أضف سؤال أو موضوع جديد          

دخل موية بالسيارة

up 1 down 0
ابو خالد .11 3
قبل 2 أسبوع و 6 يوم



السلام عليكم 
سيارتي سوناتا موديل 2011
اليوم جيت من الجبيل 
 وقفت عند البيت 
وبعبي قرب الموية ناقصة والمساحات 
ورشيت ع الماكينة موية ع الخفيف 
المشكلة عندي علبة فلتر الهواء العلبة فيها كسر بسيط
اللى توصل لبوابة الهواء الثروتل 
دخل موية بكمية كاسة شاي او اكثر شوي 
ماتتجاوز علبة موية ام نص 300 مل بالكثير
حسيت بصوت السيارة تغير خفيفة ولمبة الماكينة
وعلى طول طفيت السيارة 
وش اسوي وش الطريقة 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


غير الزيت حق المكينه مع الفلتر وشغلها خلها لين ترجع طبيعي وامش عليها ماعليها ان شاءالله  
وانت برضو القربه حقه الهوا كيف تخليها مكسوره وتمشي عليها المكينه كذا تسحب التراب والاوصاخ  كذا يقلل من عمر المكينه 
غير القربه من التشليح رخيصه او ودها محل الفيبر يسوي لها لحام ماتكلفك 20 ريال بيجيك الشتاء والامطار وتخليها مفتوحه كذا والله تخبط من اول مطره 


up 1 down 1
fhody44 874
قبل 2 أسبوع و 6 يوم



الله يعطيك العافية ماقصرت المشكلة ماصارلها مكسورة وانتظر الراتب ازينها 


up 0 down 0
ابو خالد .11 3
قبل 2 أسبوع و 6 يوم



فهودي لاعلاقة لتغيير زيت المكينة بما حدث
الماء راح يدخل في غرف الإحتراق وليس مناطق التزييت وبحكم أن الماء لايقبل الإنضغاط والإحتراق فيؤدي لإنعواج عمود البستم

أنصحك بالاتي
إفتح البواجي ودخل إنبوب وإسحب الماء من داخل البستم وإذا توفر لمبه ممدوده تدخلها داخل البستم عشان تشوف هل يوجد ماء في البستم أو لا وكذا تعرف أي بستم دخله ماء عشان تسحبه بالشفط


up 0 down 0
ابو كاظم دوت -12
قبل 2 أسبوع و 6 يوم



اللمبة الممدودة يحتاج كاميرا عشان تشوف ولكن تقدر تدخل غنبوب وتسحب من جميع البساتم إذا لم تتوفر


up 0 down 0
ابو كاظم دوت -12
قبل 2 أسبوع و 6 يوم



م يحتاج يفتح شي هي تنظف نفسها بنفسها بس فك الفلتر ونشفه واذا قدرت تفك البلاستيك اللي جنب الرديتر وتنظف وبس ترجع مثل ماكانت وغير الفلتر


up 2 down 1
7amood1930 232
قبل 2 أسبوع و 6 يوم



ياجماعه كان معي كرايسلر 2005 خشيت فى مويه كان وقت مطر والموتر بعدها صار يتفتف ويطلع دخان اسود فتحت غطاء الزيت حصلت معه زي الرغوه غيرت الزيت مع الفلتر وغيرت فلتر الهوا وخليتها شغاله قريب الساعه ماشاءالله صفت المكينه طبعا انا خاش مويه كثير المويه واصله نص باب السواق 


up 1 down 0
fhody44 874
قبل 2 أسبوع و 6 يوم



اسحب عيار الزيت وشوف هل الزيت نظيف ولا مخلوط بماء

فك البواجي ودق سلف حتى يطلع أي ماء موجود في غرف الاحتراق

ركب طقم بواجي جديد وشغل السيارة واطلع فيها مشوار حتى تصفى المكينة


up 0 down 0
مفقود 808
قبل 2 أسبوع و 5 يوم