أضف سؤال أو موضوع جديد          

احذر من زيت تويوتا الازرق 10w40

up 9 down 1
MR.AHMED 60
قبل 2 سنه و شهر



اخواني الكرام حبيت انقل لكم تجربتي بزيت تويوتا الازرق 
10w40 نص تخليقي سعره العلبه 35 ريال عند قطع غيار ابو جميل 

من شريت سيارتي من الوكاله وهي نوع كامري 2017  يحطون لي هذا الزيت 
الى ان مشت 75 الف كيلو وانا خانق المكينه بهذ الزيت الرديئ الغالي .
وبعد ماشفت كتالوج السياره وشفت انواع الزيوت الي تناسب سيارتي تفاجأت 
بان الزيت الي يحطونه الوكاله والي يسوقونه للكامري وغيره مايناسب للكامري وغير مذكوره لزوجته بالكتالوج وبعد ما ناقشت السوداني بها الكلام قال عادي ومايضر السياره 
قلت عادي عادي انتم ابخص واستمريت على الزيت للاسف اغيره بهذا السعر المكلف  وانا مو مقتنع فيه 
لكن اقول مش حالك كله زيت .
بعد فتره يوم مشت سيارتي 75 الف 
صرت اذا شغلت السياره بالصباح تشتغل طبيعي بعد شوي ينزل امبير الضغط وترجف المكينه 
ومرات وانا واقف الظهر ومشغل المكيف نفس الشي تسوي 

فقلت ياحبيبي لازم اغير نوع الزيت فتحت الكتالوج وشفت انسب زيت للسياره ومع الرسم البياني لاحظت 
ان لزوجة 5w30  انسبهم 
توكلت على الله ورحت لزيوت الجمله وقلت ورني الزيوت الي عندك لزوجة 5w30 تخليقي بالكامل 
ووراني تقريبا اكثر من 5 شركات ومع المشاورات قررت اخذ شركه معينه قلت نجرب ونشوف 

والله ياشباب اني يوم غيرت الزيت تغيرت السياره كلياً علي 
حسيتها صارت تتنفس وهاديه وبسرعه تستجيب الدعسه 
وغيارات القير صارت ناعمه وصوت المحرك صار هادي ونتعة القير راحت 
اول القير يستهبل بالغيارات وينتع مرات ومرات يرد نمره اختفت كلياً لي الان 1000 كيلو ماشي على الزيت الجديد
والحمدلله مافيه اي ملاحظات 
وتخيلو فرق السعر بكم اخذت العلبه 
ب21 ريال فقططط وتخليقي بالكامل ومناسب لسيارتي والمصنع الام يقول حط اللزوجه هذي 
بما اني كنت اغير بسعر 35 ريال للعبه ونص تخليقي وغير مناسب  للسياره حسيت بالقهر صراحه لكن الحمدلله على كل حال .

الي سيارته كامري انصحه بهذي الزيت وهذي الزوجه جرب واحكم وعطني رايك 

اسف على الاطاله حبيت ان اقدم لكم تجربتي عسى تنفع احد غيري 
والسلام عليكم ياحلوين . 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اغلب السيارات الجديدة مايناسبها الزيوت القديمة 


الان اثقل لزوجه ممكن تناسب السيارات 

5w30 

مثل عندك الكامري الجديدة 

المطلوب لزوجة 16w30 الى 5w30 المسموح لك 


up 2 down 0
الـعــنـزي 57
قبل 2 سنه و شهر



 عفوا

لزوجه  0w16 الى 5w30


up 1 down 0
الـعــنـزي 57
قبل 2 سنه و شهر



جميع السيارات اليابانيه والكوربه الموديلات الحديثه الافضل لها 5w30 وبالذات الكوري .... الوكاله ليست صانع لكي نطبق توجيه لها في موضوع زيت مثلاً يتم تسويقه كل سنه عن طريق مورد يتغير بأي وقت هي مجرد مسوق لسياراتها ومعالجة أخطاء مصنعيه إن كانت موجودة... تعليمات الصانع وضعها لك في كتالوج السيارة وكتب لك في أول صفحة( إقراء بعناية ) ... قريب لي يملك جكسار ٢٠١٨ ٨سلندر يضع زيت تويوتا 20w50 اقول له هذا تصنيف قديم ولايناسب مكينة السيارة ... يقول مكتوب إستكر على القزاز أستخدم زيت تويوتا الأصلي أهمل تعليمات الصانع وركز على استكر وضعه المورد... هههههههههه


up 7 down 0
راضي بقربك 213
قبل 2 سنه و شهر



قاعده مهمه
بعض الوكالات ما يعرف انسب
قطع لسياراتهم .... اذا ما عرفوا
مييييين يعرف ...؟؟؟ والله
وكالات الفلس


up 7 down 0
لا للغلاء 828
قبل 2 سنه و شهر



الزيت الأنسب للسيارات الجديده 5W20 أو 5W30
للأسف عندنا الوكالات تضع الزيت الأرخص

زيت براميل ويعضها لايمكنك رؤية السياره أثناء الصيانه لهذا السبب !


up 7 down 0
jakwar2004 437
قبل 2 سنه و شهر



بالضبط يا جاكوار الوكاله تعرف وش الصح  والانسب والافضل للسياره ويعرفون توصيات المصنع 

لكن اهم شي عندهم الربح ويكون هامش ربح دبل التكلفه بعشرات المرات 

مثل  تويوتا لو تلاحظ عندها ثلاث زيوت فقط 
الازرق لتيوتا السيدان 
والذهبي لكزس 
والرمادي للجيوب الدبل 

بحيث تحاول تجيب لزوجه تمشي على جميع السيارات وجوده رديئه وتجيب بالبراميل  وبسعر اغلى من الزيوت الممتازه 
يعني فوق شينهم قوات عين .


up 4 down 0
MR.AHMED 60
قبل 2 سنه و شهر



أخي الغالي لازم تشيك كل أسبوع ع عيار الزيت
طول منت معبي هذا الزيت لأنك غيرت من ثقيل لخفيف



up 1 down 2
نوار الوذيناني 510
قبل 2 سنه و شهر



ابعدو عن الوكالات لانهم مايفكرو بسيارتك يفكرو بالفلوس
والا بالعقل مصانع السيارات كلها توصي بزيوت ذات لزوجة منخفضة تبدا من
0w20 وتنتهي باعلي شي5w30 وبشرط يكون تخليقي. لان مجاري الزيت ضيقة وطرمبة الزيت ماتدفع الزيت الثقيل


up 2 down 0
ابومعتز2019 390
قبل 2 سنه و شهر



انا اغير الازرق ومعي برادو 2018
وما لاحظت شي
وعموما ترا سعره بالجملة ب19.5 اخذه بالكرتون انا




up 0 down 1
meshal alharbi 341
قبل 2 سنه و شهر



اخوي مشعل 
شف كتالوج سيارتك اذا هي تقبل لزوجة 10w40 معناته مناسب 
لكن انصحك تغيره وتشوف الفرق + الرخص + جوده 

تاخذ افضل منه بالجمله بتطلع عليك العلبه ب11 ريال بدال 19 


up 1 down 0
MR.AHMED 60
قبل 2 سنه و شهر



الأساس ماتحط الا اللي مسجل عندك في الكتالوج وغالب السيارات الحديثة
ينصحون بالزيت التخليقي الكامل والخفيف وظيفتة الآن تبريد وتنظيف ولزوجة المحرك
ويفيد ايضاً في العزم وتقليل صرفية الوقود

فإذا عرفت اللزوجة المناسبة فأبحث عن الشركة الموثوق بها وتصنيفها عالي 
وأنتبة من الزيوت المغشوشة


up 1 down 0
خالدkhaled. 156
قبل 2 سنه و شهر



ياعزيزي الوكالات ماهمها سيارات الزبائن

هم ماشين على العقود المبرمه بينهم وبين شركات الزيوت

حتى لو ظربت مكينتك بسبب الزيت مثل ماصار بسوناتا

قالوا سوء إستخدام ردوها على راس الزبون وطلعوا منها مثل الشعره

ولاتقدر تشتكي ولاتطلب حقك




up 2 down 0
aboahmed2014 1168
قبل 2 سنه و شهر



الخلل مو لزوجة الزيت 
الخلل في نوعية الزيت 
افتكر زيوت تويوتا تصنع في معامل موبيل ابسكو
احسن مافي طرحك عدم تسويق لشركة الزيوت 
وفتح الكتالوج 
بالتوفيق 



up 0 down 0
قصي 1111 7
قبل 2 سنه و شهر



صحيح المحركات الجديدة حساسه لنوع الزيت
وتتطلب لزوجات محددة الكثير يغفل عن هذي المعلومة ومستثقل 
يفتح الكاتلوج واذا خرب موتره قال والله هالسيارة مافيها جودة شكرا 
انها صبرت عليك وعلى جهلك بالمعلومات الصانع ماحط الكاتلوج عبث 
والسوق مليان بالزيوت وفيه من هاللزوجة تخليقي بالكامل عند شركة بترونايز 
وبسعر معقول والطلب عن طريق متجرهم بالنت متحملين ضريبة١٥٪؜


up 0 down 0
هاوي707 229
قبل سنه و 2 شهر



كنت احط تويوتا 20-50 وحسيته ثقيل عليها والان غير 10-40. لاول مره
بس لشوف لما اوصل الف كيلو كيف بيكون الوضع


up 0 down 0
ابوعبدالله5442
قبل 3 شهر



كم مره شغلت يطلع طقطقه مع بداية التشغيل وش ذا الصوت؟؟


up 0 down 0
ابوعبدالله5442
قبل 2 شهر و 4 أسبوع