نقاط حول طريقة عمل مكيف السيارة .

2 4

لايمكنك التصويت حتى الحصول على 20 نقطة على الأقل
إضغط هنا للإخفاء

جبال معانيق 277
قبل 5 سنه و 3 شهر

استكمالا للمواضيع السابقة  حول التكييف عموما ومكيف السيارة خصوصا ، بركز على هواية المكيف و عملها وفايدتها ، اللي هي AC VENT  وهي ١-  تبريد السيارة عندما يكون الجو بارد ولانبغى نفتح  الدرايش  عشان الازعاج او عشان ان السيارة مسرعة والهواء يزعج لو فتحت الدرايش وفي نفس الوقت  مانبغى نشغل المكيف  فقط مروحة .
٢- تهوية السيارة وتجديد الهواء لان الاكسجين يقل لو مقفل الهواية خاصة اذا كان معك ركاب وبتطول في السيارة .
٣-تسخين االغمارة في الشتاء بدون تشغيل الكومبرسور عن طريق راديتر المكينة والبعض يلغي لي الحار فمايقدر يستفيد في الشتاءولابد يشغل الكومبرسور لان كثير يقول البرد شهر ويخلص وجونا حار طول السنة حسب رايهم  .
بخصوص فتحة الهواية  زر. السهم الراجع وهو لإعادة تدور الهواء عند ضغطه او فتحها لدخول الهواء الخارجي Recirculation  Button.  وفائدته ترييح الكومبرسور عن طريق قلة عمله لان لو فتحت الهواية ماراح يفصل كثير لانه بيشتغل عشان يبرد الهواء الخارجي الحار اما لو قفلت الهواية  بيبرد داخل السيارة اسرع  ويريح كل مدة  ايضا معروف لو حطيت على وضع التكييف القوي Max  تتقفل الهواية اتوماتيكيا وهذا دليل انه اسرع في التبريد واريح للكومبرسور ، ايضا  منع االهواء الملوث بالغبار والادخنة وعوادم السيارات والغازات  لان ها اكثر في الخارج  وبكذا تقل صرفية البنزين لان الكومبرسور يحمل جهد اضافي على المحرك ، المكينة .
بخصوص الهواية عندي سؤال  ، هل لو قفلنا الهواية مايدخل غبار او هواء خارجي  او أكسجين ؟ أنا شخصيا كنت ولا زلت وبعد بحث ومازلت أبحث أقول لا ماتتقفل نهائيا ويدخل بس قليل  غبار وهواء والدليل الفلتر يتوسخ وتلقى فيه غبار وحنا نقفل الهواية  ووفيه ناس خاصة السيارات يقفلون الهواية تماما بسليكون عشان يحافظون على المكيف من الغبار ..وايضا لان السيارة ماهي محكمة الاغلاق سواء وهي جديدة او بعد سنين تضعف الجلد على الابواب  والاجزاء الاخرى وتزود مع الصدمات  على البودي والابواب وحتى مع الزجاج واطرافه وتلاحظه في السرعات العالية وايضا دخول الهواء والماء اذا غيرت قزاز  وماقفله زين. ،
أيضا عندي سؤال ثاني  ، كيف يجي هواء للمكيف اذا قفلنا الهواية وهل  يدخل غبار من داخل الغمارة ؟ أنا شخصيا ودي أعرف وإجابتي هي  يدخل من هوز الهواء حق مروحة المكيف تحت الدرج. Blower  والغبار داخل الغمارة اكيد اقل من برى بكثير لكن يدخل الغبار مع تسرب الهواء من الهواية ومن  الهواء الداخلي ومن الغبار الي في السيارة فتنضيف السيارة  من داخل من الغبار مهم للمحافظة على المكيف  وخصوصا اذا حطيت المروحة على الاخير رقم ٤ راح تشفط غبار اكثر  .
الفلتر مهم جدا لتنقية الهواء من الغبار لكنه مايمنع تماما ونسب قليلة  منه راح تدخل  . أيضا أعتقد أن مصنعي السيارات ماخلوا السيارات محكمة الإغلاق لمنع الإختناق في حالة تسكير الهواية وانقطاع الأكسجين ، عطونا اجاباتكم وأراءكم .

إبلاغ

الردود