أضف سؤال أو موضوع جديد          

اكورد 2017 شرايكم اصلحها ولا ابيعها

up 5 down 1
شخص مضمون جدا 13
قبل سنه و شهر



عندي اكورد 2017 الممشى 42الف
قدر الله وصار لي حادث والوجهيه شبه راحت ابي رايكم اصلحها ولا ابيعها؟ طبعا الكبوت انا رافعه











إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الحمد لله على السلامه

والله يعوضك

اذا بالك طويل مع الورش صلحها
لكن الواضح ان الايرباقات طالعه والفحص مراح تعدي فيما بعد


up 2 down 1
aboahmed2014 1143
قبل سنه و شهر



معوض خير ،،، لكن من النظرة الاولى اكيد بيقولولك بيعها لان الاير باق انفك لكن الواضح ان الشاص ماجاه شي ولو تقدر القطع وتشوف كم يكون افضل واغلى شي ممكن الشمعات ،،، وثاني شي السقف اذا انطعج من اطراف التندة الافضل تسمكره عشان مايبان ان جاتها صدمة وانتا حر وهذي مجرد وجهة نظر واولا واخيرا لازم تشوف ورشة مزبوطة 


up 5 down 0
zax_makkah 247
قبل سنه و شهر



الحمدلله على السلامة  ، حسب ظروفك ، الصور ماو ضحت حالك المكينة والاديترات والمراوح وغيرها لان اهم جزء بالسيارة الوجهية فيها كل القطع المهمة الي تحرك السيارة ، ماعليك من البودي لانه يتسمكر اذا هي سليمة ، بس اذاكان الايرباقات تصليحها غالي مشكلة .


up 1 down 0
جبال معانيق 276
قبل سنه و شهر



الله يعوضك خير ،، 

اذا ماعندك مبلغ سياره ثانيه ، وعندك مبلغ الاصليح صلحها والله يعوضك 

تقدر تجيب قطع البدي من التشليح اتوقع الكبوت والرفارف من موديل ١٤ 
والشمعات يمكن تحصل نوع ديبو بسعر حلو ونوعها طيب 
والارباق الغيه وخذ الديكورات من التشليح 

بس اهم شيء الشاصي مايكون انطعج لانه بيبهذلك 

عموما حتى القطع الميكانيكيه بتحصلها بالتشليح من عكوس وغيره


up 6 down 1
m7md 33 1151
قبل سنه و شهر



ود عمي صار له حادث في افالون و صلحه على حسابه موديل 2015

الايرباقات اخدنا سيستم كامل ب 3000 ريال من الدمام
العضلات ب 1000
سمكره ب 5000 في ورشة محترمه
جنط قدام يسار ب 350 حق فل
قربة ماء و ماء رديتر و شمعة نور من قطع الغيار حول 3500


بالنسبة للفحص الدوري نجح عادي اهم شيء الشاصي ماجاه شيء


up 3 down 0
bindakheel 1205
قبل سنه و شهر



ما نقدر نحدد .. انت تعرف ميزانيتك وتعرف وضعك 
احسبها صح، اصلاحها كم بيكلفك
بيعتها كم بتجيب لك 
اذا بعتها وش بتشتري او بفلوسها وش بتجيب لك موتر جديد 
وكم يبي لك تزود دراهم عشان تشتري سيارة من فئتها
كل هالاسئلة اسالها نفسك وبعدها حدد انت. 


up 0 down 4
rustic 194
قبل سنه و شهر



قارن بين سعر السياره وقيمة التصليح وشف كم بيفرق معك لاكن والله الموتر لاجاه طقه ماعاد يسلم الافضل انك تبيعه وتدور لك موتر شف الموتر كم بيكلفك واذا بتبيعه وتزود كم يبي لك لاكن لاتعجل 


up 2 down 3
راكان443 149
قبل سنه



شف القطع كم تكلف اهم شي المحركات ما تضررت
اعتقد لو تصلح بس بدي ما تكلف واجد
ولكن حط في بالك لو صلحت و فكرت تبيع راح يعدون سعرها بعد التصليح خليها لك علي طول او كدها سنين


السلام عليكم

الاخوان ماقصرو اذا بالك طويل صلحها
شخصياً حصل لي حادث مشابة في اكورد وصلحتها واخذت كثير من الوقت والجهد ومن الورشة مباشرة على المعارض
اذا عندك قدرة مالية بيعها والله يعوضك وخذلك غيرها
السيارات المصدومة خاصة من الامام كل شوي تطلعك فيها مشكلة غير انك نفسياً ممكن تتضايق كون السيارة مصدومة
ومهما كانت الورشة او حتى الوكالة شاطرة ماراح ترجعها مثل المصنع
الله يعنيك ويعوضك بخير


up 0 down 0
salehhd 898
قبل سنه



استخير قبل لاتقدم على اي خيار
الله يوفقك


up 0 down 0
salehhd 898
قبل سنه