رايكم للوالد فورد فكتوريا2011

الله يخليه لكم ويطول بعمره

والله اشوف الاسعار غالية اخوي

الاسعار جدا غاليه

شكلها قديم من عام 98 وحنا في ابواب 2020 يعني كانه شاري سياره مر عليها 22 سنه بس نظيفه
لو تشوفله توريس افضل

وفقت بالأختيار
الفورد موتر كفو
والله يطول لك بعمره ويخليكم لبعض
عزالله خير أختيار الفورد ماشاء الله مكده وصبر وراحة وقطع ببلاش وبالتوفيق ان شاء الله

الفكتوريا موتر ماعليه كلام ورخيص وشعبي وقطعه رخيصة.انا مجربة لسنين طويلة ، السعر في رأيي غالي ، انا صحيح مبطي عن اسعارها ويمكن بعد ماانقطعت ارتفع سعرها لكن اشوفها غالية على موديل قديم ، الفكتوريا موتر لكل الاعمار ويصلح جدا للشايب ومريح جدا جدا وواسع مرة يشيل العايلة بس فيه بعض الملاحظات المعروفة في مثل الثلاجة اللي هي air intake manifold ممكن بعد مدة خاصة اذا احتر ممكن تصير تهرب موية عالكويلات وتقطع وايضا المكيف في الحر وخاصة النهار تبريده وسط او اقل وغيره بالليل تمام  وعندك دبة التلوث في الكنداسة الافضل تشيلها لانها تكتم الموتر وتزيد ووممكن تأثر خفيف  والسعودي  التوكيلات ايرغبونه اكثر عند البيع وانا ماعمري جربت الا امريكي بطاقة استيراد ويجيك من امريكا نظيف اخو الجديد من جوا وبرى حتى لو مرشوش فقط لون وانصحك بالمستورد اذا مسموح يجي لاني سمعت وقفوه والا اشتر من واحد تعرفه زين ولا من حقات ارامكو ولا غيره انتبه انتبه خاصة الفكتوريا لازم يكون جديد ولا نظيف وغيره ماينفع وسلامتك  معلوماتي عن تجربة سنين طويلة واي استفسار حاضر الصراحة  احب ذا السيارك.

الفورد طيب واعتمادي من الدرجة الاولى  


شرينا فورد قبل سنتين من الرياض ناسي اسم المعرض
كان المعرض كلها فوردات من ارامكو 
ونظيفات وممشاهن قليل 

اخذنا 2011 ممشاها 60 الف بدي بلد مابه العذروب
  ب 38 جاهزه شامل كل شيء 

السياره ممتازه جدا. خصوصا اذا مشاويره محدوده . يعني اذا كان
يداوم من البيت الى الدوام و العكس فقط. و لكن الاسعار اللي ذكرتها
جدا مبالغ فيها.

الحمدلله على سلامة الوالد

بتلقى ان شاء الله فورد نظافة وممشى طيب ولكن ببتعب لي متلقى

ولكن اقترح عليك تاخذ له تورس من موديل 2015 وطالع شكل حلو واقتصاد بنزين

الله يرضي عليك دينا وآخرة 
ان شاءالله اعلى درجة بر الوالدين
خذ اللي يبي مثل مااختار 
متأكد راح تتوفق في السيارة لان النية صافيه ان شاء الله
لا تستعجل في مخزن أو مبيعات حكومية أو أرامكو 

خيار موفق ان شاء الله
دام انها رغبته
والله يرزقنا وإياكم بر والدينا