الشركة تقول غير الزيت على 10 الف كيلو وبعد 100 الف تبدأ المشاكل

شوف كلامك هذا خذ وخل الزيت 0w20 هذا مو متوفر اصلا وان كان موجود محد يشتريه
وبالنسبة للتكايات فهي ظهرت علكل موديلات الجمس ومع كل انواع الاستخدام المحافظ والي يكرف والسبب عيب مصنعي
لاتقول زيت تخليقي ولا عادي التجربة خير برهان ومابقى جمس ماصارت فيه :) ولكن من ناحية موضوع الزيوت والحرارة

مافي شي اسمه ممشى معين للسيارة ولا في شركة تحط هذا الممشى حتى الكتالوج لمى يقولك تغير بعد 10000 فهو يحط نوع معين
ماتقدر تطبق كلامه على اي زيت ثاني

تقييم حالة الزيت حسب المتعارف عليه هو اللزوجة واللون وللعلم شركة موبيل1 طلعت نوع زيت يمشي25الف كيلو او 1سنة ركز <سنة يعني لو تمشي10 كيلو بس خلصت السنة لازم تغيره

فالشخص الي حاب يحافظ على سيارته جيدا لازم يتبع تعليمات المصنع والزيوت التي ينصح بها ومن ناحية الوكيل ، ففيه وكلاء يتبعون نصائح المصنع وبعضهم لاء فقط يبي اقل قيمة باعلى ربح
مثلا فورد الجزيرة توفر زيت موتوركرافت وقبله كانت توفر كاسترول وهكذا

المصنع ماعنده علم كم درجة الحرارة في الصيف ولا مانصحنا بالزيت الخفيف وبعدين زيت 5w30 لزوجته ماهي ثقيله مرة ومناسب وقريب من لزوجة الموصى بها من المصنع ولكن أفضل للمكينه

في هذه الأجواء الحارة!
تقدر تخلي سيارتك تمشي عشرة آلاف كلم؟!

موضوع الزيت هذا ثقيل وهذا خفيف أتوقع أشبعناه نقاش وفلسفة

هذا خلل تصنيع في الجموس وأعتقد متعمد عشان تستهلك صيانات وقطع يعني تغير زيت ولا ماتغير المشكله راح تجي بنسبة ٧٠ بالمية
شوف التكاسي الشركات تكرفها وتهمل تغيير زيوتها عشان توفر فلوس وتمشي ٥٠٠ الف بالراحه حتى بالصيف والشتى تكرفها لل١٥ الف بعدها تغير زيت

فلا تخلط بين عيوب التصنيع على الصيانة الدورية

اللي يبي يحافظ على سيارته يسمع كلام شيبانا الأولين يوم يقولون . . . .

تغيير الزيت كل 5 الآف كيلو أو كل شهرين . . . .

هههههه
قبل سنين كان الناس يقلون لاتحط 5w30 خفيف ويسيح مع الحرارة
وذلحين رجعو على 0w20
العالم يبخترع لزوجة اخف ويبرجع الناس على نفس الموال
لزوجة كذا ماتتحمل الحرارة حط 5w20 احسن ولاتسيح مع الحرارة اترك اللزوجة الفلانيه ماتتحمل اجوائنا

اما حرارة الجو فحرارة ماء المكينه 90 وحرارة الزيت فوق ال100
ماء وصلت حرارة الجو نص حرارة زيت المكينه

من تجربتي للزيوت الخفيف والثقيل
افضل فئه ..وتصلح لمعضم المحركات..
هي 10 30 ... رائعه ومتوسطة الكثافه
ومتوسطة في تحملها للاجواء ..والله كنت
امشي عليها في سيارتي الى حد 12000
وراااائعه ... ولكن نصيحتي لكل شخص ان
يتأكد من استخدامها. .. بعدين لا تدعون
علي ( لا للغلاء) ..تقولون ورطنا ... (: (:
موفقين جميييعا

المشكله التكايات فيها عيوب

عندك الأمريكي كابريس لومينا الجمسات من 2007 وعندك الدودج تشارجر


كل أنواع الزيوت وصوت التكايات بيطلع بسبب عيب بالتكايات نفسها مهو من الزيت

خلها على حسب الاستخدام يعني مثلا شخص اغلب مشاويره خطوط ومايواجه زحمة الا نادرا والجو حار ،،،، وشخص كل يوم يواجه زحمة وفرامل وبنزين واذا مشواره نص ساعة 20 دقيقة السيارة ف زحمة و 10 دقايق اللي تمشي فيها السيارة وتاخذ راحتها والجو حار ،،،،
الشخص الاول يغير الزيت على 10 الاف وهو مرتاح ويقدر يخليه 11 الف لو السيارة مامشت كثير ،،،،
والشخص الثاني ضروري يغير الزيت قبل 10 الاف لتفادي اي مشاكل فالمستقبل ولان ظروف استخدامه اكثر مشقة ،،، 

<<<< اهم شي عبارة اكثر مشقة ههههههه كلام متعوب عليه ،،،، وكلام داخله كلام ،،، 
ودمتمممممم

برد على كلامكـ نقطة بنقطة
بتكلم في موضوع الزيت وخاصة لسيارت GM الكبار موديلات ٢٠١٥ وفوق... هل انت من ملاكـ هالفئة ....؟

أكثر هالموديلات نلاقيهم في الورش بسبب التكايات خربانه .... قلت أكثر يعني اكثر من 50 % من السيارات في الورش ...؟ هل يوجد ارقام عندك والا من الكيس ....؟

طبعا المشكله كلها من الزيت الخفيف 0w20 اللي ما يناسب اجوئنا الحارة جدا ... ومن قال لك انه الزيت خفيف ومايناسب اجواءنا الحارة ؟؟؟
اللي صنع الزيت مايعرف ان الشرق الاوسط الاعلى حرارة على مستوى العالم ...؟

لزوجته خفيفه مرة ومع الحرارة والدعس تخف اللزوجة ويصير كانه ماء ولا له فايدة بالمكينه ... هنا اعتذر منكـ كذبت وكلامكـ مبني على قال وقيل
والبعض يسمع كلام الوكاله ويخليه إلى ١٠ الف كيلو .... الكتالوج مكتوب فيه 10 الاف او 6 شهور وهو مصنوع في المصنع وليس الوكالة ... برضو كيس

طبعا اكثركم بيقول موتري ماشي مثلا ٧٠ الف كيلو ولا فيه الا العافية طبعا المشاكل ممكن ما تمر عليك إذا هو باقي على الضمان إلى ١٠٠ الف كيلو
لأن المحرك جديد واذا استمريت على هالزيت ما تبدأ المشاكل الا بعد ماتعدي ١٥٠ الف كيلو أو إلى ٢٠٠ الف كيلو ... برضو كذبت هنا سيارتي ماشية 240 الف وقابلها للزيادة اليومية مابين 100 الى 150 كيلو
ولله الحمد والفضل من قبل ومن بعد مافي اي صوت ولا خراب ولا اي شيء مما ذكرت انت


وتبدأ مشاكل التكايات واصواتها والدليل نشوف مقاطع للجموس الجديدة بالورش ونقوم نذم الصناعة على الجودة مادري ايش ... مشكلة التكايات في الجموس الجديدة موديل 15 وفوق كانت في 15 اول دفعة وانا منهم
والوكالة تغيير كل التكايات على الضمان لانها عيب مصنعي .. 16 مافي 17 مافي 18 مافي 19 مافي ... من تجارب شخصية نمتلك 4 سيارات 15 و 16 و 18 و 20

طبعا بيجيني واحد يقول الشركة تنصح بالزيت هذا الشركة مايعرفون اجوئنا اللي درجة الحرارة بالصيف توصل احيان فوق ٥٠ درجة
ولا يعرفون الارتفاعات اللي عندنا أو خطوطنا اللي ماتساعد حتى على المشي.... الشركة كانت منتظرة واحد مثلك يعرفهم كيف طرقنا واجواءنا على اساس انا اغير زيت في ولاية تكساس يمين كوبري المربع


فانصيحة للي يمتلك جمس أو تاهو او اسكاليد موديلات ٢٠١٥ إلى ٢٠١٩ استخدم زيت لزوجة 5w30 وغيره على ٥٠٠٠ كيلو
عشان تحافظ على المكينه وتدوم معك سنين وتنسى باذن الله خراب التكايات وترتاح مرة
قدام الشباب هنا اعطيني ضمانة على مكينة سيارتي وانا مو احط الزيت الموصى منك الا احط 20/50
ياخي خافو الله في الناس
يشهد الله حطيت زيت 5/20 لاني مالقيت زيت 0/20 في بدايته تحس ان معي موضي وفرقتها في المكينة يطقون

المهم اذا قد كلامك اعطيني ضمانة وانا استمر معاك

للعلم سياراتي ضمانها 5 سنوات مفتوح الكيلو وزيتها من 5 سنوات 0/20 وماواجهت اي مشاكل حتى مايتبخر ولا ينقص


سلام يا صاحبي

يعني يصنعون ولا يدرون ههههههههههههه

احب اقولكم اعلى مدينة بدرجة الحرارة في العالم بامريكا





https://youtu.be/fhf1hchHaMM







وهذا الرابط وبامكانكم تتاكدون