تغيير فلتر مكيف النترا
4
1
إضغط هنا للإخفاء
بالخير يالربع هذا موضوع يمكن معروف للبعض ويمكن مكرر لكن ه مهم وتحتاجه باستمرار ويمكن بشكل اسرع مماتصور اليوم رحت بغير فلتر مكيف سيارتي النترا ٢٠١١ لاني شفت الشهر هذا الدفع ضعف واهالايام حر وفالظهر صرت اسكر فتحة مكيف الراكب عشان يزود الهواء واوجه الوسطى بعد علي ويالله المهم كنت اركبه عند البنشري مع تغيير الزيت وهالمرة نسيت وانا شريته من محل القطع هونداي اصلي وكنت اخذه قلت ليش مااركبه بنفسي وانا راقبت العامل يوم يفكه وعرفت الطريقة ولكن ماقد ركبته بنفسي وكنت اتوقعه متعب لانه في مشكبيتين في اليمين واليسار المهم قلت بفكه واخذت معي سكروب والفلتر وجلست نزلت الدرج قدام الراكب عن طريق المشكبية اليمين وبعدها تلقى زي الهيدروليك اللي يثبت الدرج في الطبلون وهو اللي يفتح الدرج بشويش لتحت وبعدين فكيت المشكبية اليسار ونزل الدرج تحت مرة بس باقي ممسوك ببراويز ثنتين ثم تفك ديكور فلتر الهواء الغطاء عن طريق كبس المشكبية اليمين ثم تسحب الفلتر القديم وتشوف قبل كيف هو راكب عشان تركب الجديد بنفس الطريقة وهو باتجاه السهم تحت اتجاه الهواء وايضا يكون بالطول واللي هو اقصر من العرض ويبين معك بانه يثبت بالضبط ويغطي فتحة الهواء والكتابة على اليمين وحصلته مليان غبار وناشف لانه الفلتر سواء مكيف ولا هواء مكينة ينشف من الحرارة ولقيت فيه عثة وقطع حواف القديم بعدها غيرته بالجديد بعدها قفل الغطاء وارجع ركب الهيدروليك المثبت والمشكبيتين والشغلة سهلة جدا ولاتاخذ خمس دقايق وبعدها يكون الهواء نظيف جدا من الغبار والعفونة ودفع الهواء اقوى بكثير وانا قد جربت لكن في الهونداي يصير يفرق كثير . للعلم كنت مغيرة يمكن قبل ست شهور او اكثر وهذا كنت انفخه بهواء ولكن من تجربة غيره كل مدة قصيرة انظف واحسن لان اذا في الجو غبار او تطلع بر او صحراء يمتلي غبار بسرعة ماتتوقعها وانا اطلعه بر ومناطق فيها ريغة وهي الطين المغبر وهو اخطر انواع الغبار على المكيف والمكينة والانسان وفلتر المكيف مهم جدا لان يحافظ على صحة الهواء اللي تتنفسه بعد ويوجد في اليوتيوب مقاطع توضح الطريقة والاجانب يسمونها DIY اختصار سوها بنفسك بدون ورشة ولا غيره Do It Yourself والمعذرة لو الصور بعضها يضايق لكن للتوضيح والتنبيه وسلامتكم
إبلاغ
الردود
+1 لايك
...
2
0
اما اذا ماتشغل شي ثاني
1
1
0
0
0
0
قبل 5 سنه و 3 شهر