فلتر الزيت وفلتر الهواء وفلتر المكيف من وين تشتريها
1
0
إضغط هنا للإخفاء
بالخير يالربع
اول كنت أشتري فلتر الزيت وفلتر الهواء للمكينة وفلتر المكيف من البنشر لكن شفت الناس يقولون أنها ماهي أصلية وأنها تسبب ضرر للمكينة ولاتفلتر زين فرحت لمحلات قطع الغيار ولقيتها أرخص من البناشر ، كنت أشتري فلتر زيت هونداي النترا ب ٢٥ ريال وفمحلات القطع حصلته فقط ب ١٠ ريال كوري ولكنه حق كيا ويقولون يركب وبالفعل ركبته أما فلتر المكيف غالي لقيته ب ٦٥ ريال كوري هونداي وايضا اخذت فلتر هواء للمكينة نيسان فتك ب ١١٥ يقول وكالة أصلي وفلتر زيت نيسان يقول اصلي ب ٢٠ ريال من محلات قطع الغيار في صناعية العاصمة ٢٨ ومارحت الوكالة الي يعرف اختلاف او اسعاره بالوكالة يفيدنا والفايدة للعموم وبحط الصور وسلامتكم .
إبلاغ
الردود
0
0
مليان مغشوش ومقلد بالمحلات
0
0
و الأسبوع اللي راح اخذت فلتر كيا الزيت من الوكالة الجبر ب 18 ريال
0
0
فلتر الزيت سعره 10 وفي محلات يبيعونه اغلى على حسب المحل وفلاتر هوا قيمته 35 الاصلي
0
0
لذلك اشتريها من محل قطع غيار او وكاله افضل...لو التجاري كان سيء بتروح فيها المكينه وتكلفك كثير لاقدر الله
0
0
ماعاد فيني اروح الصناعيه لاكن من كثر ماشفت وسمعت ناس
خبطت سياراتهم بسبب فلتر او زيت مغشوش صرت اشتري من القطع
اضمن لي والحين لي سنه او اكثر اشتري الزيت مع الفلتر من قطع الغيار
واروح اقرب بنشر واغير عنده وانا مرتاح الفلتر عنده ب25 او20ريال
وبالوكاله ب10ريال او11ريال والزيت عند البناشر ب18 وبالقطع ب16او15على حسب نوع الزيت
بس اذا جبت الزيت والفلتر من برا وجيت للبنشر يغير لك زيت يتغلى عليك مايغير لك الا ب30ريال او25ريال
0
0
الوكالة أو محلات قطع الغيار تضمن إنك تأخذ قطع أصلية وسعرهم أفضل من البناشز
بناءً على تجربتي مع فلاتر تويوتا
قبل 5 سنه و 3 شهر