أضف سؤال أو موضوع جديد          

تكييف السيارة والمراوح خصوصا الكورية والأمريكية الجزء الأول

up 3 down 0
جبال معانيق 271
قبل 2 أسبوع



يالربع  بنزل موضوع على عدة مرات عن التكييف وبعدل كل ماحصلت فرصة واضيف معلومات وهي بعضها من تجربة فعلية لي شخصيا في سيارات امريكية وكورية وايضا يابانية لكن هنا بخصص للامريكي والكوري
،،،،،هالأسبوعين بالرياض جانا حر قوي وكل الناس صارت تشتكي سواء من مكيفات البيوت أو السيارات  وهنا في المنتدى كثرت المواضيع والشكاوي من ضعف التبريد  وكل يبدي رأيه وتجربته وأيضا أغلب الورش يقولك غير كومبرسور واللي يقولك نظف دورة تبريد كاملة واللي يقولك عبي فريون واللي يقولك رهم كومبرسور واللي رهم مراوح اضافية واللي يقول حساس واللي يقول غير ثلاجة وأشياء كثيرة بنتطرق لها 
١- تعبية الفريون : الفريون بالعادة ماينقص لان دورة التكييف مغلقة يعني يقعد سنين اذا مافيه تهريب  لكن مع السنين والاهتزازات والاستهلاك ممكن ينقص ولو بشكل بسيط لكن اذا فحصت ولقيته ناقص  وصلحت مكان التهريب عبي  فريون اصلي  وزيت اصلي  لان الكومبرسور فيه بساتم  مثل المكينة وتحتاج زيت يمنع الاحتكاك ويقلل الحرارة وبعض الانواع  تكون  روتاري دوار او حلزوني وتوجد انواع كثيرة وعندنا يوجد امريكي وصيني وهندي  ، الامريكي منه Honywell 134a  وهو ممتاز بس من تالي بدو يتركونه لانه ضار بالبيئة وغيرو لنوع اقل برودة شوي اسمه R22 وغيره انواع وانا عن تجربة في سيارتي النترا قل مرة تبريدها واحيانا يتوجه اسفل ورحت لورشة وقال عبي فريون وبالفعل عبيته  وضبط لمدة سنة ونصف ومعروف غير الموزع اذا خرب ايضا الهواء البارد كثافته عالية فينزل اسفل .
٢-المراوح : المراوح مهمة جدا لتبريد السيارة ، المكينة والكومبرسور وغيرها ، واغلب الامريكي والكوري تكون مروحة واحدة فقط  وهنا بعضهم يشتكي يقول المكيف مايبرد في الحر القوي او الظهر وفي الزحمة  وهذي من اسبابها ضعف المروحة او خرابها والضعف موشرط تطفي لاتشتغل لكن بصورة ضعيفة وماتلحق تبرد المكينة  والكومبرسور وطريقة معرفة خرابها تفحصها عند فني شاطر أمين  يعني فاهم وصادق لان بعضهم فاهم  بس نصاب  وبعضهم وأمين موفاهم  وعلامتها تكون سريعة مايمديك تميز ريش المروحة  هنا تكون تمام  وبالطبع اتجاه الهواء للداخل موعكس  عشان انت تبي تبرد المكينة مو برى السيارة لان معروف اي مروحة اذا عكست اسلاك الكهرباء تعكس اتجاه المروحة  ، ايضا المراوح خطيرة على اليدين اذا كانت شغالة  وموجود التحذير مرسوم على الغطاء وايضا وهي طافية بعضها ريشها حادة تجرح الاصابع   والاسعار عادة ماهي غالية ، وبعضهم يغير دينمو  وانا اشوفها ماتستاهل افضل تغييرها الا اذا كانت غالية لاغير قطعة قطعة ، ايضا الترانزستور او الريلاي حق المقاومة تشيك عليه وبعضهم يعدل عليه وانا شخصيا مااحب اعدل في السيارة عموما، الا مضطر ،وايضا فيش المروحة احيانا بسبب الحرارة ومع السنين  والمطبات يانه يرتخي او يذوب والافضل غير كامل افضل واريح واوفر وقت .، فيه ناس يرهمون مراوح وانا شخصيا ما أؤيد ذلك خصوصا بالسيارات الجديدة  لكن ان كنت معزم فاشتغلها صح او رح لورشة تشتغل صح عشان التركيب والكهرباء وايضا تحمل النتائج ، ولعلمك المروحة في الامريكي والكوري تكون بعد المكثف Condenser والبعض يسميه راديتر المكيف وبعد المشعاع اللي هو راديتر السيارة Engine Rdiator  وبعضها  ايضا بعد مبرد القير وقبل المكينة  المحرك  يعني في الوسط ،،ووظيفتها وهي واحدة فقط تكفي عن المراوح الاضافية تبع المكيف وفي أثناء سحبها للهواء البارد من الخارج  تشتغل شغلتين في وقت واحد تبريد راديتر المكيف المكثف والمبرد عبر شرائحها ويواصل الهواء نفسه ويبرد راديتر المكينة عبر شرائحه اللي بدوره يبرد الماء عبر طرمبة الماء Engine water pump ويدفعه للمكينة ويبردها وتستمر هالعملية يعني في الكوري المراوح تكفي لكن اذا حصل زود أكيد أفضل  ، في الكوري  المراوح ماتشتغل الا اذا احتر الموتر المكينة او اشتغل المكيف وتشتغل على حساس  لانها كهربائية وهذا غير المراوح القديمة الميكانيكية اللي تشتغل على طول وتطلع صوت مزعج وحنة  مثل الددسن وغيره، طيب فيه ناس تقول اذا مشيت يبرد المكيف واذا وقفت او في زحمة يفصل او يضعف  نقول طبيعي  لاسباب منها ( زيادة حرارة السيارة كاملة مكينتها وكومبرسورها وراديتراتها لان  الهواء البارد مع المشي يبرد المكثف  والمبرد والراديتر والمكينة والكومبرسور وبكذا تشتغل وتبرد وايضا الكومبرسور فيه حساس واذا احتر سواء من وقوف ولاخراب مروحة يفصل اتوماتيكيا عشان يحمي نفسه ، وعند الوقوف حرارة السيارات اللي جنبك وعوادمها تزيد حرارة الجو حول سيارتك وتسخن سيارتك . وان شاء الله لاحقا بكمل واعدل وازيد هالنقاط  لأني على عجل والوقت ضيق وهي قابلة للتصحيح والزيادة والتعديل بدون تعصب لكوري او ياباني او امريكي او غيره .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


طيب كيف اعرف سيارتي كم مروحة لها لانها منطقة الرديتر مغطية بالكامل


up 0 down 0
algene13 6
قبل 2 أسبوع



كل السيارات ياعيني المراوح الكهرب ماتشتغل بدون مكيف الا اذا احتاجت المكينة للتبريد وبعدها تطفي مو الكوري بس

ومن ناحية المروحة الوحدة انا بتكلم عن السوناتا مروحتها كبيرة وهي وحدة وعندي 2007 و 2017 كلهم مروحة وحدة

التبريد في 2007 معروف لان نوع الكومبريسور كلتش وليومك ماحصلت لي مشكلة فصله عشان واقف ولا حرارة مع انها صارت لي وقفة تحت الشمس من الظهر لين المغرب اكثر من مرو وماضرها

اما ال 2017 نفس الشي بس بعد فتره طويلة من الوقوف احس بضعف بالمكيف الظهر بس تبريده يقل شوي اتوقع من نوع الكومبريسور المروحة ابدا مالها دخل

بينما في 2011 اخذنا النترا وكالة وتبريدها زفت بمعنى الكلمة والوكالة غيرت كومبرسرات مرتين وماكان يفصل اصلا على طول يشتغل واذا وقفت يصير حار اذا دعست بنزين يبرد حتى وانتت واقف بينما
الملاحظة على الموضوع في نفس الوكالة وسيارة ثانية اسمع صوت الكومبريسور يفصل ويشبك وتوها مشغلينها ماخذت 5 دقايق بتتسلم لعميل جديد رحنا لها نشوف ليه يفصل ويشبك

طلع ان تبريد المكيف افضل من اللي فيها مشكلة وهي واقفة وتحت الشمس ويفصل ويشبك لان كانت توافيق ذيك الايام الكومبرريسور خصوصا في موديلات 2010 و 2011 وكلها مروحة وحدة

وغير كذا في سيارات فيها مروحتين وتسمع صوتها من بعد كيلو لاكن تعال شوف التبريد حقها الظهر ولا عندك احد

عموما النقاش بيصير طويل لكن السالفة كلها بالكومبريسور مالها دخل المروحة سواء حطيت 2 او 4 سرعة دوران الكومبريسور وجودته هي اللي تحدد البرودة


up 3 down 0
7amood1930 214
قبل 2 أسبوع



اهلا اخوي
انا مااتكلم عن مروحة الغمارة  Blower داخل الطبلون  انا اتكلم عن مروحة المكينة والراديتر في الكبوت  ،  اما مروحة الغمارة فعملها دفع الهواءداخل الغمارة ومالها علاقة بدرجة الحرارة الا بسبب بذكره بعدين اما تحديد البرودة والحرارة من مفتاحها المخصص باللونين الازرق والاحمر او بالدرجات .اما من ناحية المراوح فكما ذكرت لك  يوجد سيارات ماهي كهربائية وماتفصل مروحتها ومنها الددسن وتسمع صوت حنين الموتر من بعيد بسبب المراوح .بمعنى ماهو كلها تشبك اذا احتر الموتر كما ذكرت انت.وبعدها تفصل اذا رجعت الحرارة طبيعية.اما من ناحية انواع الكومبرسور كلتش ولا حساس انها تفرق  ماهو دائما. والدليل انا سيارتي  النترا ٢٠١١ وكمبرسورها مايفصل وتمام عند الوقوف  لكن  خرب علي خرابات ثانية ولي ملاحظات ذكرت بعضها وبعضها بذكره لانه  موضوع  طويل .واما ناحية االكومبرسور طبيعي  بعضها يفصل ويشتغل بدون حرارة الهواء او انه خربان بالعكس .ولعلمك  فيه حساس برى الكومبرسور حتى في القديم الكلتش.


up 0 down 0
جبال معانيق 271
قبل 2 أسبوع



R22 هو اللي مضر بالبيئة علشان كذا استبدلوه بR134
ونفس الكلام لماء الرديتر الاخضر اللي يجي في السيارات القديمه
اختصار اسمه بالحروف IAT وهو مضر بالبيئة استبدلوه ب OAT ويجي ملون في التايوتا وردي وفي الجمس برتقالي وفي المرسدس ازرق
والاستبدال ذا كله عشان المحافظه على البيئة
ونفس الكلام للزيوت الخفيفه والثقيله


up 0 down 0
المالكي 1254 51
قبل 2 أسبوع



عندي كم سؤال ،،،
هل زيادة حرارة درجة برودة المكيف مفيدة للكمبروسر يعني بدال مايكون LO او 18 حسب السيارة اخليه 21 مثلا ؟
اغلاق ال ac وزيادة سرعة مروحة المكيف لمدة خمس دقايق اذا جيت من مشوار او كل يومين اسوي هذي الحركة لان سمعت انها تزيل الرطوبة من الليات وتخفف من ظهور روائح من المكيف بعد فترة ؟

معلومة اخيرة ،، افضل مراوح للرديتر هي مراوح المكسيما 2010 الى 2014 لانها تجي سرعتين 


up 0 down 0
zax_makkah 222
قبل 2 أسبوع



حياك 
جواب السؤال الأول  يعتمد على  إجابات أسئلة عديدة منها ،، هل كومبرسور مكيف  السيارة يعمل بنفس طريقة عمل  مكيف البيت ؟ لأن مكيف البيت  إذا رفعت  من درجة الحرارة  يصير يشتغل ويفصل هذا النظام القديم ،لان الجديد يختلف؟
أيضا وس نوع الكومبرسور ؟ النوع وليس الشركة المصنعة ؟
إجابة السؤال الثاني 
تعتمد على  بيئة المكان اللي انت عايش فيه ، درجة الحرارة ، كمية الرطوبة ، وجود فلتر المكيف من عدمه ، وجود غبار وعوالق. او لا .


up 0 down 0
جبال معانيق 271
قبل أسبوع و 6 يوم