رايكم ازيرا 2018 او تورس 2017

التوريس عزلها جبااار جدا وفيها رساوة عاليه
الازيرا ما اعرف عن عزلها ولا اعرف عن رساوتها بس اتوقع ان عزلها بيكون بطل وحتى الرساوة اتوقع تكون عاليه وان شاء الله ملاكها يفيدوك
لكن عن نفسي لو جاتني فرصة صدقني راح اخذ الازيرا بدون تردد
الازيرا فيها موصفات حلوة وراح اتكلم عن الفل كامل
تجيك شكل جديد ومن وجهة نظري اشوفه فخم
مكينة 3.5 حسب المقالات تمشي 8 كيلو لكل لتر اما في الخط 12 كيلو لكل لتر
بالنسبة للتوريس 7.22 كيلو لكل لتر وفي الخط 10.2 كيلو لكل لتر يعني الافضلية للازيرا من ناحية الصرفية
كاميرا 360 درجة
ردادر
نظام صوتي من انفنتي 12 سماعة
نظام انارة فل LED يعني عالي وواطي LED
تشغيل عن بعد ودخول ذكي
وتبريد وتسخين مقاعد
مكيف منفصل
جنط 19
سقف بنورامي
شاشة تدعم android auto و apple carplay
ستارة جانبيه
وضعيات القيادة الي هي ECO,Sport,Normal,Smart
وهيداب دسبلاي(بروجكتر)
واخيرا قير 8 نمر
طيب نجي للتوريس
فيها جميع الموصفات الي فوق لكن نستثني منها
السقف البنورامي والفل LED
واتوقع وماني متأكد الكاميرات ال360 (حسب ما قرأت يتم بيعها ك After market )
وايضا الابل كار بلاي والاندرويد اوتو حسب ما اعرف انه النظام هذا نزل على sync 3 والموجود على التوريس sync 2 غير لو الشركة نزلت تحديث هذا كلام ثاني
والستائر الجانبيه
والقير ال8 نمر
ووضعيات القيادة
نجي اللان الي يميز التوريس عن الازيرا
نظام سوني 12 سماعة
ولمسة فورد المميزة نظام Ford sync
العداد فيه شاشتين جانبيه وفيها الكثييير من الخيارات
جنط 20
ميزة توفير البنزين لما توقف السيارة (السيارة تطفي المكينة وتخلي كل شي شغال المكيف المسجل الطبلون .....) <لمسات فورد
وارقام سريه على الباب
وممكن التوريس تتوفر بدفع رباعي مستمر AWD

في ميزة موجودة في الازيرا وماهي موجودة في التوريس
الي هو الوسع
الازيرا والسوناتا اوسع من التوريس وشي ملحوظ جدا في الازيرا والسوناتا
مو بس اوسع من التوريس الا كمان التشارجر

ازيرا اوسع وحتى السوناتا اوسع منها, الازيرا شكل جديد و عصري. التورس من 10 سنين نفس الشكل وبتوقف, الازيرا 3500 المكينة جيدة على حجم السيارة. التورس ماتحس انها 6 سلندر يعني التسارع اقل من عادي, واقصد مقارنتها بأي 3500 سي سي مثل ماكسيما او افالون/كامري قراندي او كادينزا 3500 سي سي الخ. قير الازيرا 8 سرعات ماتحس بالتغيرات عكس التورس 6 و تحس بالتغير. صرفية الازيرا في الخطوط افضل وحتى داخل البلد يمكن بسبب القير او تقنية المكينة او وزنها الاخف.قطع غيار الفورد المكانيكية سعرها معقول بسبب توحد القطع بينها وبين سيارات اخرى نفس الازيرا اما الخارجية كلها غالية. لكن الازيرا تحصل درجة اولى ودرجة ثانية.

جرب بتورس 2018 4 سلندر
العزل حلو المكيف بارد لكن فيه عيب بالكهرباء مره كانت واقفه كثير بتخزين وشركنا البطاريه انا وصديقي طفت الشاشه ولمبات الطبلون وكل شي
وديناها الوكاله ماعرف وش سوو فيها
الازيرا حلوه ومنظر وشكل لكن نزلت السوناتا 2020 شكل جبار تغير شكلها مره عن الاول وتصميم حلو وفيها موصفات حلوه المسار والنقطه العمياء لكن شفت لها
مقطع فديو تجريبي العزل يعني نسبه 88 بالميه

انصحك تستاجر اي سياره من اللي ذكرتهم وتجرب الحياه تجارب وانت بنفسك والناس اذواق

الازيرا بتتغير مثل السوناتا السنه الجايه ٢٠٢١
و التوروس ممكن ينزلون النسخة اللي تنباع بالصين عندنا
بمكينه اربع سلندر تيربو اقوى و افضل صرفيه
نصيحتي لا تستعجل شف الافضل صرفيه من الست سلندر
حاليا" الكامري V6 و الماكسيما
و اذا ما تحتاج زود عزم اشوف الاربع سلندر وصلت قوة المكاين ٢٠٠ حصان
و اذا بتشتري ست سلندر الافضل جيب كروس اوفر مهو مرغوب سيدان V6 مثل قبل
البنزين وضعه غير ثابت اما العزل اتوقع الامريكي ثم بعده نيسان الافضل
ممكن الافالون الجديدة و ان كان سعرها مبالغ فيه

السلام عليكم
الاخوان ماقصرو وشخصياً اتفق معهم
الازيرا خيار جيد واكثر اتساع واناقة

https://www.youtube.com/watch?v=YyPXMGxTaVs