اعطيك ولا ريال
قال تم واشتريت رمان اصلي ب 115 ريال ورحت له ونزل العدة كلها فك الهوب والفلنجة وطلع الرمان
الكور حقت الرمان لقيتها طالعه من محلها
والدنيا معدومة جدا

للمعلومية الصوت يطلع سواء داعس فرامل او ماشي عادي
الصوت مستمر مع دوران الكفر .
غيرت الرمان ورجعنا القطع الفلنجة والهوب والكليبر وركبنا الكفر وطلعنا نجرب السيارة

الصوت ما شاء الله اختفى تماما حتى بعد ما ركبه خفت انه ما يضبط لأنه اخر شي اتوقعه هو الرمان خصوصا انه في صوت حكحكه حديد في بعض
ورجة بس الحمدلله الصوت اختفى بأقل التكاليف
وصحيح ترا ما كان في صوت( ووووووووووووو ) الي لما تسمعه تكون متأكد انه رمان وهذا الي لحس مخي والغريب العجيب في الموضوع الصوت احسه في الجهه اليسار
بس الخربان طلع اليمين
وبس والله وسلامتكم هذي كانت تجربتي لأني بحثت في الانترنت عن شخص واجه نفس المشكلة ما لقيت فلعل هذا الموضوع يكون مرجع له ان شاء الله
ونسأل الله ان يكفينا شر الحفر والمطبات والحوادث







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


بارك الله فيك ماقصرت لطرح تجربتك


up 0 down 0
ابو عبدالله احمد 3453
قبل 3 أسبوع و 4 يوم



طيب اني عندي صوت وووووووووو زي الونة والسيارة فورد فيوجن وش السي
بب


up 1 down 0
algene13 6
قبل 3 أسبوع و 4 يوم



وعليكم السلام

ليتك اتصلت على نجم وقتها وتاخذ حقك من المقاول


up 0 down 0
yahya alajlani 674
قبل 3 أسبوع و 4 يوم



هذي المشكلة انا جوالي نسيته في المكتب وابغا ارجع اشيل الجوال فقلت بجي من ورا المؤسسة وارجع للباب الرئيسي وطحت في الحفرة هذي ما معاي جوال ادق نجم ولا انا كنت ناوي اتصل
بس الحمدلله جات بسيطة
لعلها خيره


up 1 down 0
ms3al 1691
قبل 3 أسبوع و 4 يوم



لايك +1 على نشرك للمعرفة


up 0 down 0
نديم الطيف 171
قبل 3 أسبوع و 4 يوم



الله يجزاك خير


up 0 down 0
m7md 33 1048
قبل 2 أسبوع و 6 يوم



مشكور على نقل التجربه ... صوت الرمان الي تقول عليه ( ووووووو ) هذا يطلع مع العمر ونقص الشحم بعد مسافاات طويله وهالنوع لو يتشحم باستمرار

مايطلع هالصوت الا بعد فترات اطول بكثير ... لكن صارت الرمانات مقفله من المصنع بدون مشاحم

لكن انت مشكلتك ان الرمان تكسرت اجزاءه الداخليه (الكور او الاسطوانات الصغيره ) وصار الصوت مختلف ... للملاحظه فقط بحكم اني اتعامل مع الرمانات كثير


up 0 down 0
abdullah.ags 391
قبل 2 أسبوع و 3 يوم