ايش رأيكم بسيارة شانجان v7 و ايدو ؟

عليكم السلام
كم الأسعار هذي وهذي عشان أعطيك النصيحة الطيبه

يارجال خذلك موتر معروف نصيحه لاتروح لشركات الغريبه الشانجان توها جديده فى السوق لابغيت اي قطعه مافيه الى وكاله فقط حتى تشليح ماراح تحصل واذا بغيت تعدل فيها شاشه اكسسوارات ماراح تحصل الى تطلبها من برا وحتى لوبغيت تبيعها بعدين والله ينخسف سعرها 

بالتفصيل الممل! ادخل قروب ملاك لنفس السيارة. نصيحتي لا تأخذ سيارة قيرها 4 سرعات حتى لو شكلها حلو, وشوف الوكيل الاقرب لك.

بالفعل قير ٤ نمر انتهى زمانه يا ست نمر او CVT افضل توفير للبنزين
ممكن سعر الشانجان معقول بمواصفات اكثر
اذا اللي من حجم سنترا الافضل نيسان ب٥٠ الف جديدة
و الصني الثنتين ذولا بترتفع اسعارها مثل الالتيما اللي بيلحق يوفر مبلغ طيب
نفس الوضع مع الاوبتيما السوناتا الجديدة نزلت بسعر مبالغ فيه و الكيا بيجددونها ٢٠٢١ و بيرتفع سعرها

عندي أخوي وحده ايدو موديل ٢٠٢٠ فيها مواصفات ماهي صاحيه بسعر ٥٤ ألف فتحة شاشة جلنط إلكتروني وأشياء كثير، بس السيارة جديدة ولا نقدر نحكم عليها حاليا

الصيني والله العالم قادم لامحالة وبيغزي السوق وبيصبح رقم صعب  فيه وخصوصا ااذا كانت اسعاره رخيصة وبعدها بيرتفع مثل الكوري وقبله الياباني لان الامريكي اقدم  في السوق لكن  بعد مدة اذا اثبت جودته بيرتفع سعره تدريجي الين يوصل الكوري او يقارب له ويمكن يوقف  ، الصين صارت تصنع كل شيء  ومن ناحية السيارات اشوف سياراتهم  مقاربة للكوري من ناحية جمال الشكل وربما  الجودة  بتوصل للكوري  ويمكن مع الوقت تنافس الكوري وغيره بالجودة وايضا مع الوقت بتزيد شعبيتها وبتصير مرغوبة بيع وشراء مثل الكوري شوي شوي لين سيطر على جزء كبير من السوق  وبتكثر قطعها ووكلاها وقطع التشليح. ورأيي لك. الجديد اصلا ان الله ستر عليك بيخدمك يمكن 5  سنوات  بدون  تحتاج قطع الا ان كان استهلاكية وهذا يوفرها الوكيل  وهي لحد الآن فرصة باسعارها قبل ترتفع وتلحق الباقين لكنها فيها مغامرة نوعا ما وقد فاز باللذات كل جسور .  

جربتها عند الوفاق

البلاستك مايع وهي 2019 شبه جديدة

المكينة والقير تعباااااااانة والعزم ميت

ماتسوى 25 الف بحد أقصى

الشانجان تاتي من ضمن المراتب الافضل للسيارات الصينية نوعا ما
اذا تبي نصيحتي وناوي تاخذ صيني ( شوف ام جي 6 )
شركة إم جي مشهورة كأقوى شركة صينية
ثم شركة هافال

ياخوي خذلك اوبتيما والله بتدعيلي اهم شي مكينه 2.0
لاتاخذ.2.4 وشوف كيف موترر طرب واقتصادي ومعروف وسعره مناسب
ولاتاخذ الصيني ولا بريال مايصلح

احتمال انها سياره جميله !
بس قطع الغيار بتتعبك وقطع غيار البودي شبه مستحيله بتكون

ما انصحك بالشانجان والسيارات الصينيه
تخيل قطع غيار الصيني شانجان اغلى من تويوتا وهونداي والله مصيبه وهذا توهم ما سيطروا على الأسواق بصراحه شين وقوي عين

تابع من الدقيقه 8.28 مقارنة اسعار قطع غيار السيارات الصينيه واليابانيه والكوريه

https://www.youtube.com/watch?v=OdO8trCmdAc

انا استاجرت ايدو ٢٠٢٠ نص فل عزم ميت جدا جدا غرتني فخامتها وحجمها وشكلها لكن سيئة جدا جدا جدا 

انا استأجرت ايدو لمدة 3 ايام وكان موسم امطار وتعرف الحفر والموية. المهم السيارة اقولها بكل أمانة ومن غير مصلحة. شي خرافييي. عزم وعزل ورساوة وتسارع وكاميرتها صافية. مقارنة بالأكسنت. الأخيرة تطلع زبالة وانت بالكرامة. لكن ما ادري عن قطعها واعتماديتها على المدى الطويل. 

انا استأجرت ايدو لمدة 3 ايام وكان موسم امطار وتعرف الحفر والموية. المهم السيارة اقولها بكل أمانة ومن غير مصلحة. شي خرافييي. عزم وعزل ورساوة وتسارع وكاميرتها صافية. مقارنة بالأكسنت. الأخيرة تطلع زبالة وانت بالكرامة. لكن ما ادري عن قطعها واعتماديتها على المدى الطويل.