هل تقدر تشتري سيارة جديدة وتستخدمها فترةثم تبيعها بدون خسارة

اللي عنده فلوس يسوي اللي تقول ماهمه تخسر او لا 

اما تشتري بدون ماتخسر ماصارت ولا في الاحلام

لو تسجل السيارة باسمك بس  وتبيع وانت مالمستها بتخسر فيها 

فيه سيارات لو تنقلها باسمك وتبيعها، ولاستخدمت، خسرت فيها، وممكن خساره قويه

وفيه سيارات، تستخدمها وتجيها، طقه، وتبيعها،بمكسب

يعتمد على طريقة تفكيرك. استخدامك للسيارة فيه فايدة لك. لكم تبيع بسعر اقل من الشراء انت ما خسرت لانك استفدت من السيارة

تصير إذا عينت موتر مرغوب وراعية منحد بتشتري اقل من سعر السوق

وجاك زبون يرغب في الموتر بتبيعة اعلى من سعر السوق

واذكر مرة شريت التيما ٩٢ في الحراج بسعر رخيص وجلست معي فترة
وشافها واحد حساوي وابلشني إلا يبيها وبعته بمكسب مع انها جلست معي فترة تقريبا 
٦ شهور

صح على قول خالد..ممكن في المستعمل حتى لو موديل السنة...لكن لو تطلع موتر وكالة مستحييييل

خذوا مني هذه

اخوي اشترى هونداي النترا 2007 في عام 2010 مرشوش كامل ومقلوبة .. لكن السيارة كمحركات وعضلات نظييفة كرت ب17 ألف
بعد اربع سنوات في عام 2014 وبعد ما مشي فيها كثيييرعرضها للبيع في حراج طالب فيها 22 ألف ومتردد يبيعها ولا لا ..
غير كذا كمبروسرها خربان واشياء ثانية خربان .. تخيلوا انها انباعت منه من شاب جاي له من مكة وجاااد .. واشتراها منه ب22 الف ..

محدثك شخصيا .. شريت اكورد بسعر قبل سنه ونص واستخدمتها سفريات وخطوط من حايل لخميس مشيط وارجع اجازات نفس الطريق

بعتها قبل اسبوع بنفس السعر اللي شريتها في مانقص ولا ريال 

بس المساله يبيلها صبر نزلتها بحراج كسروا ام ام ام السعر 
صبرت صبرت وعرضتها برا وشافها رجال وشراها بسعرها 

فيه
جيب مازدا سي اكس ناين
سعره وكاله ١٢٥.٥ ومع الضريبه ١٣١
صدق او لا تصدق
سعر المستعمل حوالي ١٢٥ الف

توافيق وارزاق ويحكمها عدة امور
من اهمها توفر السياره
وسعرها جديده
ونوعها ..فل او نص
وغيرها من الامور اللي ترفع القيمه
حتى لوكانت مستعمله
وفي الغالب تنزل عن سعر الجديده

اللي اشتروا الفورتشنر 2006 اول مانزل عندنا على وقته بسعر رخيص
وباعوه بعد ما انتشر ورفعوا سعر الجديد منه ب مكسب 
ونفس الكلام للانوفا
لكن في 2019 تشتريها وتبيعها بدون خسارة - مستحيل
اياً كان نوع السيارة 
يكفي الضريبة لحالها تقص ظهرك، والمستعمل بدون ضريبة 

كان قبل الوضع ذا يمشي لاكن الحين لو تطلعها من الوكاله وتبيعها بتخسر فيها يمكن ٥ الاف

اعرف واحد شاري صني 2015 ب ١٦ الف سنة 2017
وباعها السنة هذي 19 الف .. 
لو باعها قبل لايرتفع البنزين ماراح تجيب له سعر
ف غلاء البنزين رفع اسعار السيارات الصغيره

شف في الجديد مستحيل بس الي تكسب فيها هي الي فيها مكاين قيور واعطال بس

انا عرض علي فورد ماركيز 2007 نظيف فيه مكينة مخبطة ب 3500 انا شخصيا ما القيت نظرة واتفحصت بس من نظرة واضح انه طيب ونظيف

المهم انا عندي معارف في التشاليح واعرف الفوردات مسمار مسمار يعني بجبله مكينة بالكثير ب 3000 ولا 2500 واي شي ناقص بوفره وعاد الفوردات بالهبل في التشاليح طشيش

وانفض فيه كم شغلة و اوديه التلميع وبيجيب مبلغ في ادنى الاحول 12 الف مكسب حول 6000 هذا اقل شي .

نفس الكلام ينطبق على اي سيارة بس اهم شي تكون متوفرة قطعها بكثرة في التشاليح وقطع الغيار والوكالة وتكون منتشرة علشان ما تبتلش فيها

اشتر سياراة جديدة ممشى نظيف تبيعها بخسارة بسيطة أو بمكسب.

الرجال يقول جديد يعني وكالة يعني اصفار

وبالنسبة للجديد اصلاً بمجرد اصدار لوحات عليها خلاص بينزل سعرها لو انها مكانها في الوكالة وما تحركت

شوف بحالة وحده انك تأخذ سياره جديده بسعر وتجيب لك نفس السعر إلي اخذته ويمكن زود انها تكون السياره مرغوبه بالسوق مثال الاكورد ٢٠١٧ كان سعرها حول ٩٥ الف السبشل جديده بعد مانزلت الاكورد ٢٠١٨ وقلة ٢٠١٧ وصارت مرغوبه زاد سعرها

شكرا للجميع على الرد