اتوقع ان البنزين تم تخفيفه وزيادة سعره

فعلا لاحظت الله يكون بعوننا

انا لاحضت بعد  وعشر من خوياي معي

انا عبيت بالامارات اقل نوع... صراحة احسه طول بالسيارة مع اني كنت اتمشى كثير واضيع كثير
بعكس بنزينا.. احسه خفيف ويخلص بسرعه
بس الحين صرت ما اعبي من اي محطه.. فيه محطتين موثوقه.. وهي ساسكو و سهل.. بالرياض طبعا
احس المحطات الغير مشهوره فيها تلاعب وسبق وطلع فديوات عن التلاعب بخفة البنزين واضافه الوان

الظاهر بيلغون ٩٥ اخر شي يارجال حتى جيوب اللكزس ال١٨ يعبون ٩١ هههه اللي عنده فلوس وماعنده كله ٩١ والسواقين حق القصور وذي السيارات يعبي ٩١ ويصك راعيها فاتوره ٩٥ 

ذا الشي الاحظه في محطات البنزين العادية

اما لما اعبي من محطات معروفة زي نفط و سهل والدريس وبترومين والخ
يصير كأني معبي 95 يطول معايا

افضل الموجود ساسكو وبترومين عن تجربه

انا نفسي اقوله عبي فلللللل ،،، والله زمان

كلشي غشوه هالمصايب بعض العماله و التجار حتى الزيوت و ماء الرديتر وغيره ،، 

لابد من نظام صارم لحماية المستهلك

الشي هذا لاحظته في الحر ممكن قبل شهر كنت اجيب اختي من الدوام الظهرية المهم الفترى هاذي لحالها 20 ريال رايح وجاي والبنزين مخلص والمسافة ممكن 70 كم والليل اعبي ونوعا ما يطول

ف درجة الحرارة لها دور كبير يوم كنت في ابها كان يطول معي البنزين والشي الثاني لا تعبي الا من محطات ثقة ادريس وسهل وساسكو واذا بتعبي فل عبي ف الليل او الفجر

وقبلها كلها موترك نظيف ولا لا ,, لان طبيعي مع الاستخدام والسنوات يصير يحتاج تصفية للمكينة من فلاتر وبواجي وبخاخات الخخخ

بنزين كهرب ماء كل شي ارتفع زايد الضريبه
الناس اول ماتحس الكهرب كان 5 هلالات فجئة صار18 هلله
البنزين كان نص ريال وصار بريال ونص وتوه بعد بيرتفع
وسلامتكم

الله يكون بعوننا جميعاً .، 

فعلاً احس بفرق ،، اعبي بالبحرين فل يبقى اكثر من لما اعبي بالدمام ،، 

الله يالزمن صار البنزين بالبحرين ارخص من عندنا هههه بعد ماكانوا يعبون عندنا قبل يرجعون ديرتهم ،، 
الله كريم 

عندهم لازال ١:٤٠ وحنا ١:٥٣

مافي مشكلة بالسعر بس جودة البنزين تكون عالية مش نفس الحالية

محطات نفط _ ادريس_ سهل

موثوقه وبنزين يبقى معك


باقي المحطات ابو كلبين مغشوش وتخسر صفاية بنزين

تم تخفيفه بمعنى انه لم يعد يكرر بالمواصفات الاصلية.
وذلك لزيادة هامش الربح.
وهذا بالضرورة يوكد عدم ديمومته او اختلاف نسبة الاستهلاك.
اما بخصوص الغش. المتعمد من المحطات فهناك امور اخرى يجب توافرها مع زيادة الاستهلاك.. ضعف بالمحرك او التقطيع مثلا او حتى اصوات غريبه ودخان اسود..وغيرها.
قديما كان يخلط ال95 بـ 91 بقصد الغش.
الان ماذا يضاف إلى 91.؟؟؟؟

عموما لا تستطيع. المقارنه بالفوارق الزمنيه ذلك لان حالة المركبة تغيير.

**** كيفية القيادة وزمانها والمكان والحالة كلها تلعب دورا.

ع فكرة 95 يمشي اكثر بنسبة تصل الى 20% من الـ91

هذا من التكرير

الـ 95 يصل الى 88
الـ 91 يصل الى 84

طبعا قبل ما يجي للمحطه

انا اقصد انه ليس بتلك الجودة السابقة

اتوقع الموضوع نفسي اكثر من انه جودة
يعني اول كنت افلل ب 40 مثلا وتمشيني 450 كيلو
الحين افلل ب 70 وتمشيني برضو 450 كيلو
بس نزلة العداد من الطبلون مع غلاء سعر البنزين بتحس فيه اكثر لانك دافع اكثر
فتراقب العداد مع كل شرطة فتحس انها تصرف اكثر

هذي نظرتي