المكيف لا يبرد علي طول

ممكن على قولتك الفريون فل لاكن ضغط الكمبرسر ضعيف 
فـ مع ممشى السياره يقوى الضغط بعكس الوقوف 
والأفضل انك تروح لشخص مختص ومضمون بشيك على الكمبرسر

هذا ضغط الكمبرسر ضعيف لازم تغير الكمبرسر حتى لوتلاحض وانت واقف بدون ماتمشي خلك معلق دايس بنزيم راح يبرد المكيف 

كان عندس نفس المشكله سنتافي 
رحت لمحل وقلت اكشف على المواسير وضغط الكبروسور قال كل شي تمام قلت طيب وين المشكله قال نخرج الفريون ونعبي فريون جديد مع زيت
والحمد لله انحلت المشكلة
هذي تجربتي وللعلم سيارتي سنتافي ٢٠١٦

 وش نوع سيارتك  ؟ شيك على المراوح عند واحد فاهم  ، لانها ممكن تكون شغالة ولكن ماهو بالشكل المطلوب  يعني تكون ضعيفة اقل من المطلوب ، وهذي صارت لي شخصيا  وماتوقعت يكون من المروحة ابد توقعت حساس او فريون او ضعف في الكومبرسور ورحت لورشتين اعرفهم وواحد قال نغير لك كومبرسور وننظف لك دورة تبريد وتكلف  ١٥٠٠  ريال وتركته ورحت لورشة مشهورة اعرفها وايضا قال ممكن ضعف بساتم ولكن بنجرب نعبي فريون وعبى فريون  وقعد يرش ماء على الاديتر والمبرد وقال ادعس بنزين وتحسنت شي بسيط وانا عنده ورحت ولا انحلت السالفة ورخت لورشة ثالثة ايضا اعرفها وعلى طول قال الفلبيني اعرفه من زمان  المروحة عندك تعبانة قلت كيف عرفت قال، شف سرعتها ماهي قوية وبالفعل كلامه صحيح لان السرعة القوية ماتشوف المراوح  فقط تشوف بياض سريع واما اذا ضعفت ممكن تشوف على خفيف المراوح  وبالفعل غيرت المروحة وصار المكيف يبرد .والمروحة غالبا رخيصة ولاتقارن بالكومبرسور ولا تنظيف الدورة كاملة ولا ثلاجة وفك طبلون وسوالف طويلة عريضة وممكن بالنهاية تضبط او ماتضبط ابدأ بالسهل والارخص . 

عموما نوع السيارة مهم لانها تفرق عن بعض وايضا الموديل لانها اذا كان قديم  ممكن المراوح تخرب مع السنين او افياشها مع المطبات ومع الحرارة تذوب بعض الافياش  وايضا الكومبرسور اذا السيارة قديمة ممكن مع السنين  احتمال يضعف ويقل ضغط البساتم  .  

شيك هل مراوح المكيف شغاله، و بعدها شيك الفريون هل ناقص اول ، و الكمبروسر هل فيه ضعف او لا؟

يا اخوان انا عندي مشكلة في الجيب لاندكروزر 97 
ان الكمبروسر كل شوي يفصل ويشتغل واذا فصل يصير حار 
هل الخلل من الكمبروسر