أضف سؤال أو موضوع جديد          

فلتر الزيت وفلتر الهواء وفلتر المكيف من وين تشتريها

up 1 down 0
جبال معانيق 271
قبل 3 أسبوع و 4 يوم



بالخير يالربع 
اول كنت أشتري فلتر الزيت وفلتر الهواء للمكينة وفلتر المكيف من البنشر لكن شفت الناس يقولون أنها ماهي أصلية وأنها تسبب ضرر للمكينة ولاتفلتر زين فرحت لمحلات قطع الغيار ولقيتها أرخص من البناشر ، كنت أشتري فلتر زيت هونداي النترا ب ٢٥ ريال  وفمحلات القطع حصلته فقط  ب ١٠ ريال  كوري ولكنه حق كيا ويقولون يركب  وبالفعل ركبته أما فلتر المكيف غالي لقيته ب ٦٥ ريال كوري هونداي  وايضا اخذت فلتر هواء للمكينة نيسان فتك ب ١١٥ يقول وكالة أصلي  وفلتر زيت نيسان يقول اصلي ب ٢٠ ريال   من محلات قطع الغيار في  صناعية العاصمة ٢٨ ومارحت الوكالة الي يعرف اختلاف  او اسعاره بالوكالة يفيدنا والفايدة للعموم  وبحط الصور وسلامتكم .














إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


صحيح 
الوكالة أو محلات قطع الغيار تضمن إنك تأخذ قطع أصلية وسعرهم أفضل من البناشز
بناءً على تجربتي مع فلاتر تويوتا 


up 1 down 1
الشاليه الفضي بريدة -3
قبل 3 أسبوع و 4 يوم



حتى لو الوكالة أغلى لا تشتري أي فلتر من البناشر


up 0 down 0
مفقود 809
قبل 3 أسبوع و 4 يوم



فلتر الزيت تحديدا لا تشتريه الا من الوكاله

مليان مغشوش ومقلد بالمحلات


up 0 down 0
almuhands 228
قبل 3 أسبوع و 4 يوم



فلتر النيسان الزيت آخذه من ون ستوب ب 30 ريال و اصلي مثل هذا اللي في الصورة حق سيارتي باثفايندر
و الأسبوع اللي راح اخذت فلتر كيا الزيت من الوكالة الجبر ب 18 ريال


up 0 down 0
بدر الباثفايندري 1081
قبل 3 أسبوع و 4 يوم



ي رجال الكوري اللي شريته بقيمة الاصلي بمحلات قطع الغيار

فلتر الزيت سعره 10 وفي محلات يبيعونه اغلى على حسب المحل وفلاتر هوا قيمته 35 الاصلي




up 0 down 0
7amood1930 214
قبل 3 أسبوع و 4 يوم



بما اني استخدم نيسان فانصح بالابتعاد عن فلتر زيت المكينه الي بالبناشر اغلبها تجاري خاصه للنيسان وتجي باسماء غريبه بس الشكل واللون تقول اصلي

لذلك اشتريها من محل قطع غيار او وكاله افضل...لو التجاري كان سيء بتروح فيها المكينه وتكلفك كثير لاقدر الله


up 0 down 0
abdullah.ags 391
قبل 3 أسبوع و 3 يوم



انا كنت اشتري من البناشر مثل زيت وفلتر الزيت كلها كسل 
ماعاد فيني اروح الصناعيه لاكن من كثر ماشفت وسمعت ناس 
خبطت سياراتهم بسبب فلتر او زيت مغشوش صرت اشتري من القطع 
اضمن لي  والحين لي سنه او اكثر اشتري الزيت مع الفلتر  من قطع الغيار 
واروح اقرب بنشر واغير عنده وانا مرتاح  الفلتر عنده ب25 او20ريال  
وبالوكاله ب10ريال او11ريال والزيت عند البناشر ب18 وبالقطع ب16او15على حسب نوع الزيت 

بس اذا جبت الزيت والفلتر من برا وجيت للبنشر يغير لك زيت  يتغلى عليك مايغير لك الا ب30ريال او25ريال 



up 0 down 0
سبحان الرازق سبحانه 2479
قبل 3 أسبوع و 2 يوم